Proverbios 3:10 - Biblia Enxet

¹⁰ keñe sa' kallanagkohok agko' chá'a aqsok aktek apkeneykekxa m'a apxátamakxa nak chá'a, keñe han ma'a apkelyátamakxa nak vino.

Proverbios 3:10 Iomraidhean Croise

2 Crónicas 31:10

tén axta m'a apkemha apmonye' apkelmaxnéssesso Dios énxet'ák apagkok Azarías, Sadoc axta aptáwen neptámen, aptáhak axta apchátegmowágko s'e: “Xámok axta nentéyak sekxók axta eyeynawo kélsáyam aqsok ma'a Wesse' egegkok tegma appagkanamap apagkok, xámok makham éleymomáxche'; keleymomáxchek ekyókxoho xa ekwánxa nak ekxámokma, hakte apkelméssegkek aqsok éltaqmela Wesse' egegkok ma'a énxet'ák apagkok.”

2 Crónicas 31:21

Tásek axta ekteyapma ekyókxoho aqsok apkelánésso axta m'a Dios tegma appagkanamap apagkok, tén han ma'a Wesse' egegkok segánamakxa apagkok, keñe han ma'a apkeltémókxa nak antéhek, hakte apkelenxánekmek axta apketamso Dios ekweykmoho kañók agko' apwáxok.

Salmos 144:13

Kelláneykegkok aqsok aktek negkeneykekxa m'a nenxátamakxa nak chá'a, kelláneykegkok mók ektémakxa nento. Xámeykekxók agko' ma'a aqsok nennaqtósso, xámok han ma'a yókxexma egagkok.

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Proverbios 22:9

Dios sa' epasmok ma'a énxet ektaqmeleykha nak chá'a apwáxok elanok apnámakkok, eñama apkelmésso chá'a aptéyak ma'a énxet'ák meyke nak aqsok apagkok.

Joel 2:24

Apxámok sa' etnehek apnakxamap hótáhap apaktek, awanhek sa' han katnehek ma'a vino, tén han pexmok égmenek.

Hageo 2:19

Kóllano, sakhem sa' keynhok exek hótáhap apaktek ma'a kélxátamakxa nak chá'a. Megkeyxnak eykhe makham ma'a anmen yámet, tén han higo yámet, tén han yántakyexna, tén han olivo; sakhem sa' eyke ko'o weynhok agkések ektaqmalma kélheykha.”

Deuteronomio 14:29

yaqwayam sa' etawagkok ekwokmoho apkelyaqkanakmo apkelwa'akto enxoho m'a levitas, melxaweykegko nak xapop apagkok apagko', essenhan ma'a énxet'ák apkeleñama nak mók apkelókxa apheykha nak chá'a kélnepyeseksa kéxegke, essenhan ma'a élyeheykha nak tén han ma'a xentampe'e nak. Keñe sa' Dios Wesse' kélagkok egkések chá'a ektaqmalma ekteyapma m'a ekyókxoho aqsok kéllanakxa enxoho chá'a.

Deuteronomio 28:8

“Etaqmelchessesek sa' Wesse' egegkok ma'a kélxátamakxa nak chá'a aqsok aktek ekyexna kélcheneykekxa tén han ma'a ekyókxoho aqsok kéllanakxa enxoho chá'a, yának sa' kalpayhekxak kélwáxok neyseksa kélheykha m'a apchókxa yaqweykenxa nak egkések.