Proverbios 3:7 - Biblia Enxet

⁷ Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.

Proverbios 3:7 Iomraidhean Croise

2 Samuel 12:20

Tén axta David apkempákxo néten aphakxa náxop, apyaqpássek axta yegmen, apkexpaqhákpek han sokmátsa, apyaqmagkassek axta pók apkelnaqta, keñe aptaxnegwákxo tegma appagkanamap yaqwayam elpeykeshok Wesse' egegkok. Tén axta apmeyákxo m'a apxagkok, apkeltamhók axta kólmések apto, aptókek axta.

Nehemías 5:15

Axta etnaheykegkok ma'a apkeltaqmelchesso apkelókxa apmonye'e axta aptamhéyak, matnamakxa axta ko'o, apyentaxnéssessegkek axta apheykha énxet'ák, hakte yókxoho ekhem axta apkelméyak chá'a cuarenta sawo selyaqye élmope, yaqwayam etegyagkok aptéyak, tén han vino. Apnaqtawáseykegkók axta han énxet'ák ma'a apkeláneykha nak, makke ko'o atneyk xa ektáha nak, eñama seyáyo m'a Dios.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Éxodo 20:20

Keñe axta Moisés apchátegmowágkokxo. Aptáhak axta apkeláneya s'e: —Nágkóle'. Apwa'ak Dios yaqwayam elyepkeynek tén han kóltéhek chá'a kélaye, yaqwayam enxoho megkóllanyek chá'a m'a megkólya'assáxma.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 14:27

Nenteme negáyo Wesse' egegkok, cháxa éñamakxa m'a ekyennaqte nak egnények, segmallahanchessamól'a sẽlpextehetma nétsapma.

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Proverbios 23:4

Nágyaqhap aptamheykha eltamhok etnehek ekxákma aqsok apagkok; elwatés ekxéneykha apwáxok katnehek xa ektáha nak.

Proverbios 26:12

Egwanchek makham ampasmok ma'a énxet ekyeyháxma nak, kaxnók ma'a énxet apxeyenma nak apya'áseykegkoho ekyókxoho aqsok.

Proverbios 26:5

Yepwagkoho chá'a apchátegmowéyak ma'a énxet ekyeyháxma nak, mopwanchek agkok chá'a apchátegmowéyak, yának kaxnak apya'áseyak ma'a ekyeyháxma nak.

Proverbios 28:11

Yának chá'a etnahak apya'áseykegkoho aqsok ma'a énxet ekxámokma nak aqsok apagkok, keñe m'a énxet meyke nak aqsok apagkok, tén han apya'áseykegkoho nak aqsok, ékpelkohok chá'a aptémakxa'.

Proverbios 28:26

Énxet ekyeyháxma m'a apchásennamakpoho apagko' nak chá'a; kólmallahanchesek sa' eyke chá'a ekmaso apha m'a énxet apkelane nak chá'a nélxekmowasamáxche ektaqmela nak.

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Eclesiastés 12:13

Wánxa amya'a kéllegasso. Penchásexcheyk kaxwók ekxénamaxche aqsok. Etne apcháyo Dios, elána' m'a apkeltémókxa nak antéhek, hakte cháxa yaqwayam chá'a elanagkok énxet xa.

Isaías 5:21

¡Kéxegke laye, kélanagko nak kóltáhak ekha kélmowancha'a kéltemessásamáxche nak ekha kélya'áseyak aqsok!