Números 32:3 - Biblia Enxet

^3-4 Tásek pa'at yaqwayam katawagkok aqsok kélnaqtósso m'a yókxexma nak Atarot, Dibón, Jazer, Nimrá, Hesbón, Elalé, Sebam, Nebo, tén han ma'a Beón, wesse' egegkok axta apma yaqwayam etnehek apagkok ma'a énxet'ák Israel, tén han ekyetna nak negko'óxa, nentáha nak xép apkeláneykha, cham'a nennaqtósso nak.

Números 32:3 Iomraidhean Croise

Nehemías 9:22

“Apkelméssegkek axta han xép apheykegkaxa pók aptémakxa énxet'ák, apmelásektegkek axta han chá'a xapop, apkelmeykegkek axta han chá'a apagkok apagko' xapop ma'a Hesbón, apchókxa axta m'a wesse' apwányam Sihón, tén han ma'a Basán, apchókxa nak wesse' apwányam Og.

Isaías 15:6

Kelyameygkek axta yámelchet ma'a Nimrim, kelyameygkek axta m'a pa'at, ketsekkek axta áwa' m'a yámet, méko axta xama enxoho eyeymomáxche m'a élyápaqmátamo nak áwa'.

Jeremías 48:1

Wesse' ekha apyennaqte appeywa, Dios apagkok nak Israel, apxeyenma m'a Moab: “¡Kélyósekak eyke ekhel'a kélheykha nak Nebo kélmasséssekmek kélókxa! ¡Apmákpek Quiriataim, mékoho kéltemessáseykxa'! ¡Kélyaqnegkessessek náxop ma'a tegma apyennaqte kélagkok!

Jeremías 48:2

Massegwokmek apcheymákpoho m'a Moab. Tegma apwányam Hesbón payhok apkeláneykxexa aptamhágkaxa apkelenmexma, apkelxéna emasséssók Moab. Madmén, kólmasséssók sa' xép xa, megkamassegwomek sa' chá'a apwete kempakhakma.

Jeremías 48:32

Alenxaqmaha sa' ko'o alanok kéxegke énxet'ák Sibmá, kélhémo nak anmen yámet kélcheneykekxa', megkaxók sa' ma'a ekwánxa axta éllekxagwomáxche kéllányo m'a Jazer. Cham'a anmen yámet élweykmohol'a kepmenák ma'a neyp nak wátsam ekwányam, élweykmoho nak ma'a Jazer. Kélmasséssekmek eyke m'a eknakxamáxche nak ekyexna anmen yámet.

Jeremías 48:34

Apkelwehéseyha apkellegágkoho ekmáske m'a énxet'ák Hesbón, wokmók eklegamaxkoho apkelwehéseykha m'a Elalé, tén han Jahas, wokmók nahan eklegamaxkoho ma'a Sóar ekweykekxoho m'a Horonaim, tén han ma'a Eglat-selisiya, hakte wokmók nahan ekteyapmakxa yegmen Nimrim élyamaka.

Jeremías 48:45

“Nápakha chá'a apkelxeganakmok meyke apkelyennaqte aptegyágko apkelyexánegweykekxexa m'a Hesbón, apmetchek eyke m'a Hesbón, wesse' apwányam Sihón nak tegma apwányam apagkok, payhekxeyk ma'a táxa, kelwatneyk ma'a egkexe nak Moab, cham'a apheykegkaxa nak énxet'ák ekmátsa nak chá'a elnapakpok.

Ezequiel 25:9

Cháxa keñamak sekmako nak ko'o ayagqaxqátek nekha m'a Moab, meyke tegma apkelyawe sa' atnessásekxak eyeynamo m'a xama nekha nak, ekweykekxoho m'a mók nekha nak, cham'a tegma apkelyawe apkeltaqmalma nak ma'a apkelókxa: Bet-jesimot, Baal-meón tén han ma'a Quiriataim.

Números 21:28

Hesbón keñamak ekteyapma táxa eyáléwe, Sihón tegma apwányam apagkok nak, ekmassessekmo nak ma'a Ar, yókxexma nak Moab, tén han ma'a apheykha nak egkexe Arnón.

Números 21:30

Kélmasséssekmek ma'a tegma apwányam Hesbón ekweykekxoho m'a Dibón, apmopso aptáhak ma'a Nófat, wokmók táxa m'a Medebá.”

Números 21:32

Apkeláphássek axta han Moisés nápakha énxet'ák elanok ma'a tegma apwányam Jazer, apkelmeyk axta nahan israelitas ma'a tegma apkelyawe apheykegko nak neyáwa apheykegkaxa, apkelántekkessek axta amorreos apheykencha'a axta m'a.

Números 32:1

Xámók agko' axta aqsok apnaqtósso m'a Rubén tén han Gad énxet'ák apagkok nak. Xama axta apkelwet'a ektaqmalma nenxámaseykekxa aqsok nennaqtósso m'a xapop nak Jazer, tén han Galaad,

Números 32:2

apkelya'aweykxeyk axta m'a Moisés tén han ma'a apkelmaxnéssesso Dios énxet'ák apagkok Eleazar, tén han ma'a apkelámha apmonye'e nak chá'a nepyeseksa apnámakkok. Aptáhak axta apcháneya s'e:

Josué 13:17

ekweykekxoho m'a Hesbón keñe han ma'a apyókxoho tegma apkelyawe apheykegko nak ma'a néten xapop ekpayhéyak: cham'a Dibón, Bamot-baal, Bet-baal-meón,

Josué 13:19

Quiriataim, Sibmá, Seret-sáhar, ekpayho nak ma'a egkexe étkok neyseksa nak ekyapwate,

Josué 21:39

Hesbón tén han Jazer, cuatro tegma apkelyawe yetlo m'a apagkok apagko' nak chá'a yókxexma ektaqmelakxa nak pa'at.

Jueces 11:26

Trescientos apyeyam negko'o táhak negheykha s'e Hesbón, Aroer keñe han ma'a tegma apketkók aphéyak nak negyáwa', tén han ma'a apyókxoho tegma apkelyawe aphéyak nak neyáwa Arnón; ¿yaqsa eyke ektéma megkólmeykekxo makham kéxegke xa xapop nak, cham'a nanók axta?