Números 6:3 - Biblia Enxet

³ megkeynagkek sa' ma'a vino, essenhan ma'a mók anmen nak, essenhan ma'a mók aqsok égmenek ekmáske élánamáxche nak vino essenhan ma'a anmen, essenhan ma'a anmen yámet ekyexna égmenek nak; yawanchek sa' nahan katawagkok ma'a anmen yámet ekyexna, tén han ma'a ekyexna kélyamasso nak.

Números 6:3 Iomraidhean Croise

Levítico 10:9

“Peyk sa' agkok chá'a exchep etaxnegwakxak ma'a kélpakxanma apchaqneykekxexa nak chá'a énxet'ák, tén han ma'a apketchek nak, kéméxcheyk megkólyenagkehek chá'a m'a vino, tén han ma'a mók anmen segaqhamo nak, kóletsapok katnehek. Cháxa segánamakxa meyke néxa xa, yaqwayam sa' kawakxohok ma'a apyapmeyk, tén han kélketchek,

Amós 2:11

Israelitas, élyéseykha axta nahan ko'o kélnepyeseksa kéxegke kélketchek sektemessáseykegko apkellegasso sekpeywa, keñe nahan nápakha nazareos.” Wesse' egegkok apxeyenma xa.

Amós 2:12

“Kéleykegkek axta eyke kéxegke anmen yámet égmenek ma'a nazareos, keñe axta megkólhayo ellegaksek sekwesey m'a apkellegasso axta sekpeywa.

Números 6:4

Yawanchek sa' chá'a katawagkok ekyókxoho éleñama nak anmen yámet ekyexna neyseksók ektamhéyak nazareo, cham'a émpe'ék nak ekweykekxoho m'a aktek nak.

Jueces 13:14

megkeynhek sa' vino, tén han ma'a mók aqsok élánamáxche nak anmen yámet ekyexna, keñe han ma'a mók anmen ekyennaqte nak, megkatwehek sa' han ma'a aqsok ekmanyása nak. Kalának sa' aqsa m'a séltamhókxa exchek katnehek.

Jueces 13:4

Nágkayen aqsa m'a vino, tén han ma'a mók anmen ekyennaqte nak, nágkatow han xama enxoho m'a aqsok ekmanyása,