Rut 2:20 - Biblia Enxet

²⁰ Tén axta ektáha Noemí eyátegmowágkokxo s'e: ¡Wesse' egegkok sa' epasmok! Ẽlápeykha apagko' negko'o kaxwo' ma'a, ekhawo aptamheykegkaxa axta m'a apkeletsapma nak. Ennámakkok egagko' negko'o xa énxet nak. Cháxa keñamak ekpayhawo nak negko'o yaqwayam hẽltaqmelchesek xa.

Rut 2:20 Iomraidhean Croise

2 Samuel 2:5

apkeláphássek axta apkelásenneykha David apkeltamho etnehek elának se'e: “Wesse' egegkok sa' epasmok kéxegke eñama ektaqmalma kélteméssessamakxa Saúl, wesse' kélagkok axta, kélátawanyama.

2 Samuel 9:1

Aptáhak axta David apkelmaxneyáncha'a s'e: “¿Yetnéya makham apkeymomap ma'a Saúl axta aphawóxama, yaqwayam enxoho ko'o ataqmelchesek sekteméssesakxa' ekxeyenweykekxoho ewáxok ma'a Jonatán axta?”

Job 19:25

Ekya'ásegkók ko'o apha m'a Semasma, yaqwayam heyátegmakkasagkok amya'a keso náxop.

Proverbios 17:17

Egmók segápeykha nak chá'a, máxa egyáxeg egagko' etnehek ma'a ekwa'a enxoho ekyentaxno negha.

Levítico 25:25

“Yetneyk sa' agkok apchókxa xamo' ektamhéyak meyke aqsok apagkok, keñe apmésa enxoho ekha ekyánmaga xapop apagkok, ey'áwak sa' xama m'a ektáha nak pók apagko', keñe sa' emekxak ma'a xapop apyamasma nak ma'a pók nak.

Rut 2:21

Keñe axta Rut ektáha makham se'e: —Apkeltamhók xeyk han ko'o alenxanmohok sektamheykha yetlo m'a apkeláneykha ekwokmoho apsawhékpo apnakxamap ma'a hótáhap apaktek.

Rut 3:12

Naqsók eykhe ko'o sekteme émók ahagko' xeye'. Yetneyk eyke nahan pók ekteme mók xeye'; eyke ektáha ketók agko' mók xeye' m'a, kaxnók ko'o.

Rut 4:14

Tén axta kelán'ák ektáha eyáneya Noemí s'e: ¡Apcheymákpoho sa' chá'a kólteméssesek Wesse' egegkok, apméssek sakhem xama atáwen yaqwayam etaqmelchesek chá'a exche'! ¡Etnoho annal'a kélya'áseykegkoho ekyókxoho kañe' Israel xa atáwen nak xeye'!

Rut 4:4

Éltamhók eyke ey'asagkohok xép, apmenyeyk sa' agkok emekxa', tásek elyentamakpohok emekxak se'e kaxwo' nak apháncha'a nak se'e ektáha nak apweteykegkoho, tén han se'e énxet'ák ekha kéláyo nak tegma apwányam. Payhawók xeyep emekxak xapop apagkok axta m'a Elimélec, hakte apteme pók apagko' axta exchep ma'a. Sa' agkok emakók emekxa', héltennés sa', hakte payhawók ko'óxa amekxak ma'a memako enxoho exchep emekxa'. Aptáhak axta apchátegmowágkokxo apteme pók se'e: —Amekxak sa'.

Rut 4:6

Aptáhak axta apchátegmowágkokxo apteme pók apleg'a aptáha apcháneya xa: —Eyke mowanchek amekxak ektáha enxoho xa ektáha nak, hakte anaqtawasha katnehek ko'o m'a étchek nak, meyke xapop apagkok katnahagkok. Apmenyeyk agkok xép emekxa', apwanchek emekxa', agkeyásekxak sa' eyke ko'o exchep ma'a sepayhémo nak yaqwayam amekxa'.