Números 8:8 - Biblia Enxet

⁸ Keñe sa' éntementák xama weyke étkok kennawo', elsanták sa' nahan apqántawók ma'a hótáhap aptaqmalma apagko' nak, kélyélaqtésso nak kélenchehe pexmok égmenek, ektáha nak ekyepetche xa, yaqwayam etnéssesek apmésso naqsa aqsok aktek kélcheneykekxa, keñe sa' nahan mók weyke étkok kennawo', yaqwayam kamátog ekyaqmageykekxa magya'assáxma.

Números 8:8 Iomraidhean Croise

Éxodo 29:1

“Keso yaqwánxa sa' chá'a etnéssesek apmáheyo nak chá'a etnéssesek apkelmaxnéssesso énxet'ák ahagkok se'e: Elyésha sa' xama weyke kennawók étkok tén han apqánet nepkések apkelennay'a, meyke nak ektemegweykmohóxma apyempe'ék;

Éxodo 29:3

exátem sa' xama hówenaq apxagkok étkok yaqwayam sa' esakxak ma'a kélpakxanma appagkanamap, yetlo m'a weyke kennawók étkok tén han ma'a apqánet nepkések apkelennay'a nak.

Isaías 53:10

Mékoho axta apkeltémok etnéssesek Wesse' egegkok apméssama aplegeykegkoho neyseksa apha m'a. Ahóxek sa' nahan katnehek apha eñama apmeyásamákpoho apagko' yaqwayam emátog ekyaqmageykekxa mólya'assáxma, kammohok sa' apkelwet'a m'a aptawán'ák neptámen nak; sa' kañék ekteyapma aqsok yaqwayam nak elának Wesse' egegkok xa.

Levítico 1:3

“Ekwatnamáxche sa' agkok apmeyásak ma'a aptósso nak weyke, kéméxcheyk katnehek ma'a xama weyke kennawo' meyke nak ektemegweykmohóxma ekyókxa, éntemegmak sa' ma'a nápaqto' nak Wesse' egegkok, cham'a átog nak kélpakxanma apchaqneykekxexa nak chá'a énxet'ák, yaqwayam enxoho kamaxchek takha'.

Levítico 16:3

Etaxnegwakxak sa' chá'a Aarón kañe' ekpagkanamaxchexa agko' nak, yetlo xama weyke kennawo' yaqwayam yaqhek ekyánmaga megkólya'assáxma, tén han xama nepkések apkennawo', yaqwayam etnéssesek apwatnamap.

Levítico 2:1

“Kélsántegkessek sa' agkok kélxama Wesse' egegkok kélmésso naqsa nak aqsok aktek ekyexna, kéméxcheyk kólsógmak ma'a hótáhap aptaqmalma apagko' nak, kólyegkenek sa' nahan néten pexmok égmenek, tén han ma'a aqsok ánek ekmátsa nak ekpaqneyam éten agkok;

Levítico 4:14

kélyekpelchágwokmek sa' agkok apkeláneyak melya'assáxma, kéméxcheyk egkések xama weyke étkok kennawo' ma'a apyókxoho nak, yaqwayam etnehek apchaqhe ekyánmaga melya'assáxma. Kólyentamok sa' ma'a átog nak nentaxnamakxa kélpakxanma apchaqneykekxexa nak chá'a énxet'ák;

Levítico 4:3

“Apkelanak sa' agkok mey'assáxma apkelmaxnéssesso Dios énxet'ák apagkok apkemha apmonye' nak, keñe m'a mey'assáxma apkelane nak, kawakxohok ma'a apyókxoho énxet'ák nak, kéméxcheyk egkések apmésso naqsa Wesse' egegkok ma'a weyke étkok kennawo' meyke nak ektemegweykmohóxma ekyókxa', yaqwayam etnehek apchaqhe ekyaqmageykekxa m'a mey'assáxma apkelane nak.

Levítico 8:2

“Éntem sa' Aarón yetlo apketchek, elsow sa' nahan ma'a apáwa apkelántaxno nak apkelmaxnéssesso Dios énxet'ák apagkok, tén han pexmok égmenek sẽlteméssesso nak nempagkanamaxche', tén han weyke étkok kennawo' ekmatñamól'a ekyánmaga megkólya'assáxma, tén han apqánet nepkések apkelennay'a, tén han hówenaq apxagkok étkok kélxata nak pán meyke kempáseyak.