Kolose 2:3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³ ra iyi mori dūmūtiumpene siame omwisū nelekon ĭm nointanwi.

Kolose 2:3 Iomraidhean Croise

Matiyu 10:26

Popōwo imo sugkū, ūtūmtetokonda; tiamesū moseni wamsok; ĭm wampīatumpeni tiamesū umnamon.

Nam Navosavos Eni Luk 11:49

Popōwo imosū sugkū, Iyi mori Numpūn-Nelekon isen Nōbū, yemenūwi, memokū,

Netiyi Eni Pol Apostol Punora Oveteme Rom 11:33

Pah! sugkū sie nūsian aremi noĭntanwi ĭm nelekon isen Nōbū! nagkū wonesorugi nūrian nelekon isen wagkili sugkū sie, nugkugko, ĭm mē faneteme worokili netevarū isen!

I. Korint 1:24

kō pun ora dūmovrokonda, pun ora lō Yūdia ĭm lō Krik, Krĭsto horog eni Nōbū, ĭm nelekon Nōbū.

I. Korint 1:30

It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves;

Efesus 1:8

ĭtemas mori yemumpi worenug pugkos ra nointanwi omwisū ĭm nelekon omwisū,

Kolose 1:19

Popōwo Itemen yemokū antĭndowi ra iyi nūsian horog siame sū;

Kolose 1:28

iyi mori ka kĭm lentorenūwi mōmeyevora ōveteme omwisū ĭm tavsokonda ōveteme omwisū ĭm tasgokonda ōveteme omwisū ugi nelekon omwisū, ma ka kelitorora ōvun aremī wokon ra Krĭstō;

Kolose 1:9

Popōwo pe sugkū marugi dan mori kam lorigi ugi pe, kam letūwi worefwaki ĭndowi mōmesenĭgi nisekomi, ma kwampwarugi kĭmi ugi nointanwi ugi nakūrgi isen ra ōvun nelekon ĭm nelavenūri ra Naviat,

Kolose 3:16

Antindowi nūsian irami nam eni Krĭstō ra noĭntanwi omwisū; mūtavsogkūm kĭmigo ugi ōvun narūfo omwisū aremī, Osemsi ugi nelĭntugives ūnōwami pugi Nōbū.

Kolose 3:3

Kūmūmas, kō yetiumpene nomurep enugkimi tovuni Kristo ra Nōbū.

II. Piter 1:5

Im, popōwo ugi imo pe watikisah tamas dansū, woresitū ra taveniri enugkimi ugi sentevives enugkimi; ĭm ra sentevives enugkimi ugi nelekon;

Reveleson 2:17

Iyi mori ĭm telugon eni aremai iyi andigi sie mori Naviat Tumpora umanuwi pon ora ōvun nielepon sai lō tumpora. Im iyi mori umatekisah indowi, ya ampugi mana atiumpeni nisekon woreni, ĭm ya ampugi nevat, nesebo, ĭm ra nevat mori umnetaiyi sai nin itevaū, ĭm tawi sai umagkili, kō iyi mori wokon yivai.