Filipi 4:7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

⁷ Im ninparata eni Nōbū, mori tamas wokon sugkū nugkugko worokili, ante afĭnte nowami ĭm ōvun tarū enugkimi ra Iesū Kristo.

Filipi 4:7 Iomraidhean Croise

Nam Navosavos Eni Luk 1:79

Mokū ampunora nilara, mori ūmantesep ra nelebokevat ĭm namolĭn nēmas, Montōrokos ra selat ninparata.

Nam Navosavos Eni Luk 2:14

Warūfoves numpĭlĭn Nōbū ra nūrūsū tantevakepe, Im ra nemap, ninparata, nelugelugives iranda oveteme.

Yoane 14:27

Ninparata ya awi pugkūm ninparata enyaū ya umampugkūm. Ya otumampugkūm sugkū ōveteme ra nemap. Utūyēōmpeli ūnōwami, ūtūmtetugi, kĭmi kūrĭgi mori ya onūwi pugkūm, mokū, ya umampe, ĭm ya umampelum pugkūm.

Yoane 16:33

Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.

Netiyi Eni Pol Apostol Punora Oveteme Rom 1:7

punora omwisū ra Rom, ōvun nĭlentugi eni Nōbū, dūmū tampolekūm woreti ōvun tanepo: Nelugelugeves pugkūm ĭm ninparata marugi Nōbū Itement ĭm Novsūromon Iesū Krĭstō.

Netiyi Eni Pol Apostol Punora Oveteme Rom 14:17

popōwo tanepo eni lō eni Nōbū tawi woreni (nevag) ĭm woremoneki, kō tanepoves ĭm ninparata ĭm navosavos ra Naviat Tumpora.

Netiyi Eni Pol Apostol Punora Oveteme Rom 15:13

Im Nōbū ugi ratevetūwi umpi ūvūwarugi nōwami ugi navosavos ĭm ninparata ra tavnirigi, ma kwon nenum ugi ratevetūwi, ra horog eni Naviat Tumpora.

Netiyi Eni Pol Apostol Punora Oveteme Rom 5:1

Im popōwo umagkū kos ōvun tanepo ugi tavniri, aremī ko kel umpi irant nĭnparta eni Nōbū ugi Iesū Kristo Novsūromon enugkos;

Netiyi Eni Pol Apostol Punora Oveteme Rom 8:6

Ovun nakiugi ūnōwag, etūwi oti nemas, kō nakīugi siame isen Naviat Aremi oti nomūrep ĭm ninparata:

II. Korint 10:5

kō horog ūnipmi eni Nōbū woro talepasi siame nugkugkoi); ka kim lentalepasi ōvun tarū tarū enirora oveteme, ĭm ōvun nugkugko ūnōwanda mori umesompat nilara eni Nōbū ĭm ka kim lentorora ōvun tarū woretorugat iran Kristo;

II. Korint 13:11

Im marima, ravūgsĭme, kĭmi paū. Wumpi aremī sīteven kĭmi; ūte ra ninparata: ĭm Nōbū mori oti ninparata ante mante dal kĭmi.

Kalesia 5:22

Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

Efesus 3:19

ĭm worokili nelintugi eni Krĭstō horog tamas wokon sugkū nugkugko worokili ugi, ma kwampi kĭmi tamas marugi ūvwareves omwisū eni Nōbū.

Filipi 1:1

Kam, Pol ĭm Tĭmoti, ōvun lĭvsaū eni Iesū Krĭstō, punora ōveteme aremī omwisū ra Iesū Krĭstō umante ra Filipi, dal ōvun bĭshop mōvun dikon:

Filipi 1:2

Itemas paū pugkum ĭm ninparata marugi Nōbū Itement ĭm Iesū Krĭstō Novsuromon.

Filipi 4:19

Im Nōbū enyaū ampugkūm siame omwisū aremī nisekomi sugkū ugi siame noete nūsian aremī isen ĭm nilasilaswi ra Iesū Krĭstō.

Filipi 4:21

Irora paū ōveteme aremī omwisū ra Iesū Krĭstō. Raveteme ūmante dal yaū ūmagkū kĭmi paū.

Filipi 4:9

Siame mori yaūĭmtavsogkūm ĭm kūmūvĭ ĭm kūmūrĭgi ĭm kūmokesi irag, wumpi imo siame: ĭm Nōbū ninparata ante dal kĭmi.

Kolose 3:15

Im aremī ante tamas ūnōwami nelĭntugi eni Krĭstō dūmūverugkūm ugi imo ra nokolisiran sīteven; mōmumpalugi kĭmi.

Teselonia 3:16

Im iyi Novsūromon ninparata ampugkūm ninparata dan sū ra siame sū. Novsūromon antemante dal kĭmi omwisū.

Hibru 13:20

Im Nōbū ra ninparata, mori yemtorisah marugi nemas iyi mori shepherd horog isenda ōvun pugipugi ugi nde ra nam alam nam ūnam, mori Iesū Novsūromon enugkos,

Netaiyi eni Jūd 1:1

Yaū Jūd, lĭvsaū eni Iesū Krĭstō, ĭm avinsai eni Yakobo, pun ora mori dūmūvrokonda, ōvun tampolives eni Nōbū Itemen, ōvun nefinte nisekon Iesū Krĭstō:

Reveleson 1:4

Yōane pun ora nilepon sai lō tu pora seven ra Esya. Itemas paū pugkum ĭm ninparata, marugi iyi mori umante ĭm yemeti imo ampelum; ĭm morokonda ōvun Naviat seven mori ūmanti ūnipmi

Reveleson 2:17

Iyi mori ĭm telugon eni aremai iyi andigi sie mori Naviat Tumpora umanuwi pon ora ōvun nielepon sai lō tumpora. Im iyi mori umatekisah indowi, ya ampugi mana atiumpeni nisekon woreni, ĭm ya ampugi nevat, nesebo, ĭm ra nevat mori umnetaiyi sai nin itevaū, ĭm tawi sai umagkili, kō iyi mori wokon yivai.