Números 9:23 - Biblia Enxet

²³ Elpakxenagkok axta nahan chá'a m'a apkeltamho enxoho chá'a elpakxenagkok, elxegekxak axta nahan chá'a m'a apkeltamho enxoho chá'a elxegekxak ma'a Wesse' egegkok. Apkelyeheykekxók axta m'a Wesse' egegkok segánamakxa apagkok, ekhawo m'a ektémakxa axta apmésso appeywa, apchásenneykekxoho axta m'a Moisés.

Números 9:23 Iomraidhean Croise

Génesis 26:5

hakte élyaheykekxók axta ko'o m'a Abraham, apkeláneyak axta han ma'a séltémókxa nak chá'a etnehek, seyánamakxa axta chá'a etnehek, tén han segánamakxa ahagkok nak, keñe han ma'a nélxekmowásamáxche ahagkok nak.”

Salmos 107:7

Tén axta apkelya'ásekxo ektaqmelakxa ámay ekmahéyak ma'a xama tegma apwányam yaqwánxa exmakha.

Salmos 73:24

epékessáseykegkek axta eyke chá'a sepaqhetchessama, hemok sa' eyke takha', yetlo ektaqmalma sélteméssesakxa'.

Éxodo 17:1

Apyókxoho israelitas axta apkelántépak ma'a yókxexma meykexa énxet ekwesey nak Sin, apkelxegákxo makham meyke ekpekhe, apkelyeheykekxoho chá'a m'a apkeltémókxa axta etnahagkok ma'a Wesse' egegkok. Apkelpakxenwokmek axta makham ma'a yókxexma ekwesey nak Refidim, méko axta eyke yegmen yaqwayam enxoho énagkok ma'a énxet'ák nak,

Isaías 63:14

ektémól'a weyke kalchexyók kalmeyenták ma'a ekpayhegweyktamxa nak xapop?” Wesse' egegkok espíritu apagkok axta naqleykha m'a. Cháxa aptémakxa axta apnaqleykencha'a m'a énxet'ák apagkok tén han aptéma kélya'áseykegkoho ekyókxoho yókxexma, tén han apcheymákpoho.

Ezequiel 44:8

Megkólláneykegkok nahan chá'a m'a aqsok élpagkanamaxche ahagkok séltémo axta chá'a kóllána', kélméssegkek aqsa chá'a yaqwayam elanagkok ma'a énxet'ák megkatnaha nak kélókxa xamo'.’

Zacarías 3:7

“Keso aptáhakxa exchek appeywa Wesse' egegkok ekha nak apyennaqte s'e: ‘Étlow sa' ámay ahagkok, elána sa' nahan ekyókxoho m'a sekmésso axta séltémo elána'. Aptemék sa' agkok xa ektáha nak, etnehek sa' aptaqmelchesso m'a exagkok. Elanha sa' ma'a ekweykekxoho m'a kañe' apwáxok nak, agkések sa' ko'o exchep apmopwána etaxnegwaták chá'a nepyeseksa s'e sélásenneykha apkeltamheykha nak chá'a sekhakxa.

Números 10:1

Appaqhetchessek axta Wesse' egegkok ma'a Moisés. Aptáhak axta apcháneya s'e:

Números 10:13

Aptamhágkek axta apkelxega m'a apkeltamhókxa axta Wesse' egegkok etnahagkok, apchásenneykekxo axta eltennaksek ma'a Moisés,

Números 9:19

Wegqawók axta agkok chá'a ekyetno néten tegma appagkanamap ma'a yaphope nak, melxegekxeyk axta chá'a m'a israelitas, elyahakxohok ma'a apkeltémókxa axta chá'a etnahagkok ma'a Wesse' egegkok.

Josué 22:3

Megkólwátésseykmok makham kélpaxqeykha kélnámakkok, ekwokmoho makham se'e negwánxa nak, kélláneykegkek meyke kélyenseyam ma'a apkeltémókxa nak antéhek ma'a Dios Wesse' kélagkok nak kéxegke.