Números 32:5 - Biblia Enxet

⁵ Leyawók sa' agkok xép apwáxok, hegmés sa' negko'o m'a xapop nak, nágyána aqsa ólyeykhekxak ma'a wátsam Jordán.

Números 32:5 Iomraidhean Croise

Génesis 19:19

Awanhek ko'o sélpasmo kéxegke, tásek han sélteméssesakxa sélwagkasa teyp, mowanchek ko'o amhagkok ma'a élámhakxa nak meteymog, tayépe', náxet ámay hethanyekxak ma'a kélmassésseyam nak tegma apwányam, keñe watsapok.

2 Samuel 14:22

Keñe axta Joab apháxahánto ekwokmoho aptekxekwa'akto nápat xapop apxekmósa apcháyo, taqmeláha axta appeywa apkelana wesse' apwányam, keñe aptáha apcháneya: —Sakhem ko'o sekwet'a ektémakxa ekleklamo apwáxok apkelányo sektáhakxa exchep, wesse', hakte apkelanak xép ma'a, wesse', séltamhókxa axta ko'o katnehek.

Ester 5:2

Xama axta apwet'a wesse' apwányam énegwa'akto wesse' ekwányam Ester ma'a yókxexma nak, taqmeláha axta apwáxok apwet'a, apya'ássek axta ekpayhókxa énmágkaxa m'a sawo ekyátekto ekmomnáwa ekwenaqte apmeykha axta. Yepetchegwokmók axta m'a Ester, mágwokmek axta naw'a m'a sawo ekyátekto ekwenaqte ekmomnáwa apagkok nak.

Jeremías 31:2

Aptáhak Wesse' egegkok se'e: “Ekxekmóssegkek axta ko'o ektaqmeleykha ewáxok énxet'ák metekyawa axta, cham'a yókxexma meykexa nak énxet. Xama axta aptegyeykencha'a yaqweykenxa ellókasek apyampe m'a Israel,

Números 32:6

Aptáhak axta apchátegmowagkokxo Moisés se'e: —¿Kélmakóya kólhakha aqsa kéxegke s'e, keñe kélpeywomo xamo' elmahagkok ma'a kempakhakma?

Deuteronomio 1:37

“Kéxegke axta keñamak setaqnagkama ko'o m'a Wesse' egegkok. Axta aptemék seyenagkama s'e: ‘Metxehek sa' xépxa m'a xapop nak.

Josué 7:7

Keñe axta aptáha Josué s'e: —¡Wesse' egegkok! ¿Yaqsa ektáha apkeltamho axta elyeykhak énxet'ák apagkok ma'a wátsam Jordán? ¿Peyk enxeykel'a yohok aqsa hẽlmok ma'a amorreos yaqwayam hegmasséssók? ¡Táse' nak axta eykhe ókhegwak aqsa m'a neyp nak wátsam Jordán!

Rut 2:10

Háxahánteyk axta Rut ekwokmoho ektekxekwakto nát xapop, tén axta ektáha élmaxneyáncha'a Booz se'e: —¿Yaqsa ektáha ektaqmeleyncha'a nak chá'a apwáxok sélano exchep tén han seyápeyncha'a nak chá'a? háwe eykhe ko'o seyókxa saxma, mók nekha eñamak.

1 Samuel 20:3

Keñe axta David aptáha apcháneya: —Apya'ásegkok eyke exchep apyáp seyásekhayo ko'o exchep, la'a memako nak eltennaksek, hakte tamháha apwáxok keyntaxnésseshok xép apwáxok. ¡Naqsók eyke ko'o sektáha yetlo sekxeyenma Wesse' egegkok tén han xép, ketók ko'o kaxwók sétsapmakxa'!