Proverbios 5:9 - Biblia Enxet

⁹ yaqwayam enxoho megkamassegwomek ma'a ektémakxa nak apteme ekha kéláyo, keñe han megyaqhehek aptáhakxoho apketkok ma'a atáwa' nak ma'a kelán'a nak,

Proverbios 5:9 Iomraidhean Croise

Nehemías 13:26

“¡Cháxa ektéma axta han apkeláneya mey'assáxma Salomón xa ektéma nak, wesse' apwányam axta m'a Israel! Méko axta eykhe xama wesse' apwányam nepyeseksa m'a pók aptémakxa énxet'ák aphawo nak xa, tén han apchásekhayo m'a Dios; tén han apteméssessama wesse' apwányam ma'a ekyókxoho nak Israel, kelánessegkek axta eyke mey'assáxma m'a kelán'a megkatnaha nak appeywomo xamo'.

Proverbios 31:3

Nágyoho kasawhaksek ektémakxa apyennaqte m'a kelán'ák nak, hakte cháxa eknaqtawáseykencha'a nak chá'a m'a apkelwesse'e apkelwányam.

Proverbios 5:10

yaqwayam enxoho metókasek aqsok apagkok ekyetnakxa nak xép ma'a pók énxet'ák megkatnaha apkeleñémeyo xamo', tén han esawhaksek selyaqye apagkok.

Proverbios 5:8

Ná épetchegwom ma'a kelán'a megkatnaha nak aptáwa'; ná etnegwom ma'a átog axagkok nak,

Proverbios 6:26

Ekyánmaga eyke aqsa chá'a amenyeyk ma'a kelán'a ekyaqmagkáseyak nak pók énxet ektegye selyaqye, keñe m'a kelán'a apha nak atáwa', wánxa aqsa kaltamhok kategkesek ma'a énxet ektaqmalma nak aptémakxa'.