I. Korint 2:1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yaū, ravugsieme, pol sugkū yo okevelum pugkūm, yaūmetū velum ugi nam nenūwiveskū nelekon woretorenūwisah pugkūm nam numpūvsok atiumpene eni Nōbū.

I. Korint 2:1 Iomraidhean Croise

Ovun Apostol 20:21

Mem umpūvsok ugi sū pun ora ōveteme Isrēel ĭm mōveteme Helas, memokū ugi nevīeves nōwan ugi Nōbū ĭm tavniri ra Iesū Krĭstō Novsuromon soret.

Ovun Apostol 22:18

Mo mokesi Iyi (Iesū) yemenūwi po yaū memokū, Ovugovag, Eveve marugi Yersalem, ĭt irora ūtū wandigi numpūvsok sorum ugi yaū:

Netiyi Eni Pol Apostol Punora Oveteme Rom 16:18

Popōwo irora mori umnumpi sugkū ūtūm torugat iran Krĭstō Novsūromon enugkos, kō irora ūmuntorugat ra netnint enirora, wokon: ĭm popōwo nam nemolsep nimpiri enirora ūmumpiriwokona nowanda ōvun nemlū.

Netiyi Eni Pol Apostol Punora Oveteme Rom 16:25

Im pugi iyi mori faneteme worumpi kĭmi ūnam sugkū nam navosavos enyaū ĭm nam umumtorenū-wisah eni Iesū Krĭstō, sugkū ugi nenuatumpeni ra atiumpeni mori yetin afinte ugi neseni natepū ugi ra ōvun nempugon indowi,

I. Korint 1:17

Popōwo Kristo yetū tamūli yaū worumbaptiso, kō woretorenūwi nam navosavos: ko tawi ugi nam nelekon kū entawi onumpi sugkū nam wokon nē ūmparum eni Krĭstō.

I. Korint 1:6

mugi nelekon omwisū; sugkū dūmumpi ūnam nam eni Krĭsto irami:

I. Korint 2:13

Im kos kel letum lanūwi imo siame ugi tavsogi eni neteme, kō ugi tavsogi eni Naviat Tumpora; woresūli siame tawi ugi nowan neteme ra tarū netūtavniri; kō pun ora ra nowan ĭtevaū.

I. Korint 2:4

Im ōvun nam enyaū, ĭm torenūwi enyaū tawi irora ugi ōvun nam nesūlives ugi nelekon, kō ugi pe nenūatumpene eni Naviat,

I. Korint 2:7

kō ka kem lanūwi nelekon eni Nōbū ra nam nesenĭgi, nelekon pe mori yetĭn senĭgi, mori Nōbū yepmenūwi sū ugi pol sugkū tawi nemap ugi nilaslaswi nisekont;

II. Korint 10:10

Itnesog irora horog tamas ōvun netiyi isen; kō nokolisiran tawi aremī ĭm nam isen nindewavū wokon.

II. Korint 11:6

Nagkū tawi yaū faneteme worenūwi aremī fan nam, kō ya umagkili ves siame; ĭtnesog kĭmi kūmagkili yaū ves ra siame sū omwisū ūniminda ōveteme omwisū.

Teselonia 1:10

pol sugkū iyi ampelum worevi nilasilaswi ugi ōveteme aremi isen, ĭm onavlugi iyi ugi irorasū mori dūmū tavniri (popōwo kūm mūtavniri nam ya osūli pugkūm).

I. Timote 1:11

sugkū nam navosavos aremī wokon eni Nōbū nevieves, dūmūtipe irag worefinte.

II. Timote 1:8

Popōwo pe etū arumprum ugi nam numpūvsok eni Novsūromon woresūli pe, kū ugi yaū neteme isen, dūmēiti: kō evī nesorū ugi angelaū ra nam navosavos sugkū ugi horog eni Nōbū;

I. Yoane. 4:14

Im koskemlokesi ĭm lenumpūvsok ugi ma Itemen yemtamūli Netni woreti Nēyōwara ra nemap.

Reveleson 1:2

mori yemumpūvsok ugi nam eni Nōbū, ĭm ugi nesūlives eni Iesū Krĭstū, ugi iroromo mori omwisū yemokesi.

Reveleson 1:9

Yaū Yōane, avinsai enugkimi, ya mori saiteven dal kĭmi ra norigumpūnū enugkos, ĭm ra tiami ra narisah isen Iesū, yaū meti ra ailand mori, nin Patmos, popōwo ugi nam eni Nōbū, ĭm ugi numpūvsok ra Iesū Krĭstō.

Reveleson 19:10

Im yaū momal ōnowon woreteveta iran. Kō yemenūwi poyaū, memokū, Etū umpi sugkū, tawi; Yaū sai lĭvsaū dal kĭk ĭm dal irora revensaime sorum mori ūmofinte nam numpūvsok eni Tesū: teveta iran Nōbū; popōwo nam numpūvsok eni Iesū oti fan nam ra nam dūmūnūatumpeni.