Números 23:21 - Biblia Enxet

²¹ Méko ekweteya apkeltémakxa apkelmopwancha'a amya'a, tén han melya'assáxma m'a énxet'ák Israel, Jacob énxet'ák apagkok nak. Apheyk nepyeseksa ma'a Dios Wesse' apagkok, apkeltemegkek chá'a wesse' apwányam apagkok.

Números 23:21 Iomraidhean Croise

2 Crónicas 13:12

Kólya'asagkoho chá'a apha Dios negaqta'awók negko'o, tén han ma'a appasmo nak apkelmaxnéssesso énxet'ák apagkok, penchásexcheyk yaqwayam kólaqkahaksek ma'a kélaqkahasso nak, yaqwayam ómpakhak negko'o kéxegke. Énxet'ák Israel, nágkólnapaxche aqsa Wesse' egegkok, Dios apagkok axta m'a kélyapmeyk nano', megkólxoho'.”

Salmos 103:12

Makhawók chá'a hegya'ássesek ma'a mólya'assáxma nak negko'o, ekhawo ektémakxa nak ekyetno makhawók mók ma'a teyapmakxa ekhem tén han taxnegwánxa ekhem.

Salmos 118:15

Legáxcheyk kélmeneykmasso negmallane apxanák ma'a énxet'ák apkelpéwomo: “¡Wesse' egegkok apmopwána keñamak apkelmallana!

Salmos 135:21

¡Kataqmalmakha sa' chá'a apxénamap Wesse' egegkok ma'a Sión, cham'a aphama nak Jerusalén! ¡Aleluya!

Salmos 23:4

Ekxegkek agkok ekyáqtésakxa exma m'a ekyapwátegweykenxa nak xapop, magwakyek xama enxoho aqsok ekmaso, hakte sekxegexma ko'o exchep Wesse'; hegkések chá'a meyke ektamheykha ewáxok ma'a aptasqapeykha nak, apmeykencha'awól'a chá'a eltaqmelchesek nepkések.

Salmos 32:2

Apkeleñémo énxet meyke nak ekxéneykha apwáxok ekmaso, mexéncháseykekxoho nak Wesse' egegkok xama enxoho m'a aqsok megyaqhémo.

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Salmos 46:11

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 46:7

¡Apheyk negyeseksa negko'o Wesse' ekha nak apyennaqte! ¡Cha'a apteme sentaqmelchesso negko'o m'a Jacob Dios apagkok nak!

Salmos 97:1

¡Kalpayhekxa kélwáxok kélyókxoho kélheykha nak keso náxop! ¡Kalpayhekxa kélwáxok kélheykha nak ekyókxoho egkexe étkók! ¡Wesse' egegkok apteme Wesse' Apwányam!

Salmos 99:2

Apwányam apagko' Wesse' egegkok ma'a Sión; apwányam apagko' Wesse' egegkok nepyeseksa m'a apyókxoho énxet'ák.

Éxodo 13:21

Ekhem axta nahan chá'a apteméssessók apkelxegexma'a Wesse' egegkok ma'a xama yaphope, yaqwayam enxoho kaxekmósek chá'a m'a ámay; tén axta chá'a axta'a apkelyetlókassama m'a xama táxa eyáléwe, yaqwayam enxoho kalsássesek chá'a exma. Axta keñamak apkelmopwagko chá'a apkelxegama ekhem tén han axta'a.

Éxodo 3:12

Tén axta aptáha apchátegmowágkokxo Dios se'e: —Ko'o sa' atnehek sekxegexma exchep. Sa' katnehek magkenatchesso ektáha ko'o exchep seyáphasso apkelántekkesa sa' Egipto m'a énxet'ák ahagkok. Kélyókxoho sa' hélpeykeshok ko'o s'e néten egkexe nak.

Éxodo 34:9

Wesse' egegkok se'e: —¡Wesse'! ¡Wesse'! Naqsók agkok ekleklamo apwáxok ko'o exchep, hẽlyetlow sa'. Hakte naqsók apteme élyennaqte agko' apkelwáxok se'e énxet'ák nak, eyke ná eyaqmagkásekxa aqsa nentémakxa mólya'assáxma tén han nentémakxa élmasagcha'a, hẽlma sa' takha' yaqwayam antéhek negko'o énxet'ák apagkok.

Isaías 1:18

Aptáhak Wesse' egegkok se'e: “Kólchexyem, ólpaqmétek sa' anxének se'e aqsok nak. Ekyexwase agko' eykhe tamhákxak ma'a kéltémakxa nak megkólya'assáxma, ekmope sa' eyke ko'o atnessásekxa' ektémól'a m'a yeyam appok la'a; máxa apáwa kéltamheykekxal'a hómáyok sa' eykhe katnehek, ekmope sa' eyke ko'o atnessásekxa', ektémól'a m'a nepkések apwa'.

Isaías 12:6

Kólwehesha yetlo ekpayheykekxa kélwáxok, kélheykha nak Sión, hakte apheyk kélnepyeseksa kéxegke m'a Dios Aptaqmalma apagkok nak ma'a Israel, yetlo ekyawe apcheymákpoho.”

Isaías 33:21

Cha'a senxekmóssamakxa negko'o apcheymákpoho Wesse' egegkok ma'a. Xama yókxexma ekxámokmakxa nak ma'a wátsam, yegmen ényé ekyawe nak ekpayhakxa, melántexek sa' eyke sẽlenmexma yetlo yántakpayhe étkok apagkok ma'a, tén han ma'a yántakpayhe élyawe apagkok nak.

Isaías 33:22

Kelyelqamáxcheyk táma' kélnaqtete xa yántakpayhe ekyawe nak massegkek élyennaqtésso m'a yámet ekwenaqte agkok nak; megkólwanchek kólpeykásekxak ma'a apáwa agkok nak. Ólyementamok sa' ekxámokma agko' aqsok apagkok ma'a sẽlenmexma nak, kawomhok sa' apkelxawéyak aqsok apagkok ma'a meyke nak apaqta'ák, elmagkok sa' aqsok ma'a élmasagcha'a nak chá'a apyókxa apkelyelqamap nak chá'a. Hakte Wesse' egegkok apteme énxet segyekpelchémo egagkok, apteme senlánésso chá'a segánamakxa tén han wesse' apwányam egagkok, sa' hẽlwagkasek nahan teyp ma'a.

Isaías 38:17

Yaqmagákxeyk kaxwók meyke ektáhakxa ewáxok ma'a eklegeykegkoho nak ewáxok. Emágweykekxeyk xép ketók sekteyeykemxa m'a máxek segmassesseykmoho nak, hakte meyaqmagkáseykekxak mók ekyókxoho m'a may'assáxma.

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

Isaías 8:10

Kéllánekxeyk sa' agkok chá'a yaqwánxa kóltéhek, kamassegwók sa' aqsa chá'a, kélxénchek sa' aqsok chá'a aqsok kélmámenyého, megkalanaxcheyk sa' chá'a, hakte apheyk negyeseksa negko'o m'a Dios.

Jeremías 50:20

Ektáhak ko'o sekpeywa s'e, sektáha nak Wesse': Megkóteyaxcheyk sa' apkelsexnánémap tén han melya'assáxma énxet'ák Israel, tén han Judá xa ekhem nak, hakte mayaqmagkásekxeyk sa' ko'o apkeltémakxa axta m'a énxet'ák seyhayo nak elweynchamha makham.

Ezequiel 48:35

Nueve mil metros sa' kammok ekyókxoho ekwenaqte m'a meteymog kélhaxta nak nepyáwa tegma, keñe sa' katnehek kaxwók apwesey xa tegma apwányam nak: ‘Apheyk Wesse' egegkok se'e.”

Joel 2:27

keñe sa' kéxegke israelitas, kólya'asagkohok sekha ko'o kélnepyeseksa kéxegke, ko'o sektáha nak Wesse', sektáha ko'o Dios kélagkok, méko pók enxoho. ¡Kamaskok agko' sa' elmegqeyk ma'a énxet'ák ahagkok!

Levítico 9:24

tekkek axta táxa m'a aphakxa nak Wesse' egegkok, sawhawók axta élwatna m'a kélnaqtósso kélmáheyo axta kólwatnek, tén han ma'a pexmok ekhágko axta m'a néten nak ekwatnamáxchexa aqsok. Xama axta apkelwet'a apyókxoho israelitas xa, axta eleyságkohok apkelwónchesa apkelátsencha'a, apkelháxahánteyk axta ekwokmoho apkeltekxeyágko élpayhakxa nápaqta'a xapop.

Números 14:18

mepekhésamap elwok, tén han ekyawe segásekhayo, meyaqmagkáseykekxa nentémakxa ekmaso, tén han kélenmexeykekxa, megkatnehek eyke chá'a exchep mellegassáseykegkoho m'a apkelsexnánémap nak, ellegássesagkohok chá'a eñama melya'assáxma m'a apyapmeyk, tén han ma'a kélketchek, tén han ma'a kéltawán'ák nak, ekweykekxoho m'a pók kéltawán'ák nak.

Números 14:19

Elásekhekxoho apkeltémakxa melya'assáxma s'e énxet'ák nak, ekhawo ektémakxa nak ekyawe segásekhayo, hakte apkelásekheykekxók axta chá'a exchep eyeynamo axta m'a Egipto, ekwokmoho apkelwaya s'e yókxexma nak.

Números 16:3

Apyókxoho axta apchaqnákxak xa, apkenmexa m'a Moisés tén han Aarón. Aptáhak axta apkeláneya s'e: —¡Wánxa kólteme kéltémo kóltéhek ekha kéláyo! Apyókxoho énxet'ák apteme apkelpagkanchásamap ma'a Dios, aphegkek han negyeseksa negko'o negyókxoho m'a Wesse' egegkok. ¿Yaqsa ektéma kéxegke kéltéma nak kélámha kélmonye'e ekyawe kéláyo nepyeseksa m'a Wesse' egegkok énxet'ák apagkok?

Números 9:22

Yetneyk axta agkok chá'a yaphope ánet ekhem ma'a néten nak tegma appagkanamap, essenhan xama pelten, essenhan xama apyeyam, elpakxenagkok axta chá'a m'a israelitas, melxegekxeyk axta chá'a. Meyákxeyk axta agkok chá'a néten ma'a yaphope nak, keytlawhok axta chá'a apkelchampeykekxa néten, elxegekxak axta chá'a makham.

Deuteronomio 31:23

Tén axta m'a Josué, Nun apketche, apmésa makham mók appeywa Wesse' egegkok apkeltamhókxa chá'a etnehek, aptáhak axta s'e: “Énnaqteyásekxoho sa' apwáxok, ewasqápekxoho sa', hakte xép sa' elántaxnések israelitas ma'a apchókxa séltennassamakxa axta ko'o agkések, sekxegexma sa' eyke nahan ko'o atnehek xép.”

Deuteronomio 32:5

“Énxet élmasagcha'a nak apkeltémakxa, aplókasso nak chá'a m'a Dios, megkalchek apwáxok etnehek apketchek:

Deuteronomio 33:5

yetneyk axta xama wesse' apwányam ma'a Jesurún apchaqneykekxo axta chá'a apkelámha apmonye'e apagkok nak énxet'ák, apkelyepetcheykekxo axta chá'a m'a énxet'ák Israel.”

Deuteronomio 9:24

¡Nanók axta kéltémakxa kéxegke kélenmexeykekxa chá'a Wesse' egegkok, eyeynamo m'a sekxók axta sélweteya ko'o!

Jueces 6:13

Tén axta Gedeón aptáha apchátegmowágko s'e: —Wesse' ahagkok, apheyk agkok negko'o negyeseksa Wesse' egegkok, ¿yaqsa eyke ektéma sentéma nak negko'o s'e ekyókxoho aqsok nak? ¿Háxko ektémakxa m'a aqsok sempelakkasso sẽltennassama axta chá'a negko'o m'a ẽlyapmeyk nano', sẽltennassama nak chá'a Wesse' egegkok sẽlántekkessama m'a Egipto? Egkexakhamchek negko'o m'a Wesse' egegkok, ẽlméssegkek ma'a madianitas.

1 Samuel 25:28

tén han heyásekhekxohok ko'o, sektáha nak xép apkeláneykha. Naqsók sa' memasséssemek xép apteme wesse' apwányam ma'a Wesse' egegkok, ekweykekxoho m'a aptawán'ák neptámen, hakte apkelnápomákpek xép kempakhakma apagkok ma'a Wesse' egegkok, meñegkók sa' xép xama aqsok ekmaso neyseksa apha makham.