Rut 1:1 - Biblia Enxet

^1-2 Wetamaxcheyk axta meyk élnapma énxet'ák ekyókxoho apchókxa Israel, cham'a nano', aptamheykegkaxa axta apkelxegkesso apkeltamheykha Israel ma'a apkelámha apmonye'e nak kempakhakma. Keñe axta xama énxet apkeñama axta m'a Belén nak Judá, apwesey axta Elimélec, apmaheykegko sekxók apheykmo yaqwatakxoho m'a yókxexma Moab. Yetlamchek axta nahan ma'a aptáwa' Noemí, tén han ma'a apqánet apketchek, cham'a Mahlón, tén han ma'a Quilión. Efrata énxet axta nahan xa ekyókxoho nak, apkeleñama nak Belén. Kelweykmek axta m'a yókxexma Moab, tén axta élheykmo m'a.

Rut 1:1 Iomraidhean Croise

Génesis 12:10

Teyepmeyk axta meyke nento ekyókxoho xa yókxexma nak, tén axta apheykmo yaqwatakxoho Abram ma'a Egipto, hakte méko axta temék nento m'a aphakxa axta.

Génesis 26:1

Tamheykekxeyk axta makham meyke nento xa yókxexma nak, ektéma axta m'a apyennaqtamakxa axta makham Abraham. Axta keñamak apmaheykegko Isaac ma'a Guerar, aphamakxa axta Abimélec, wesse' apwányam apagkok axta m'a filisteos.

Génesis 43:1

Yágwokmók axta meyk segaqhe m'a apchókxa nak Canaán,

2 Samuel 21:1

Teyepmeyk axta meyk segaqhe neyseksa apteme wesse' apwányam David ekweykmoho apqántánxo apyeyam. Tén axta David appaqhetchessama Wesse' egegkok, axta aptemék apchátegmoweykegko Wesse' egegkok: “Saúl aptémakxa ekmaso keñamak ektepa meyk segaqhe, tén han apkeltémakxa m'a apnámakkok, hakte apkelnapmeyk ma'a gabaonitas.”

1 Reyes 18:2

Apxegkek axta Elías apmeyákxo m'a aphakxa nak Ahab. Awanhók agko' axta ekteyapma meyk segaqhe m'a Samaria.

1 Crónicas 2:51

Salmá, Belén apyáp; tén han Haref, Bet-gader apyáp.

1 Crónicas 2:54

Salmá apketchek: Belén, netofatitas, Atrot-bet-joab, nápakha' axta han ma'a manahetitas, tén han ma'a soreítas,

Salmos 105:16

Aptekkessessegkek axta meyk segaqhe m'a apchókxa nak, apmassésseykmek axta ekyókxoho nento,

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Jeremías 14:1

Appaqhetchessek axta Wesse' egegkok Jeremías eñama ekteme meyke yegmen. Aptáhak axta apcháneya s'e:

Ezequiel 14:13

“Apkelánegkek sa' agkok melya'assáxma xama apkelókxa hénmexek ko'o tén han seyensakmo enxoho sétleykha, allegássesagkohok sa' ko'o, amasséssók sa' ma'a ektémakxa nak ekha aptéyak; wáphaksek sa' meyk nepyeseksa, wának sa' eletsapok énxet tén han ma'a aqsok kélnaqtósso.

Ezequiel 14:21

“Ektáhak ko'o sekpeywa s'e sektáha nak Wesse': Kayágwomhok sa' aqsa ekmaso seyáphasa sa' ko'o cuatro nenlegeykegkoho ekmaso agko' ma'a Jerusalén, cham'a kempakhakma, meyk segaqhe, aqsok nawha'ák éllo tén han ma'a negmasse ekmaso, yaqwayam sa' kalnápok ma'a énxet tén han ma'a aqsok kélnaqtósso.

Levítico 26:19

Amasséssók sa' ko'o ektémakxa nak éleymáxkoho kélwáxok; wának sa' megkáphássesek ekmámeye néten, keñe sa' xapop megkeyxnések aqsok kélcheneykekxa'.

Amós 4:6

“Énnáhakkassegkek axta eykhe ko'o kéxegke meyk ekyókxoho tegma apkelyawe kélagkok nak; meyke kéltéyak axta eykhe ekteméssessók ekyókxoho kélheykegkaxa nak, ¡axta eyke hélye'eykekták ko'o kéxegke!” Wesse' egegkok apxeyenma xa.

Miqueas 5:2

Keñe exchep, Belén Efrata, apteme nak ketchetsek nepyeseksa m'a Judá apnámakkok, xép sa' yenyék etyapok xama wesse' apwányam apagkok Israel, aptáwen neptámen nak ma'a nanók énxet.”

Deuteronomio 28:38

Kólchenekxak sa' chá'a ekxámokma m'a aqsok aktek, ántawók sa' eyke chá'a kólnakxek ma'a ekyexna, hakte sawa' sa' esawhaksek.

Jueces 12:8

Ibsán axta aptemék apkemha apmonye' apagkok israelitas neptámen ma'a Jefté, apkeñama axta m'a Belén,

Jueces 17:7

Aphegkek axta han xama wokma'ák ma'a Belén apkeñama mók nekha, apkeñama axta nepyeseksa Judá énxet'ák apagkok, apteme axta levita.

Jueces 17:8

Apteyepmeyk axta Belén xa wokma'ák nak, aptegyeykencha'a mók aphakxa, apweynchámeykha axta m'a egkexe nak Efraín, keñe apweykmo m'a Micaías apxagkok.