Filipi 4:8 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁸ Im aveni, ravūgsīeme, siame mori Itnesog, siame mori sesie, siame mori tanepo, siame mori sentevives, siame mori aremī, siame mori ūmnumpūvsok aremī ugi; nagkū sī netevarū aremī, ĭm nagkū sī narigi, ūtarūwokonda imo siame.

Filipi 4:8 Iomraidhean Croise

Matiyu 22:16

Mirora dūtamūlora pugi ōvun nūrie enirora dal ōvun nūrie eni Herod, mirora dūmūnūwi pugi mūmōkū, Tavsogi, Ka kemlagkili ma kĭk ĭtnesog, ĭm kĭk ementavsogi ves ugi selat eni Nōbū, ĭm kĭk otūmamtetokonda ōveteme;

Mark 6:20

It iyi Herod yememtetugi Yōanē, popōwo yemokili iyi yeti sī neteme tanepo ĭm aremi, yemokesi ves iran; ĭm pol sugkū yemorĭgi, yeumpi tiame sikat aremi, mō morigives nam eni.

Nam Navosavos Eni Luk 16:15

Miyi yemenūwi punora, memokū, Kĭmi kūmasepen numpi kimi tanepo ūnimĭnda oveteme, kō, Nōbū umagkilisū ūnōwami; ĭt imosū oveteme ūmagkū aremi wokon, nelĭlūo sat ūnĭpmi isen Nōbū.

Nam Navosavos Eni Luk 2:25

Sī neteme ra Yerūsalem, nin isen Sĭmion, miyi tanepo mementemives iran Nōbū; memtametugives nam navosavos nisekonda lō Isrēel, im Naviat Tumpora nandū iyi.

Nam Navosavos Eni Luk 23:50

Sī neteme, nin isen Yosef, sī natemonok nūrian, neteme aremī ĭm tanepo;

Yoane 7:18

Iyi sī umasepen nenūwi umnesorugi nevietevisep nĭsekon; kō iyi sī mori umnesorugi nevietevisep nisekon iyi mori yemtamūli, iyi ĭtnesog, miyi tanepo wokon.

Ovun Apostol 10:22

Mirora dūmūnūwi mūmokū, Kornilius sentūrion, neteme tanepo memamtetugi ves Nōbū, mōveteme Isrēel omwisū ūmnumpūvsok iran, sī nagelo tumpora Nōbū yemtamūli iyi worenūwi pugi mokū iyi ontamūli tovunok worevelum ra nimo eni ma iyi andigi nam sorum.

Ovun Apostol 22:12

Im sī neteme yemetĭndōwi nin isen Ananīas, neteme nufwaki ugi nam alam, ōveteme Isrēel omwisū dūmumpūvsok ugi.

Ovun Apostol 6:3

Popōwo imo sugkū wosorugi rapmamsīemi seven sugkū kĭmi ōveteme ūmnumpūvsok aremī iranda, mumampwarugi Naviat Tumpora ĭm numpūn nelekon ĭm ka ke lantipe irora worumpi imo numpūrak,

Netiyi Eni Pol Apostol Punora Oveteme Rom 13:13

Aremī kos kelenavan ra tanepo, sugkū ra navan pūakas; tawi ugi neyompele ĭm namoneki, tawi ugi nilasĭvian ĭm tampalaū, ĭm tawi ra nesesaū ĭm nakiugi norĭgisat.

Netiyi Eni Pol Apostol Punora Oveteme Rom 13:3

Popōwo ōvun natemonok nurian ūmnūrian ra siame sat, tawi ra siame aremi. Im nagkū kem nakiugi woretūūmtetokonda ōvun natemonok?

Netiyi Eni Pol Apostol Punora Oveteme Rom 14:18

Popōwo iyi mori umentorugat iran Krĭstō sugkū imo ūnipalug ūnipmi Nōbū, ĭm umanuwi aremai ugi oveteme.

Netiyi Eni Pol Apostol Punora Oveteme Rom 2:29

kō iyi neteme Yūdia mori oti sugkū ūnōwan eni; ĭm imo numpi namon itnesog mori ūnōwan, ugi naviat, tawi ugi nokolisiran; ĭm narigi ugi imo otū mamne marugi neteme, kō marugi Nōbū.

I. Korint 4:5

Popōwo pe ūtū ratevetūwi woresorugi sī isen neteme, afeli Narisah ampelum, mori anūatumpene siame umūseni ra nelebokevat, mōĭm sūli ves tarūsū ūnōwanda ōveteme, ĭm Nōbū anūwi ugi tanepo nilasilaswi en ōveteme.

II. Korint 13:7

Ya umnesenigi Nōbū ma ūtū umpi sī sie sī sat kĭmi; tawi ma kĭmi kwontarū ves irag, kō ya umnakīugi memagkū kwonumpi aremī kĭmi, nagkū pe yaū sugkū neteme nimpiri.

II. Korint 6:8

ra norĭgi ves irag ĭm namlī irag, ra nam aremī ĭm nam ūr irag; sugkū neteme nimpiri, kō ĭtnesog;

II. Korint 8:18

Im ya umtamūli dal iyi avit mori umanūwi narigi isen ra nam navosavos ōvun kalesia omwisū;

II. Korint 8:21

popōwo yakum numpi tanepo, tawi ūnĭpmi eni Novsūromon wokon kō ūnĭmĭnda ōveteme sugkū.

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Efesus 4:25

Popōwo pe, ūtafugi Indowi namli enugkimi kĭmi, ĭm ūnūwi nam ĭtnesog kĭmigo pugkūm omwisū: popōwo ĭt kos pe kos sīteven.

Efesus 5:9

wavan kĭmi sugkū ōveteme nilara (popōwo novwan nilara oti tanepoves omwisū ĭm

Efesus 6:14

Utūrū ūnam kĭmi ūtōetīgi netēetĭgi nam itnesog, ūēti nemindogomi ugi tanepoves,

Filipi 3:1

Im imo aveni, ravūgsīeme, wavos kĭmi ra Novsūromon. Ya otūm nimrū woretīyi imo nam sīteven pugkūm, ĭm imo siame aremī nisekomi. Ufinte kĭmi marugi ōvun kūri, ūfinte kĭmi marokonda umnumpi numpūrah sat,

Kolose 4:5

Wavan aremī ūnĭmĭnda mori ōvun natūtavniri, mūfinte ves ōvun nempugon.

I. Teselonia 4:12

ma sugkū kwonumpi aremī nisekonda mori dūtū tavniri, ĭm mūtū ante norumkor irami ugi sie sī.

I. Timote 2:2

nisekonda ōvatemonūk ĭm nisekonda irora sū ōvun horog; ma kos kelante aremī ĭm nemolsep ĭm tumporaves ĭm nointanwi.

I. Timote 3:11

Im aremī ovasiven sugkū wantei aremī, tawi ōvun tavūntan, kō irora wanteteven, ĭm ugi nemolsep, ĭm ōvun tanepo ra siame sū.

I. Timote 3:4

neteme umafinte aremī ōveteme ran temne isen, mōĭmtavsokonda ovunyan isen woralekoleki aremī nam isen, momumpi aremī omwisū;

I. Timote 4:12

Tawi sī neteme usendūkiye iram popōwo kĭk neviarep; kō aremi kante safi nisekonda ūmentavniri, ugi nam, ugi netevarū enugkĭk, ugi nelintugi, ugi tavniri, ĭm ugi sentevives.

I. Timote 5:10

ūmanūwi aremī ugi numpūrak aremī ovunyan enirora, nagkū dūmavegonora ōvun domo, nagkū dūmandewugi nowanda ōveteme aremī, nagku dūmelĭntokonda ōvun norĭgumpūnū, nagkū dūmūri unam ōvun numpurak aremī omwisū.

I. Timote 5:2

ōvun ĭtumpūkoneme sugkū revevenomo ra sentevives omwisū.

Tītus 1:8

kō umnavgunora ōveteme, umnelintokonda ōveteme aremī, umantindowi aremī ran tavniri tanepo, tumpora, umesompat nakiugi ūr isen;

Tītus 2:14

iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

Tītus 2:2

memagkū ōveteme talam wafinte aremē netevarū aremī, monumpi aremī, nelekon nugko ūnōwanda, ĭtnesog ran tavniri, ra nelintugi ĭm nemolsep:

Tītus 2:7

ra siame sū kĭk antin safi ra ōvun numpūrak aremī omwisū kosesi aremī ran tavsogi ra nam tanepo omwisū enugkĭk,

Tītus 3:14

Im tavsokonda ravetsīēme soret kĭk ma irora wonatekisah worumpūrah numpūrah aremī nisekonda ōveteme, memagkū irora worenug.

Hibru 11:2

Im popōwo ugi tavniri enirora raventeveneme dūmūvi narĭgi aremī.

Hibru 13:18

Ufwaki kĭmi nisekomam: popōwo ka kem lagkilives, magkū, nowamam aremī, ĭm ka kem lenakīugi worete aremī ugi tanepo ra siame sū.

Yakobo 1:27

Tavnirigi tanepo ĭm sentevives wokon ūnipini Nōbū Itemen enugkos oti imo, woratnemora ōvalalaū tawi itemenda, ĭm ōvun neviumpiwi ra norĭgumpūnū enirora, ĭm worefinte iyi sentevives wokon marugi nemap.

Yakobo 3:17

Kō nelekon mori umamne marugi pokop oti sentevives mampum, penūri iyi ninparata ĭm nemolsep, umandigi pe itnum, ĭm ūvwarugi nelĭntugi ĭm umamampūō ugi nowan aremī, ĭm tawi tarūtaru isen, ĭm tawi nimpiri.

I. Piter 1:22

Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

I. Piter 2:12

wumpi netevarū aremī kĭmi ūniminda ōvun nelevokevat; ma irora, pol sugkū irora wagesi ōvun numpūrak aremī enugkimi, wampīeves Nōbū ugi imo siame irora dūmūtavūntan sat irami ugi pe, ra nempugon nilara ampelum punora.

I. Piter 4:8

ĭm mōmū ra siame sū omwisū ute ugi nelintugi tamas pugkūm kĭmi; popōwo nelintugi umatiumpeni sat sū sikat:

II. Piter 3:1

Ravūgsīme paū, imo netiyi dūrūgi yakum netīyi pugkūm: ĭm ra dūrūsū yakum mamūwi pugkūm worōiyokonda ōvun nowami aremi woretani;

I. Yoane. 3:18

Ah, ravūgsaieme, aremai nelintugi enugkos tawi nam wokon ra nugont; kō ugi numpūrak ĭm tanepo itnesog.

I. Yoane. 3:3

Im irora sū mori ūmūntevetūwi iyi ūmūsendomsi irora, sugkū iyi sentevives ĭndowi.

I. Yoane. 4:1

Ravūgsaīeme paū, ūtūtavnirigi ōveteme omwisū kĭmi, kō ūsorugi aremai nam numpūvsok iranda, worūkili nagkū dūmne ra Nōbū kū tawi: popōwo sikat ōvun profet nempiri live ra nemap.