4 “Énxet'ák, kéxegke ekya'áyam se'e sekpeywa nak.
Appaqmetchek Wesse' egegkok, cham'a Dios apteme nak néten ekyókxoho m'a aqsok kéláyókxa; apkelwóneyha apheykha nak keso náxop, cham'a teyapmakxa ekhem nak, tén han ma'a taxnegwánxa ekhem.
legássek ekpeywa m'a nekha nak atña'ák, nentaxnamakxa nak tegma apwányam:
Kéxegke wokma'ák, meyke nak kélya'áseyak aqsok tén han ma'a élyeyháxma nak, ¡kóltámesaxche kélteme ekha ekxeyenma kélwáxok tén han kélya'áseykegkoho aqsok!
Kóleyxho sa' se'e, énxet'ák kélyókxoho nak; kóltaqmelchesho sa' kélháxenmo s'e kélyókxoho kélheykha nak ekyókxoho apchókxa: Elxénchásekxohok sa' kéltémakxa kéxegke Wesse' egegkok ma'a aphakxa nak tegma appagkanamap aptaqmalma apagkok.
