Filipi 3:10 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹⁰ ĭm horog nevsorasah isen, ĭm lante ūndū iyi ra ōvun norĭgumpūnū isen, ĭm sugkū iyi ra nemás isen;

Filipi 3:10 Iomraidhean Croise

Matiyu 20:23

Miyi yōmenūwi punora memokū, Kĭmi kwomoneki marugi kup enyaū, mō mambapisō ugi baptĭsma mori ya ambatisō ugi, kō woretesep ra nokovug meves, kū moor, tawi enyaū worovugi, umante nĭsekonda mori yetĭn siman ugi Itemeneyaū.

Yoane 10:18

Tawi sī umampi marokoyaū, ya umasepen nōwi. Yaūĭmpi nempasewugi woresepen nōwi; ĭm yaūĭmpī nempasewugi worōmampĭ. Yaūĭmpī imo nempasewugi marugi Itemen enyaū.

Yoane 17:3

Im imo nomūrep ūbrūni ma irora wagkilok, Nōbū itnesog siteven, ĭm Iesū Krĭstō mori kĭratamūli.

Netiyi Eni Pol Apostol Punora Oveteme Rom 8:17

ĭm nagkū kos ōvun netnime, kos ōvun nevi; worevi siame eni Nōbū kel andiuki nesorū ūndū iyi, ma kos kel ampi ōndū moĭmpi narigi ugi ūndū Krĭstō; nagkū ĭtnesog kos kelampī ūndū iyi nilasilswi.

Netiyi Eni Pol Apostol Punora Oveteme Rom 8:29

Im irora mori yemesepen okilora, yepimtampolora woreta ūnōwanda sugkū sū safi eni iyi pe iyi Netni isen, ma iyi ante ĭtnetemefi iranda raveneme sikat:

Netiyi Eni Pol Apostol Punora Oveteme Rom 8:36

Sugkū dūmūtīyi ugi memokū, Irora ūmentalugkam ran dan sū omwisē popōwo ugi nin enugkĭk; Umagkū ugi kos memagkū ōvun pugipugi nimsin talugi.

II. Korint 1:10

iyi mori yemtori yaū marugi nemas nugkugko mori, miyi ontori yaū sugkū: ya umtesūwī iran memagkū iyi osemsempari irag dan sū;

II. Korint 1:5

Popōwo umante irag norĭgumpūnū horog ugi Krĭsto, ĭm sugkū umante nisekūg nemolsep horog popōwo ugi Kristo.

II. Korint 13:4

popōwo dūmūtalugi iyi ra ne ūmparum ugi netromoro isen, kō iyi umamūrep ugi horog eni Nōbū. Ya umandromoro ra iyi, kō ya amūrep dal iyi ugi horog eni Nōbū pugkūm.

Kalesia 2:20

Yaū mepmas ra nē umparum ūndū Krĭsto; ĭm ya umamūrep: ĭm tawi yaū mori umamūrep, kō Krĭstō umamūrep ūndū yaū: ĭm imo nomūrep mori yakum nomūrepwi marima ra nemap ya um amūrep ra tavniri, tavniri mori iran Netni eni Nōbū, mori yemelĭntokoyaū, ĭm yem espen tenimpe iyi nisekūg.

Kalesia 6:17

Im marima ūtū yōmpele sī mōmū irag sī neteme: popōwo ya okevi nampon nugkugko ra nokolisirag ra Iesū.

Efesus 4:13

ugi nefinte ves nokolisiran eni Kristo: mafeli nimpugon mori kos kel ante sīteven ugi tavniri, ĭm nelekon ugi Netni eni Nōbū, momenalam sugkū neteme talam ugi safi horog mōmūvwarugi ra Krĭsto:

Filipi 3:8

Im ĭtnesog yaū magkū nindewavū wokon siame sū omwisū popōwo ugi imo mori aremī ĭndowi, memagkū worokili Iesū Kristo Novsūromon enyaū: ĭm ya otafugi siame omwisū, memagkū irora sugkū nililūo wokon,

Kolose 1:24

Im ya umnavos ra mumpon norĭgumpūnu enyaū popōwo ugi kĭmi, ĭm okompeli norĭgumpūnū yemete isen Krĭstō, ra fan enyaū popōwo ugi nokolisiran, mori nilpon sī lō tumpora;

Kolose 2:13

Im kĭmi kūmūte ōvun nemás popōwo ugi ōvun sat sū enugkĭmi ĭm netūvī namon ra nowami etuwī nugkugko, kĭmi mori, yemumpi kĭmi ōvun nomūrep dal iyi, miyi yemefielintogkos ōvun sat sū enugkos omwisū;

Kolose 3:1

Im nagkū kūmūvsorasah dal Kristo, ūsorugi siame ūnpokūp, ĭya Kristo umante, umantesep ra nokoven meves eni Nōbū.

I. Piter 1:3

Nevieves iran Nōbū Itemen eni Iesū Krĭstō Novsūromon enugkos, popōwo ugi itemas paū nūsian isen yoimumpi kos ĭtevaū ugi tevetūur nomurep ugi nivsorasoh eni Iesū Krĭstō marugi nemas,

II. Piter 1:13

Im ya magkū aremī, pol sugkū ya umante ra imo nimo nokolisiran, worenūatokili dan sū pugkūm ugi imo omwisū;

I. Yoane. 2:3

Im ugi imo kos kelagkili ma kos kemlagkili iyi nagkū kos kelnenalekoleki ōvun nam alam isen.

I. Yoane. 2:5

kō iyi mori umampaieves nam isen, ĭtnesog umakopeli nelintugi eni Nōbū ūnisog iyi. Im popōwo ugi imo kos kemlagkili ma kos ūnisog iyi:

Reveleson 1:18

yaū neteme mampūm, ĭm yaū neteme ra nisah, ĭm iyi mori Amūrep; ĭm yaū meti nemas, ĭm yaum amūrep ūvūm nevi sū indowi, ĭm umante tovūn yaū ki ra nemas ĭm ra Hēdes.