Números 23:19 - Biblia Enxet

¹⁹ Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.

Números 23:19 Iomraidhean Croise

Génesis 26:3

exa sa' aqsa sekxók makham se'e yókxexma nak, axek sa' chá'a ko'o xamo' xép, kataqmalmakha sa' chá'a ewáxok alano', hakte agkések sa' ko'o exchep se'e ekyókxoho xapop nak, tén han ma'a aptawán'ák neptámen. Keñe sa' alának ma'a séltennassama axta alának ma'a apyáp nano' Abraham.

Génesis 28:15

Sekxegexma ko'o exchep, ataqmelchesek sa' chá'a m'a apmakókxa enxoho chá'a emhagkok, eyntementák sa' makham se'e xapop nak. Mayenyewek sa' aqsa chá'a meyke sélane m'a séltennassama nak chá'a alána'.”

1 Reyes 14:11

Semheg sa' katawagkok aphopák ma'a apteme apnámakkok, apkeletsapma nak ma'a tegma apwányam, keñe sa' ma'a apkeletsapma nak yókxexma, máma sa' etawagkok, cháxa sektáhakxa nak ko'o sekpeywa xa, sektáha nak Wesse'.’

2 Reyes 15:12

Temék axta m'a aptémakxa axta Wesse' egegkok apkeltennasso m'a Jehú, apkeltennassama axta etnahagkok chá'a apkelwesse'e Israel ma'a apketchek nak ekweykekxoho m'a apketchek aptawán'ák nak.

2 Reyes 7:2

Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

1 Crónicas 17:17

¡Háwe han ekwánxa agkok peya henteméssesek negko'o xa ektáha nak Dios Wesse' ahagkok, xénchek makham apwáxok ma'a étawán'ák peya nak elántépok netámen, cham'a egmonye' sa', ko'o sektáha nak apkeláneykha, máxa etnessásak ma'a énxet ekyawel'a kéláyo!

Salmos 110:4

Appenchessek han apteméssesso naqso' ma'a Wesse' egegkok, mopwanchek chá'a epeynchámekxak appeywa: “Xép apteme apkelmaxnéssesso Dios énxet'ák apagkok megkatnégwayam néxa, ekhawo ektémakxa axta aptamheykha Melquisedec.”

Salmos 132:11

Apkeltennassegkek axta Wesse' egegkok elanaksek ekmámnaqsoho aqsok ma'a David, mopwanchek chá'a epeynchámekxak appeywa aptéma axta apkenagkama s'e:

Salmos 77:9

¿Kelwagqakmeya Dios ma'a ektémakxa nak chá'a ektaqmeleykha apwáxok henlano'? ¿Aplo enxeykel'a keñamak ekmassa apmáheyo kapyóshok henlano'?

Salmos 89:34

Megkatnehek sa' chá'a malane m'a sekhéssamo axta mók sélpaqhetchásamáxkoho, alának sa' chá'a m'a sektémakxa axta chá'a sekpeywa.

Salmos 89:35

Éltennassegkek axta ko'o ekmámnaqsoho, ko'o sektáha nak sekpagkanamaxche', malyexanchesha han:

Isaías 21:17

Ántawók agko' sa' nahan kaleymaxchek yágke apagkok ma'a kempakhakma yapmeyk nak Quedar.” Israel Dios Wesse' apagkok apxeyenma xa.

Isaías 31:2

Apwanchek eyke nahan aqsok ma'a, apwanchek etekkesek ma'a ekmaso nak negha, apxénchek agkok xama aqsok, elának nahan. Yenmexek sa' ma'a énxet'ák élmasagcha'a nak apkeltémakxa, appasmo nak chá'a m'a apkeláneykegkoho nak aqsok ekmaso.

Isaías 40:8

Katsapok chá'a áwa' m'a pa'at, kalyameyk nahan chá'a m'a exnamok, keñe m'a Dios egagkok appeywa nak megkamassegwomek chá'a.”

Isaías 46:11

Ekwóneyha ko'o xama énxet apkeñama nak teyapmakxa ekhem, makhawók sa' yenyeyk exegma', ektémól'a m'a náta ekyawe ekteykekxohol'a mók ápetek elánegwak sa' ekyókxoho m'a aqsok sekmáheyo nak alána'. Sa' atnehek alának aqsok ma'a sektáhakxa axta sekxeyenma, cham'a yaqwánxa axta atnehek, alának sa' nahan.

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Daniel 4:28

Temegkek axta han ekyókxoho xa aqsok nak, kéltennasso axta m'a wesse' apwányam Nabucodonosor:

Oseas 11:9

Matnehek sa' ma'a ektáhakxa nak eklo ewáxok: mamasséssemek sa' ko'o kaxwók ma'a Efraín, hakte Dios ko'o, háwe énxet. Sekpagkanamaxche ko'o, sekha nak aphakxa exchep, maxñekmok ko'o yaqwayam amasséssak xép.”

Miqueas 7:20

¡Wesse', ná elwátessem ma'a ektémakxa nak mehegyenyaweykha, tén han segásekhayo apkeltennassama axta etnéssesek nanók axta m'a ẽlyapmeyk nano', cham'a Abraham tén han Jacob!

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.

Malaquías 3:6

“Ko'o sekteme Wesse' kélagkok. Mayaqmagkasseykmok mók sektémakxa. Cháxa keñamak megkólmassesseykmo nak kéxegke, kélteme nak Jacob aptawán'ák neptámen.

Números 14:35

Ektáhak ko'o sekpeywa s'e, sektáha nak Wesse': Sa' atnéssesek ko'o énxet'ák élmasagcha'a nak apkeltémakxa xa, apyepetcheykekxo nak pók sénmexeykekxo ko'o. Sa' elwetágwak néxa apkelweynchámeykha s'e yókxexma meykexa nak énxet, sa' eletsapwak se'e.

Números 23:18

Tén axta Balaam aplegasa s'e ektéma nak amya'a: “Balac, Sipor apketche, etaqmelchesho sa' apháxenmo sekpeywa.

Josué 21:45

Temegkek axta ekyókxoho m'a aptémakxa axta appeywa Wesse' egegkok apxeyenmakxa axta etnéssesek ektaqmela israelitas.

1 Samuel 15:29

Hakte metnehek apmopwána amya'a m'a Dios apcheymákpoho nak Israel, meyaqmagkassemek han appeywa, hakte háwe énxet eyaqmagkassók mók appeywa.

1 Samuel 3:12

Alanaksek sa' ko'o Elí ekyókxoho séltennassama axta alanaksek ma'a apnámakkok nak.