Números 27:3 - Biblia Enxet

³ “Apketsepmeyk axta negko'o egyáp ma'a yókxexma meykexa nak énxet, háwe eyke Coré énxet'ák apagkok ma'a, apkenmexeykekxo axta m'a Wesse' egegkok. Apketsepmeyk axta eñama mey'assáxma apagkok apagko', meyke apwete apketchek apkelennay'a xama enxoho.

Números 27:3 Iomraidhean Croise

Ezequiel 18:4

Ko'o sekteme ahagkok ma'a apyókxoho énxet, cham'a apyapmeyk nak tén han ma'a apketchek nak. Apkelanak agkok mey'assáxma xa, yetsapok sa'.

Números 14:35

Ektáhak ko'o sekpeywa s'e, sektáha nak Wesse': Sa' atnéssesek ko'o énxet'ák élmasagcha'a nak apkeltémakxa xa, apyepetcheykekxo nak pók sénmexeykekxo ko'o. Sa' elwetágwak néxa apkelweynchámeykha s'e yókxexma meykexa nak énxet, sa' eletsapwak se'e.

Números 16:19

Appenchessek axta apcháncheseykekxa Coré apyókxoho énxet'ák ma'a átog nak kélpakxanma apchaqneykekxexa nak chá'a énxet'ák. Tekkek axta Wesse' egegkok élseyéxma apagkok nápaqta'awók ma'a apyókxoho énxet'ák.

Números 16:49

catorce mil setecientos énxet axta apkeletsapak, meyke kélyetsáteykekxa m'a apmonye' apkeletsapma axta, apkelsexnenagkama axta m'a Coré.

Números 26:33

Méko xama apwete apketchek apkelennay'a m'a Selofhad, Héfer axta apketche, kelwán'ák axta aqsa, keso élwesey axta s'e: Mahlá, Noá, Hoglá, Milcá, tén han Tirsá.

Números 27:2

Kelmahágkek axta átog nentaxnamakxa kélpakxanma apchaqneykekxexa nak chá'a énxet'ák xa cinco kelán'ák nak, yaqwayam kalpaqhetchesaxkohok ma'a Moisés, tén han ma'a appasmo apkelmaxnéssesso Dios énxet'ák apagkok Eleazar, tén han ma'a apkelámha apmonye'e nak apnámakkok. Axta entáhak éláneya s'e:

Números 27:4

Makke kapayhawok kamassegwók apwesey negko'o egyáp nepyeseksa m'a apnámakkok apancha'awo nak, eñama mete xama enxoho apkenna' apketche. Hẽlmés negko'óxa xapop nepyeseksa m'a táta axta apkelyáxeg tén han apkelpepma.”