Filipi 4:3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

³ Im ĭtnesog yakum nesenugkĭk sugkū, kĭk nesitū irag itnesog, averora ovasiven mori, popōwo irora dūmūtorugat ra nam navosavos, ĭm Klement sugkū, ĭm irora oveteme nugkon dūmūtorugat dal yaū mori ōvun ninda ūmante ra netiyi nomūrep.

Filipi 4:3 Iomraidhean Croise

Nam Navosavos Eni Luk 10:20

Kō, ūtūavos ugi imo, popōwo ōvun naviatindi ra mumpon kĭmi; wavosavos popōwo yemetīyi nin soremi ūnpokōp.

Netiyi Eni Pol Apostol Punora Oveteme Rom 12:1

Im popōwo pe ya umneserugkūm, ravūgsīeme, ugi ōvun nelĭntugi eni Nōbū, memagkū utenimpe nokolisirami, sokowara amūrepwi tumpora, aremī ugi nisekon Nōbū, mori ĭtnesog umante irami worumpi.

Netiyi Eni Pol Apostol Punora Oveteme Rom 16:12

Iyi paū Traifina ĭm Traifosa, mori dūmūtorugat ra Novsūromon. Iyi paū Persis, mori vevenūg aremai, mori yemtorugat tamas ra Novsūromon dan sū.

Netiyi Eni Pol Apostol Punora Oveteme Rom 16:9

ĭm Stēkis avug sai paū sorūg.

Filipi 1:12

Im yakum nakiugi, ravūgsīme, memagkū kwagkili ma siame mori dūmūtepū irag umnumpi worenug nam navosavos mōmūgo;

Filipi 1:16

nugkon mori ūmnumpi ugi nelĭntugi, popōwo irora ūmagkili ma dūmūtipe yaū ma ya onatekisah ra nam aremī:

Filipi 1:27

Kō aremī netevarū enugkĭmi ante aremī sugkū ra mumpon nam navosavos eni Krĭstō: ma nagkū ya ampelum magkosekūm kū ya ante ra nūrū sī, ya andegi nokowo kūm mante kĭmi, ma kĭmi kūmantūr ūnam ra naviat sīteven ĭm nowami sīteven ĭm ugi natekisah horog ugi tavniri ra nam navosavos;

Filipi 1:5

popōwo ugi nesitū enugkimi worumpi naloves nam navosavos marugi dan mampūm mori mafeli marima;

Filipi 1:7

ĭm sugkū ĭt oti aremī irag woretarū sugkū ūnōwag nisekomi omwisū, popōwo ya okevi kimi ūnōwag, popōwo pe, ra nugkugko irag popōwo ugi worēĭt im ugi natekisah enyaū woresūlives ĭm woretipe ūnam nam navosavos, kĭmi omwisū kūm avrimugi ĭtemas paū dal yaū.

Filipi 4:2

Yakum manūwi tamas pugi Yūodia, ĭm ya umanūwi tamas pugi Sĭnteki, memagkū irora wantĭndowi ra tarū sīteven ūnōwanda ra Novsūromon.

Kolose 1:7

sugkū yemtavsogkūm Epafras neteme torugat paū enugkam dal kam, lĭvsaū tanepo eni Krĭsto nisekomam,

Reveleson 13:8

Im lō sū omwisū ra nemap wonteveta iran, ĭm irora sū omwisū mori dūtū taiyi sū ra netaiyi nomūrep eni Lam mori dūmūtalugi iyi ra nempugon etūai mori ĭm tawi nemap.

Reveleson 17:8

Nūrah mori kĭm mokesi yemete, ĭm tawi iyi faneteme marima; ĭm iyi ampelum mōmū marima marugi nokol numpoū impwap isūt, ĭm umampe ra niswate. Im wonavlugi irora mori ūmante ra nemap, mori irora mori dūtūtaiyi ninda ra netaiyi nomūrep marugi natipotnin nemap, pol sugkū irora wagesi nūrah mori, ma yemete, ĭm tawi iyi marima, ĭm momampelum.

Reveleson 20:12

Im yaū mokosora ōvun nemas ōveteme horog ĭm irora ōveteme wokon, ūnipmi potnumpūtūwo; ĭm dūmūselevlevi ōvun netaiyi; ĭm dūmūselevlevi sai mōmū netaiyi, mori netaiyi ugi nomurep ūvrūni; ĭm dūmūrian iran da ōvun ne mas sugkū tiame dūmūtaiyi ra mumpon ōvun netaiyi, sugkū ugi ōvun numpūrak enirora.

Reveleson 20:15

Im irora sū mori dūtūtaiyi irora ra mumpon netaiyi nomurep ūvrūni, dūmūtafugi irora ra mumpon nūrū nimsin nom.

Reveleson 21:27

ĭm ūtū entorimpe yūi ra mumpon sie sai nililūwo, kū sai umnumpi sai entie sai umagesindi ugi pe, kū umnamlai: kō irora wokon dumūtaiyi irora ra netaiyi nomūrep ūvrūne eni Lam.

Reveleson 3:5

Iyi moru ummatēkisah wonevaiugi iyi ra nemes nesebo; ĭm ĭtnesog ya otū oiyoiki nin isen marugi netaiyi nomūrep, kō ya anūatumpen nin eni ūnipmi eni Nate enyau, im ūniminda ōvun nagelo isen.