Rut 1:6 - Biblia Enxet

⁶ Xama ekhem axta leg'ak amya'a Noemí, neyseksa ekha m'a yókxexma Moab, apwákxo makham Wesse' egegkok ma'a eyókxa appasmeykxo makham, tén han apheyásekxo makham aptéyak ma'a énxet'ák.

Rut 1:6 Iomraidhean Croise

Génesis 21:1

Aptaqmelchessek axta apteméssesakxa Wesse' egegkok ma'a Sara, ekhawo apxeyenmakxa axta etnéssesek.

Génesis 28:20

Cha'a apmésakxa axta han appeywa Jacob Wesse' egegkok, aptáha s'e: “Aptemék sa' agkok sekxegexma Dios, tén han setaqmelchesa enxoho neyseksa sekxega, segkésa enxoho sekto, tén han sélántaxneykekxa apáwa,

Génesis 48:15

Tén axta aptáha apkelmaxnéssesa aqsok éltaqmela José s'e: “Dios apkelyeheykekxoho axta chá'a m'a Abraham tén han Isaac, cham'a élyapmeyk nano' axta, Dios setaqmelchessama, axta sekxók sekteyeykmo,

Génesis 50:25

Apkeltamhók axta etnéssesek naqsók Israel apketchek apkeltamhókxa etnahágkok, aptáhak axta apkeláneya s'e: “Naqsók sa' ey'óták epasmok kéxegke m'a Dios. Temék sa' agkok xa, kólsók sa' kéxegke exchakkok.”

Salmos 102:14

Apkelásekhayók xép apkeláneykha m'a meteymog ekpalleyam nak tegma; chaqhegkek apkelwáxok kélteméssessama nápakha'a apketkók.

Salmos 111:5

elmésagkok chá'a aptéyak ma'a énxet'ák ektáha nak chá'a apcháyo; ¡megkalwánaqmék han chá'a m'a ekhémo mók apkelpaqhetchásamákpoho nak!

Salmos 132:15

Almések sa' chá'a ko'o ekxámokma nento s'e Sión nak, amasséssesek sa' meyk élnapma m'a énxet'ák agkok meyke nak aqsok apagkok.

Salmos 145:15

Kelenmexmók xép aphakxa ekyókxoho aqsok élhaxanma elmésagkok ektéyak ekmayhágko enxoho chá'a.

Salmos 146:7

Elánekxések chá'a apheykha m'a kélnaqtawáseykegkoho nak, elagkok nahan chá'a aptéyak ma'a meyk át'ák nak. Elántekkesek chá'a Wesse' egegkok ma'a apkelmomap nak;

Salmos 147:14

Meyke ektáhakxa apheykha apteméssessók énxet'ák ma'a xapop apagkok nak, apkelyaqkánegkessegkek apkeleykegko m'a hótáhap apaktek apkeltaqmalma apagko' nak.

Éxodo 3:16

Exeg, yánchásekxa sa' ma'a apkelámha apmonye'e nak Israel. Sa' etnehek elának se'e: ‘Exekmowásekpok axta ko'o m'a Wesse' egegkok, cham'a Dios apagkok axta m'a kélyapmeyk nano' axta kéxegke, cham'a Abraham, Isaac, tén han ma'a Jacob axta Dios apagkok, tén han séltennasa ko'o apkeláneykencha'a kéxegke, apxéna nahan apwetaya kélteméssessamakxa m'a Egipto.

Éxodo 4:31

Tén axta m'a énxet'ák nak maxta elya'ássekmok. Xama axta apkelya'ásegwokmo apkeláneykencha'a Wesse' egegkok tén han apweteya ektémakxa apkellegeykegkoho. Apkelháxahánteyk axta apkeltekxeyágko aptapnák xapop apkelpeykásawo.

Proverbios 30:8

Hétnakhásses ma'a sektémakxa megkamámnaqsoho tén han sekmowána amya'a, ná hetnésses aqsa ekxákma aqsok ahagkok, essenhan meyke aqsok ahagkok; hegkés aqsa chá'a sekto eyeyméxchexa enxoho chá'a,

Isaías 55:10

“Cham'a ektémakxal'a ekmámeye kaweywenták eñama m'a néten tén han yeyám appok megkaltaqhók makham ma'a éleñamakxa nak, kayássesek aqsa m'a xapop, kataqmelchesek nahan, kaltektekkesek nahan ma'a aqsok, katekkesek nahan aqsok aktek yaqwayam kólchenekxa', tén han ma'a nento yaqwayam antók,

Jeremías 29:10

“Aptáhak Wesse' egegkok se'e: ‘Wokmek sa' agkok setenta apyeyam ma'a Babilonia, kaxénekxak sa' ko'o makham ewáxok kéxegke, alának sa' ma'a aqsok sekxeyenma axta alána', wának sa' kólchexyók makham se'e yókxexma nak.

Joel 2:19

aptáha s'e: “Wáphássesek sa' ko'o kéxegke hótáhap apaktek, tén han vino, tén han pexmok égmenek, ekwokmoho kélyaqkanakmo; magwohók sa' kaxwók elya'ássók kéxegke m'a énxet'ák mehey'áseyak nak ko'o.

Sofonías 2:7

Énxet'ák Judá sa' emekxak xa apchókxa nak, cham'a apkeleymomap nak meletsapma, apwa'akto sa' epásegwaták ma'a Dios Wesse' apagkok, apyaqmagkassesa sa' mók ma'a ektémakxa nak apheykha. Sa' elanha apnaqtósso nepkések ma'a, keñe sa' axta'a ellókassekxak chá'a apkelyampe m'a tegma apheykegko nak Ascalón.

Rut 1:5

apkeletsapa nahan xa étchek nak, cham'a Mahlón tén han ma'a Quilión, tén axta ektéma meyke agko' ekyepetchegwánxa m'a Noemí, méko axta aptemék ma'a étchek, tén han atáwa'.

Rut 1:7

Tén axta ekxéna awáxok kataqhohok makham ma'a Judá yetlo m'a étchek axta apnaqteyegka'a, kelántekkek axta m'a yókxexma ekheykegkaxa axta,

1 Samuel 2:21

Appasmomchek axta Wesse' egegkok ma'a Ana, tén axta ektamheykekxo chá'a lóso'. Weteyak axta Ana apqántánxo étchek apkelennay'a, tén han ánet ma'a kelwán'ák, apwánegyek axta aqsa nápaqtók Wesse' egegkok ma'a sakcha'a Samuel.