Números 8:11 - Biblia Enxet

¹¹ Keñe sa' Aarón hélmések ko'o m'a levitas, etnéssesek ma'a ektémól'a kélmésso naqsa aqsok kélya'áseykhal'a néten nahaqtók ko'o, eñama m'a israelitas. Cháxa peya sa' etnahagkok apkeltamheykha sélánésso chá'a ko'o aqsok ma'a levitas.

Números 8:11 Iomraidhean Croise

Éxodo 29:24

elmés sa' Aarón ekyókxoho xa aqsok nak tén han ma'a apketchek nak, elya'asha sa' néten elsakxak ma'a sekhakxa nak ko'o, sektáha nak Wesse' kélagkok.

Levítico 7:30

Apmék sa' chá'a elsakxak nápaqtók Wesse' egegkok ma'a aqsok apkelmésso naqsa élwatnamáxche nak, tén han ma'a pexmok agkenyek, tén han ma'a agkenyek agko' nak, yaqwayam enxoho ey'asha néten nápaqto' Wesse' egegkok.

Levítico 7:34

hakte cham'a aqsok ektekyawa segwetassamo nak nélásekhamaxchekxoho sélánésso nak chá'a ko'o m'a israelitas, ekmeykekxeyk ko'o sekteméssessama aqsok sélmésso naqsa ektaqmela, tén han eywok, yaqwayam chá'a hélmések, keñe sélméssama m'a Aarón apkelmaxnéssesso nak énxet'ák ahagkok, yetlo m'a aptawán'ák neptámen, yaqwayam nak chá'a elxawagkok meyke néxa, aqsok apkelmésso naqsa nak chá'a m'a israelitas.”

Levítico 8:27

Keñe axta apkelmésa Aarón, tén han apketchek xa ekyókxoho nak, yaqwayam enxoho elya'asha néten ma'a nápaqto' nak Wesse' egegkok etnéssesek aqsok apmésso naqsa.

Levítico 8:29

Tén axta natámen Moisés apma m'a apnények nak nepkések, apya'áseyha axta néten nápaqto' Wesse' egegkok apteméssesa aqsok apmésso naqsa. Cháxa nepkések apkennawo apnények kélmeykencha'awól'a hẽlteméssesek nélmaxnéssesso Dios énxet'ák apagkok, cháxa apxaweykekxo nak chá'a m'a Moisés, ekhawo m'a apkeltamhókxa axta katnehek ma'a Wesse' egegkok.

Números 6:20

Keñe sa' ey'asha néten nápaqtók Wesse' egegkok apkelmaxnéssesso Dios énxet'ák apagkok xa ekyókxoho nak. Élpagkanamaxche m'a kéltósso agkenyek tén han eywok kélmésso nak Wesse' egegkok, tén han kélanchesso m'a apkelmaxnéssesso nak Dios énxet'ák apagkok. Keñe sa' nazareo awancha'ak makham keynagkokxak vino natámen xa.

Deuteronomio 10:8

Cháxa apkelyéseykegkaxa axta nahan Wesse' egegkok Leví énxet'ák apagkok yaqwayam eswok chá'a m'a yántéseksek ekhémo mók nélpaqhetchásamáxkoho apagkok nak Wesse' egegkok, tén han yaqwayam exnakha chá'a nápaqto', tén han elpeykesho' tén han elmaxnéssesek chá'a yetlo apxeyenma apwesey, ekhawo aptamheykegkaxa nak makham se'e negwánxa nak.