Números 3:25 - Biblia Enxet

²⁵ Axta apkelánémakpok etnehek chá'a apkeltaqmelchesso tegma appagkanamap ma'a kélpakxanma nak, cham'a aqsok émpe'ék kélmeykha nak, tén han ma'a apáwa kélchexanma nak átog nentaxnamakxa nak kélpakxanma,

Números 3:25 Iomraidhean Croise

1 Crónicas 23:32

Axta han apkelánémakpok etaqmelchesek ma'a kélpakxanma apchaqneykekxexa nak chá'a énxet'ák, tén han ma'a tegma appagkanamap nak, apkeltamheykha axta m'a tegma appagkanamap nak yetlo apkelxegexma'a m'a aphawóxama apagko' nak, Aarón axta aptawán'ák neptámen.

2 Crónicas 31:2

Keñe axta Ezequías apkexpánchesa apkelmaxnéssesso Dios énxet'ák apagkok, tén han levitas, yaqwánxa etnahagkok chá'a apkeltamheykha, yaqwayam enxoho elának chá'a xama m'a ektémakxa nak chá'a aptamheykha, elmések ma'a kélnaqtósso élwatnamáxche', tén han ektekyawa segwetassamo nak sẽlásekheykekxoho, tén han egkések ekxeyenma apwáxok Wesse' egegkok, tén han elpeykesho', eltemeykha han ma'a atña'ák nak tegma appagkanamap.

Éxodo 25:9

Kólhéshok sa' eyke kéllane sekmako nak ko'o axekmósek, cham'a kélpakxanma yaqwánxa nak chá'a ko'o axek, yetlo m'a ekyókxoho yántéseksa'ák.

Éxodo 40:19

appeykessek axta nahan kélpakxanma m'a néten nak kélpakxanma appagkanamap, apkexneyk axta nahan kélpakxanma éxyawe nak yaqwayam keytek ma'a néten nak kélpakxanma, ekhawo m'a apkeltémókxa axta etnehek ma'a Wesse' egegkok.

Éxodo 40:28

Tén axta Moisés apmakheyáseyncha'a apáwa yaqwayam nak kólpekkenek ma'a átog nentaxnamakxa nak kélpakxanma appagkanamap;

Números 1:50

Levitas sa' etnéssesagkok apkeltaqmelchesso m'a ekyetnamakxa nak yántéseksek ekhémo mók nélpaqhetchásamáxkoho Dios, tén han ma'a ekyókxoho aqsok apagkok kélmeykegkaxa nak chá'a m'a kélpakxanma, tén han ma'a ekyókxoho aqsok ekheykegkoho nak chá'a m'a kélpakxanma nak. Sa' etnehek han chá'a apkelso kélpakxanma m'a, tén han ma'a ekyókxoho aqsok kélmeykha nak, tén han ma'a ekyókxoho aqsok apkelmeykegkaxa nak chá'a eltemeykha. Elpakxenagkok sa' nahan chá'a m'a nepyáwa nak kélpakxanma.

Números 10:17

Tén axta kélleya m'a kélpakxanma appagkanamap, apkelxegkek axta nahan ma'a Guersón aptawán'ák neptámen nak tén han ma'a Merarí, apteme axta chá'a apkelánémap elsók.

Números 3:24

Eliasaf axta apkemha apmonye' apagkok ma'a aptawán'ák neptámen nak Guersón, apketche nak Lael.

Números 3:7

Etnahagkok sa' apkelánesso aqsok ma'a Aarón, tén han ma'a apyókxoho énxet'ák, cham'a apmonye' nak kélpakxanma apchaqneykekxexa nak chá'a énxet'ák, elanagkok sa' apkeltamheykha m'a tegma appagkanamap nak.

Números 7:7

Ánet weyke taqaxchók axta apkelmeyásak ma'a Guersón aptawán'ák neptámen nak, tén han cuatro wey, hakte apmenyeyk axta xa yaqwayam elanagkok chá'a apkeltamheykha.