Números 34:12 - Biblia Enxet

¹² sa' kañék makham kaxog kamhagkok ma'a wátsam Jordán nak, ekweykekxoho m'a Wátsam Étsapma. “Cháxa néxa xapop yaqwánxa sa' chá'a katnehek néxa yókxexma kélagkok kéxegke xa.”

Números 34:12 Iomraidhean Croise

Génesis 13:10

Apkenmexawók axta Lot ekyókxoho ekyapwate nak wátsam Jordán, apwet'ak axta han ekyawa yegmen ekweykekxoho m'a yókxexma étkok nak Sóar, máxa axta m'a yókxexma ektaqmalmal'a. Hawók axta m'a ektémakxa axta Egipto. (Cháxa ektémakxa axta xa, amonye' axta apmassésseyam Wesse' egegkok ma'a tegma apkelyawe Sodoma tén han Gomorra.)

Génesis 14:3

Apcháncheseykekxeyk axta sẽlpextétamo apagkok ekyapwate nak Sidim xa cinco apkelwesse'e nak, cham'a ekpayho nak Wátsam Étsapma.

Éxodo 23:31

Keso sélqahássesso yaqwánxa chá'a katnehek néxa xapop kélagkok se'e, eyeynamo sekxók ma'a Wátsam Ekyexwase nak ekweykmoho m'a wátsam ekwányam apagkok nak ma'a filisteos, tén han eyeynamo m'a yókxexma meykexa nak énxet ekweykmoho m'a wátsam Éufrates. Ekméssek ko'o yaqwayam kólmok énxet'ák apheykha nak xa apkelókxa nak, emenxenek sa' xeyep ma'a apwánxa enxoho.

Ezequiel 47:13

“Ektáhak ko'o sekpeywa s'e sektáha nak Wesse': Keso néxa xapop yaqwánxa sa' chá'a elxawagkokxak kéltaqmelchessesso yaqwayam elxewekxak ma'a doce pók aptémakxa nak chá'a énxet'ák ma'a Israel (José sa' eyke ánet xapop kólmések).

Números 34:11

kaxog sa' eñama m'a Sefam ekweykekxoho m'a Riblá, ekpayho nak ekteyapmakxa ekhem Ain; sa' kañék nahan néxa xapop kamyenták ma'a nekha nak ekteyapmakxa ekhem neyáwa nak wátsam ekpayhegwayam ma'a Quinéret,

Números 34:13

Apkeltennássek axta makham Moisés apkeltamhókxa etnahagkok ma'a israelitas, aptáhak axta apkeláneya s'e: “Keso apchókxa yaqwayam sa' kólmelaskok kéxegke kóltawaksek xama aqsok se'e; apchókxa Wesse' egegkok axta apkeltémo kólmések ma'a nueve pók aptémakxa nak énxet'ák, tén han ma'a nápakha apkeleymomap nak.

Números 34:3

“Néxa xapop ekpayho nak nepyeyam, sa' katnehek néxa m'a yókxexma meykexa nak énxet Sin, tén han ma'a néxa yókxexma nak Edom. Keñe sa' ma'a ekpayho nak ekteyapmakxa ekhem, sa' keynhok néxa xapop ma'a néxa nak Wátsam Ekwányam Étsapma,

Josué 13:1

Apwányamók axta aptemék ma'a Josué. Aptáhak axta Wesse' egegkok apcháneya: “Apwányamók eykhe kaxwók xeyep, xámo' agko' eyke eyeyméxchexa makham xapop yaqwayam emok.

Josué 15:5

Axta néxa xapop ma'a Wátsam Étsapma ekpayho nak ekteyapmakxa ekhem, ekweykekxoho m'a ekyephagweykekxexa nak yegmen ma'a wátsam Jordán. Cháxa eyeynókxa axta han ekxega néxa xapop ma'a nexcheyha nak,