Filipi 2:12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹² Popōwo pe ravūgsĭeme paū enyaū, sugkū mori kūmalekoleki ĭndowi mori, tawi wokon pol sugkū yaū dal kĭmi, kō marima mōmūgo pol sugkū yakum mante isūt, ūsorugi siame nēyōwara nisekomi ugi nemtitugi ĭm nevekūrakūra;

Filipi 2:12 Iomraidhean Croise

Matiyu 11:12

Marugi nempugon eni Yōane mefeli ra nempugon marima, ōveteme dūmosukomulepwi worĭntorĭmpe ra lō ūnpokūp; mirora mori ūmnatekĭsah tamas umampĭ ĭtnum.

Matiyu 11:29

Uvĭ woresūrie enyaū ra nōwami mūkili tovun yaū; ĭt yaū nomolsep im noramel ūnōwag; ĭm kĭmi kwampĭ nemĭndog nĭsekon naviat sū enugkĭmi;

Ovun Apostol 16:29

Miyi yemovrugi tovūni me miraū sah ūnisog, mumevokorokora, me mesepen numol ūniminda Pol im Silas.

Ovun Apostol 9:6

Miyi yumevekūrekūr memovkorĭtiwi yemtagkeli memenūwi memokū, Novsūromon tie kem nakiugi ya onumpi! Miyi Novsūromon yemenūwi pugi memokū, Etūok impe ra sĭti ĭm sī anūwi punok sie konumpi.

Netiyi Eni Pol Apostol Punora Oveteme Rom 2:7

punora ūmnatekisah ugi natekisah nemolsep ra numpi isenda memesorugi nilasilaswi ĭm sesie ĭm otū avtar, nomūrep ūvrūni:

I. Korint 15:58

Popōwo pe sugku, ravūgsīeme paū aremī, ūte nugkugko, ūte ūnam, ūtin tandamsah indowi kĭmi ra ōvun numpūrak eni Novsūromon, popōwo kĭmi kūmagkili ma numpūrak enugkĭmi tawi nĭndewavo ra Novsuromon.

I. Korint 2:3

Im yaū mete dal kĭmi ugi netromoro, ĭm nemetet, ĭm nevikūrekūr tamas.

I. Korint 4:14

Ya otū umetiyi imo siame ma sugkū kwon narumprum kĭmi, kō woreyevekūm sugkū ovunyan paū sorug.

II. Korint 7:15

Im iyi umnelĭntugkūm tamas mōmū kĭmi, popōwo iyi umnenteme nokowo nalekoleki enugkimi omwisū, ma ugi nemtetugi ĭm nevekūrokur kĭmi kūmūvi iyi.

Efesus 6:5

Ovun torugat walekoleki irora mori ōvun narisah enugkimi ra nemap, ugi nemtitugi ves, ĭm sesie, ĭm ugi nowami aremī, sugkū pugi Krĭstō;

Filipi 1:27

Kō aremī netevarū enugkĭmi ante aremī sugkū ra mumpon nam navosavos eni Krĭstō: ma nagkū ya ampelum magkosekūm kū ya ante ra nūrū sī, ya andegi nokowo kūm mante kĭmi, ma kĭmi kūmantūr ūnam ra naviat sīteven ĭm nowami sīteven ĭm ugi natekisah horog ugi tavniri ra nam navosavos;

Filipi 1:29

popōwo umentinĭmpe pugkum ugi Krĭstō, tawi woretavniri wokon iran, kō worevi nesorū ĭm nesesaū popōwo ugi nin eni:

Filipi 1:5

popōwo ugi nesitū enugkimi worumpi naloves nam navosavos marugi dan mampūm mori mafeli marima;

Filipi 1:6

ĭm ya um tavniri ugi tavniri ĭtnesog ugi imo pe siame, memagkū, iyi mori yematipotni numpūrah aremī irami ĭtnesog iyi onumpi ĭndowi afeli dan eni Iesū Krĭstō:

Filipi 2:19

ya magkū ra Iesū Novsūromon woretamūli Timoti pugkūm ma ya onavos, pol sugkū ya agkili ugi kĭmi.

Filipi 4:1

Popōwo pe sugkū, ravūgsīeme pau yakum nelĭntugkum tamas, kĭmi navos enyau ĭm kraūan enyau, ūte sugkū unam ra Novsūromon, ravūgsīeme kĭmi paū.

Filipi 4:15

Im kĭmi lō Filipi, kĭmi kūmagkili, ma pol sugkū natipotnin nam navosavos, pol sugkū yaū memne marugi Masedōnia, tawi sī nilpon sī lō tumpora yemesitū dal yaū woretalug muni kū worevi,

I. Teselonia 1:3

metūmawi worenteme numpurak tavniri enugkĭmi ĭm torugat nelintugi ĭm nemolsep ratevetūi ra Iesū Krĭsto Novsūromon, ūnĭpmi Nōbū Itement;

II. Timote 2:10

Popōwo pe ya ampi ōvun nesorū ugi siame sū popōwo ugi irora ōvun tampoli ma irora sugkū wampi nēyōwara mori umante ra Iesū Krĭsto ĭm navosavos ūvūm nevi sū ĭndowi.

Hibru 12:1

Im popōwo umafeafe irant ōvun numpūvsok netevokontū tamas ūmtopotneme irant, aremi kos kelen tafugi marugkos ōvun nokelar omwisū umesompatamtugkos,

Hibru 4:1

Im popōwo pe aremī kos kelen nemetet, kū entawi sī kō irami otō ampi imo nūrū nemindog isen, mon dūmūnūwi ugi pugkos.

Hibru 4:11

Im popōwo pe aremī kos kelenatekisah worintorĭmpe ra nemindog mori, ma ōtū amol sī neteme ugi sendoeikia sugkū irora.

Hibru 5:9

ĭm polekū yemete aremi wokon yemete nomurep ūvrūni nisekonda omwisū umintavnirĭgi iran;

I. Piter 2:11

Ravūgsīeme paū, ya umnesenugkūm sugkū ōveteme ūmnavanavan ōvun domo, ma ūtūumpi siame nakīugi nōwami etūwi, mori ūmnavokat ra naviat enugkimi;

II. Piter 3:18

Kō ūti aremī kĭmi mūnenum ra ĭtemas paū ĭm nointanwi eni Iesū Krĭstō Novsūromon enugkos. Im antemante nisekon nilasilaswi marima ĭm ūvūm nevisū ĭndowi. Amen.