Números 32:16 - Biblia Enxet

¹⁶ Tén axta apkelyepetchegwokmoho m'a Moisés. Aptáhak axta apcháneya s'e: —Negmakók eyke negko'o anlanagkok aphaxta s'e; yaqwayam ólyáqkasek nennaqtósso nepkések, tén han weyke, tén han tegma apkelyawe yaqwayam exmakha m'a egketchek.

Números 32:16 Iomraidhean Croise

Génesis 33:17

keñe axta Jacob apmeyákxo m'a Sucot, cha'a apkelánegwákxexa axta han apxagkok ma'a, appakxenchesa han yenta'a aktegák ma'a apnaqtósso nak. Axta keñamak apteméssessama ekwesey Sucot xa yókxexma nak.

Génesis 49:14

“Isacar apteme yámelyeheykok ekyennaqte kélpátegkesso nak chá'a aqsok, éllókassamól'a chá'a ekyampe m'a neyseksa aqsok élseykha.

Números 32:15

Sa' agkok kólmakók kéxegke kólyetlók ma'a Wesse' egegkok, yának sa' exmakha makham israelitas ma'a yókxexma meykexa nak énxet, kéxegke sa' nahan kalpehemmok kélsexnánémaxche apmassegwokmo enxoho m'a.

Números 32:17

Ólmekxak sa' eyke negko'o nélmeykha ekpekhe agko', ólxog sa' apmonye'e m'a nápakha nak israelitas, ekwokmoho nélwagkasa m'a xapop apagkok nak. Kalhekxak sa' eyke egketchek ma'a tegma apkelyawe nak, yetlo meyke ektemegweykmohóxma ekheykha, melteméssessamók sa' exma ekmaso énxet'ák apheykha nak se'e yókxexma nak.

Números 34:22

“Buquí, Joglí apketche, aptáha nak Dan énxet'ák apagkok.

Deuteronomio 3:19

Wánxa sa' aqsa kalhekxak tegma apkelyawe sélméssamakxa axta kéxegke m'a, kelán'ák, sakcha'álétkók tén han ma'a kélnaqtósso, hakte ekya'ásegkók ko'o xámók kéxegke m'a.

Deuteronomio 33:21

Gad nahan apmak ma'a xapop ektaqmelakxa agko' nak, xama xapop ekpayhémo nak yaqwayam elxawagkok ma'a sẽlpextétamo apkelwesse'e. Aptemék apkemha apmonye' apagkok ma'a énxet'ák, apkelanak ma'a apkeltémo axta chá'a elának ma'a Wesse' egegkok péwók axta nahan apkelánekxésso chá'a amya'a apnámakkok ma'a kañe' Israel.”