Filemon 1:5 - ITOU NOMO HILOU BEELE

⁵ taate bona, saini oruwa nere benou lehihide, ne name huwanyate Anyakaro Yesus tuboni no boni huwanyate ngalenga ganga, Itou nomo fai-aita gaude nigi-nigini.

Filemon 1:5 Iomraidhean Croise

Aposel 20:21

Saini oruwa ere huwanyage ubuludu Itou bagu goyei nomo, ebere Anyakaro Yesus boya huwanyage ngalengawei nomo, ji Juda bagu Grik bagu beele danga bagu malalamudu lenigigene.

Romans 12:13

Nere Itou nomo fai-aita ila dada bode tutu nigei mata wogunga, tere hoyo nigagu. Nere fai matane fereha tere bagu mai heigei mata wogunga, tere oofade nigagu.

1 Korin 16:1

Ariya ji elebe tere Itou nomo fai-aita Jerusalem langa yafade waha moni nigei nomo komo wagu ganga onoya waha boni letigini. Ji haruwe beha onowei nomo jala nere Galesia prowins nomo sios abitimu nigeneha, tere fere onowou wahanga ono wagu.

Galesia 5:6

Fai no Yesus Kristus langa yafei matana wonga, ariya genege gala karuwou nomo fanyimu waha no dada ewe. Fai no gogala karuwei uwa waha nomo fanyimu fere no dada ewe. Onou wa fai no huwanya ngalengana waha nomo fanyimu, no nere ila gau nigei nomo jaimu tuna wa no dada hilobainga tigini.

Efesus 1:15

Ji tere tebere Anyakaro Yesus boya huwanyatege ngalengade ganga tebere huwanyatege Itou nomo fai-aita oruwanga nigi-nigiya waha beele isene.

Kolosi 1:4

Ere tere boya beele benou isere, saini beele ngalenga nomo hilou beele tere langa heigainga isidu boya, tere Itou no dada hilobainga ha laluwa langa hangada tagidu tafai waha boya huwanyatege ngalengawai boya, tere waha tei nomo itariya. Ono boya, tere Yesus Kristus boya huwanyatege ngalengade ganga, tebere huwanyatege nere Itou nomo fai-aita oruwa nigiya. Ha-ha oruwa langa nere hilou beele waha malalamudu legane, nere fai-aita baingaro huwanyanege ngalengadu oojo ganenga, nebere onowou hilobainga heige-heigena. Onodu onowou onouhanga tere gamatege langa heigai, fati amugou langa hugu waridu, tere Itou nomo aau warou nomo hilou beele waha agudu tere isi dewei.

1 Tesalonaika 3:6

Ariya Timoti no tere awa tigidu bona, elebe ingabe no mai ere bagu heigaha. No mai heigedu bona beele hilobainga hai hagaha. No tere huwanyatege danga bagu ngalenga boya tere nere ila gaude nigi-nigiya bona lewai. No lewai, tere gai-gai ere boya ninatege isidu, huwanyatege hilobaingana. Ono boya tere ere boya aau tarige ganga ere herigagu ganga ono‑onoya, ono geinga ere fere tere boya aau harige ganga tere terigoboya ono‑onoya.

Filemon 1:7

Yo baabo, ne Itou nomo fai-aita oruwanga gaude nigi genenga, onowou waha langa, ne nebere huwanyanege dangamu nagene. Onodu waha no ji ono higanga edegadeni, onodu ji yame huwanyafe no foinga inyi dena.

1 Jon 3:23

Ariya no nomo nuuni beele benou. Ere no nomo Idau Yesus Kristus nomo unyi boya huwanyage ngalenga wonga, ere etenga-etenga nere ila gaude nigo boya, no ere lehigai dorofe.