Filipi 3:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² Ya otū magkū ya okevi sū imo siame, ĭm ya otū magkū yaū aremī wokon: ko ya umnelevi nagkū ya ampi kū imo mori Iesū Kristo yemtori yaū ugi pe.

Filipi 3:12 Iomraidhean Croise

Matiyu 5:48

Uti kĭmi aremī ĭndōwi sugkū Itemen kĭmi ūnpokūp aremī ĭndōwi.

Ovun Apostol 9:15

Novsūromon yōmenūwi pugi memokū, Eveve ĭt iyi nūrah yaotampoli nisekūg woruriuki nin ūnĭminda lōsū, movun natemonok, mōveteme Isrēel sugkū:

Netiyi Eni Pol Apostol Punora Oveteme Rom 8:39

kū nompōū ĭmpwap, kū sī sie sī omwisū wante faneteme woresompat amtugkos marugi nelintugi eni Nōbū, mori umante ra Iseū Krĭstō Novsūromon enugkos.

I. Korint 13:10

kō pol sugkū ampelum nimpugon aremī, nointanwi ugi nugkon wokon ampia, ĭm nointanwi horog ampelum irant.

I. Korint 13:12

Im marima kos kĭm lagesi ra miror sugkū nakoūp tawi aremī; kō ra nimpugon sī kos kel agesi ves sugkū kos ūnĭminit: ya magkili nugkon marima; kō ra nempugon mori va agkili omwisū sugkū ūmagkili yaū.

I. Korint 9:24

Kūmūtū kili kū ma irora mori umnalo ra selat (rēs) nĭmsĭn woretapmi umnalo omwisū, kō siteven wokon ampi nĭpmi? Walōves sugkū kĭmi ma kwampi nĭpmi.

II. Korint 13:9

Ya um navos, pol sugkū ya umandromoro, ĭm kĭmi ōvun torugat: ĭm ya umnakīugi imo, memagkū, ma kimi kwanti aremī ĭndowi.

II. Korint 7:1

Ravugsieme, umante tovunekos imo sū ōvun nam dūmūnūatumpene, popōwo pe sugkū aremī kos kele sendumsi ves irant marugi ōvun neliūo omwisū ra nokolisirant ĭm naviat enugkos, mō mumpi netevarū aremī indowi memtetugi ves Nōbū.

Kalesia 5:17

Nakiugi ūnōwant pe sī, kō nakiugi eni Naviat pe sī; ĭm imo endūrū sugkū sī ĭm sī; popōwo pe sugkū ūtū umpi imosū kūmnakīugi worumpi kĭmi.

Efesus 1:4

sugkū yemtampolokos ra iyi ra nĭmpugon tawi nemap, ma kos kel ante tumpora ĭm tawi sī ūr irant ūnipmi iyi ra nelintugi: yovum torokos mōmemumpi kos ovunyan isen ra Iesū Krĭstō pugi iyi,

Efesus 4:12

memagkū worumpi aremī ĭndowi ōveteme aremi, woretorugat ra nam,

Filipi 1:1

Kam, Pol ĭm Tĭmoti, ōvun lĭvsaū eni Iesū Krĭstō, punora ōveteme aremī omwisū ra Iesū Krĭstō umante ra Filipi, dal ōvun bĭshop mōvun dikon:

Filipi 3:16

kō imo sugkū Nōbū anūatumpene pugkum: kō, ra imo mori kos kelevĭsō, aremī kos kelenūri indowi sugkū.

Filipi 3:3

popōwo kos ōvun numpi namon irant, ugi ĭtnesog, popōwo kos kem lumpi ugi Naviat eni Nōbū, ĭm lenavos ra Iesū Krĭsto, mūtū tavniri ugi ōvun numpi ratilat ra nokolisiran:

Filipi 3:8

Im ĭtnesog yaū magkū nindewavū wokon siame sū omwisū popōwo ugi imo mori aremī ĭndowi, memagkū worokili Iesū Kristo Novsūromon enyaū: ĭm ya otafugi siame omwisū, memagkū irora sugkū nililūo wokon,

I. Teselonia 5:15

Ufĭnte ma tawi sī onumpi nampon ra sat; kō wumpi dan sū imosū aremī pugkūm kĭmi, ĭm punora ōveteme omwisū.

Teselonia 2:13

Kō ĭt oti aremī ma ya onumpalugi pugi Nōbū nisekomi dan sū, ravūgsĭeme ōvun nelĭntugipau eni Novsūromon, popōwo pe Nōbū yemtampolekūm marugi natipotnin ma wumkumēyōwara ra sentevives enugkĭmi ugi Naviat ĭm tavniri ra nam ĭtnesog:

I. Timote 5:10

ūmanūwi aremī ugi numpūrak aremī ovunyan enirora, nagkū dūmavegonora ōvun domo, nagkū dūmandewugi nowanda ōveteme aremī, nagku dūmelĭntokonda ōvun norĭgumpūnū, nagkū dūmūri unam ōvun numpurak aremī omwisū.

I. Timote 6:19

mōtmtavinepon natipotnin aremī nisekonda irora wonelakavi nomūrep, mori nomūrep ūvrūni.

Hibru 12:14

Usorugi ninparata tovun ora ōveteme omwisū, ĭm wumpi aremī, iyi sī kū sī mori otū onumpi imo otū agesi nipmi Novsūromon:

Hibru 12:23

ĭm pugi semsimak horog ĭndowi ĭm nelepon sī lō tumpora, enirora ōvun kalesia ĭtnetemefi, mori umantipe ninda ūnpokop, ĭm pugi Nōbū mori Nurie onūrianda ōveteme sū omwisū, ĭm pun ora ōvun naviat isenda ōveteme aremī mori dūmumpi irora aremī wokon ĭndowi,

Hibru 13:21

wumpi kĭmi aremī ĭndowi ra tiame sū omwisū worumpi sugkū nakiugi isen, worumpi ūnisog kos imo mori aremī ūnipmi isen, ugi Iesū Krĭstō, antemante pugi nilasilaswi ūvūm nevisū indowi indowi Amen.

Yakobo 3:2

Popōwo kos ĭmlitakeli dan sū ra siame sikat kos sū. Im nagkū sī otū takeli ra nam isen, iyi neteme aremi wokon, ĭm faneteme worefinte aremī nokolisiran omwisū sugkū.

I. Piter 5:10

Im Nōbū ĭtemas paū omwisū mori yemtorokūm ra nilasilaswi unam indowi ra Krĭstō, kō mampūm kwandigi lap nesorū nempugon virok, iyi pe iyi amkūmēyōekūm, menumpi kĭmi horog ĭm ūnam ra tavniri.

II. Piter 3:18

Kō ūti aremī kĭmi mūnenum ra ĭtemas paū ĭm nointanwi eni Iesū Krĭstō Novsūromon enugkos. Im antemante nisekon nilasilaswi marima ĭm ūvūm nevisū ĭndowi. Amen.