Números 24:9 - Biblia Enxet

⁹ Aphágkek agkok ellókasek apkelyampe, máxa etnahagkok ma'a ektémól'a méwa: méko nahan kamáwhok kanaqxétekhasagkok. ¡Apkeleñémo sa' chá'a kóltéméssesek ma'a ektáha nak chá'a ektaqmalma apxeyenma, sagkek sa' chá'a katnehek apxénamap ma'a apkeltémo nak chá'a katnégwomhok exma ekmaso!”

Números 24:9 Iomraidhean Croise

Génesis 12:3

Apasmok sa' ko'o m'a appasmo nak chá'a exchep, ataqnók sa' nahan chá'a ko'o m'a aptaqnagko nak chá'a exchep; xép sa' kañenták apasmok m'a apyókxoho énxet'ák apheykha nak keso náxop.”

Génesis 27:29

Apxámok sa' nahan etnehek énxet apkeláneykha, eltekxeyagkok sa' chá'a aptapnák nápaqtók xép pók aptémakxa énxet'ák. Etne sa' apkemha apmonye' nepyeseksa m'a apkelyáxeg'a, ¡eltekxeyagkok sa' han aptapnák apmonye' exchep! Eltaqnaweykpok sa' chá'a m'a apyemneykha nak chá'a exchep. Apkeleñémo sa' chá'a kólteméssesek ma'a ektaqmeleykha nak chá'a appeywa exének xép.”

Génesis 49:9

¡Xép, hatte Judá! aphawók xép ma'a méwa étkok eksawhomal'a katwok ekyógkexma, keñe keytek náxop, ektémól'a m'a méwa ekyawel'a megkólmowánal'a kólya'aksek exma.

1 Reyes 10:20

Kelyáqtegkek axta han chá'a doce yámakméwa kéleykmássesso xama nekha m'a seis kélyetlamakxa néten nak. ¡Méko axta han xama enxoho élánamáxche mók apchókxa ektéma nak xa taháno nak!

2 Crónicas 9:18

Seis nélyetlamakxa néten axta han ekyetnamakxa m'a taháno ektaqmalma nak, xama axta han ma'a apkelteyeykenxa sawo ekyátekto ekmomnáwa, nennegkenmakxa egaktegák axta han heykegkok ma'a nekhaw'ék nak taháno, élyáqtamakxa axta ánet ma'a méwa kéleykmássesso.

Ester 6:13

Apkeltennáseyha axta nahan aptáwa' tén han apnámakkok ekyókxoho m'a ektáhakxa apweynchámeykha, tén axta m'a aptáwa' tén han apyókxoho apnámakkok aptáha apcháneya s'e: —Naqsók sa' agkok judío m'a Mardoqueo. Mopwanchek sa' chá'a etnessásekxak kóneg, méko sa' chá'a elának xép nápaqtók ma'a.

Job 41:10

Aplókásegkek agkok chá'a xama énxet, kalwok chá'a; méko nahan awanchek kanmexekxa'.

Salmos 122:6

Kólteme kólmaxnak se'e: “Méko sa' katnehek ektáhakxa Jerusalén; tásek sa' katnehek apkelweynchámeykha m'a ektáha nak chá'a apchásekhayo.

Éxodo 23:22

Naqsók agkok xeyep mey'ássekmo tén han apkelana enxoho ekyókxoho m'a séltamhókxa axta etnehek, etnehek sa' ko'o sélenmexma m'a apkelenmexma nak xeyep, wanmexmakha sa' nahan ko'o m'a ektáha nak chá'a exchep apkenmexeykha.

Isaías 31:4

Aptáhak seyáneya Wesse' egegkok se'e: “Sa' etnehek éxyók Wesse' ekha nak apyennaqte epásegwaták énxet'ák apagkok apheykha nak Sión ma'a ektémól'a xama méwa eyaqhél'a xama nepkések, megkayél'a eyaqmaksek ma'a ektáha nak apkeláneykha, megkahaxanmal'a apxámokma yaqnekxak keláneykha nepkések eltamhok égwakkasek elwónchesek.

Miqueas 5:8

Keñe sa' nepyeseksa apxámokma énxet'ák, apkeleymomap nak ma'a Jacob énxet'ák apagkok, máxa yámakméwa sa' etnahagkok neyseksa m'a aqsok nawha'ák éllo nak, máxa méwa sa' etnahagkok ekleykhal'a nepyeseksa m'a nepkések kélnaqtósso, ektahanmal'a neyseksa ekyeykhe keñe katnéssesek nápakha'a apketkók, eksawhomól'a kalnápok apyókxoho.

Números 22:12

Tén axta Dios aptáha apcháneya Balaam se'e: —Ná elyetlakxa aqsa, nágyána han kaltemegwomhóxma m'a énxet'ák nak, hakte cham'a énxet'ák nak, ko'o sekmésso ektaqmalma apheykha.

Números 22:6

Epekhaksoho sa' exegma', yána sa' kaltemegwomhóxma nahaqtók ko'o xa énxet'ák nak, hakte maghawok negko'o xa, apmelyéha'awók apagko'. Sa' kexa ewanchek ko'o amenxenek ektáha enxoho xa ektáha nak, tén han alántekkesek seyókxa. Ekya'ásegkók ko'o exchep megkatnehek chá'a megkatne éleñémo m'a apkelmaxnéssesso nak chá'a aqsok éltaqmela, tén han ma'a apkeltémo nak chá'a katnégwomhok exma ekmaso.”

Números 23:24

Apkenmexchek agkok énxet, máxa etnahagkok ma'a ektémól'a yámakméwa katnamha, megkeytek ekwokmoho eksawha ekyógkexma, ekwokmoho ekyena éma agkok ma'a eyaqhe nak.”

Números 24:10

Aptaqnókók apagko' axta Balac ma'a Balaam apleg'a xa, apkeltekpagáha axta apmék aptáha apcháneya s'e: —Eyáneyáha axta ko'o exchep yaqwayam yának kaltemégwomhok exma ekmaso s'e sélenmexma nak, ántánxo aqsa táhak apkelmaxnéssesso aqsok éltaqmela.

Deuteronomio 30:7

Yának sa' káhapwak Dios Wesse' kélagkok kélenmexma nak kéxegke s'e ekyókxoho aqsok ekmaso nak, tén han nepyeseksa m'a ektáha nak chá'a apmenxeneykha yetlo apkeltaqnawéyak,