Números 21:3 - Biblia Enxet

³ Apméssek axta nahan Wesse' egegkok israelitas ma'a aqsok apkelmaxnagko, appasmeyk axta apmenxena m'a cananeos, apmasséssekmek axta israelitas ma'a apyókxoho cananeos, yetlo m'a tegma apkelyawe apagkok nak, apteméssessama nak ekwesey Hormá xa yókxexma nak.

Números 21:3 Iomraidhean Croise

Salmos 10:17

Wesse', yeyxhok chá'a exchep apkelmaxnagko m'a énxet'ák meyke nak élmasma, elwasqakkásekxohok chá'a, elanha nahan chá'a.

Salmos 102:17

aphaxneykxoho sa' makham apkelmaxneyéyak ma'a meyke nak ekpasmo, apma sa' makham takha' m'a aqsok apkelmaxneyeykha.

Salmos 116:1

Wásekhohok chá'a ko'o Wesse' egegkok, hakte apháxenmok chá'a sekwóneykha,

Salmos 91:15

Ewóneyha sa' agkok chá'a, wátegmowagkok sa'; ¡ko'o ahagko' sa' han axek xamók ma'a! Amallahanchesek sa' ekyentaxno apha, ayánchesseshok sa' sekmésso apteme ekha kéláyo;

Números 14:45

Tén axta amalecitas, tén han cananeos apheykencha'a axta m'a yókxexma nak apkelanyexakmo, apmenxenchek axta israelitas ekweykekxoho m'a Hormá, apsawhawók axta anhan apkelnapa.

Deuteronomio 1:44

Tén axta m'a amorreos, apheykencha'a axta m'a egkexe nak, apkelánteyapma kélmonye'e kéxegke, máxa axta kenáwet aptamheykegkok apmenxenma. Kéltekyawomchek axta kéxegke m'a Seír ekweykekxoho m'a Hormá.

Deuteronomio 20:16

Keñe sa' se'e tegma apkelyawe apagkok nak se'e énxet'ák apmésakxa nak Dios Wesse' kélagkok yaqwayam kóltéhek kélagkok kélagko', megkeymexchek kóleymok xama enxoho énxet essenhan aqsok,

Josué 12:14

wesse' nak ma'a Hormá, wesse' nak ma'a Arad,

Josué 15:30

Eltolad, Quesil, Hormá,

Jueces 1:17

Apkelyetlókek axta Simeón énxet'ák apagkok ma'a Judá énxet'ák apagkok, ekhawo ektémakxa axta apkelpaqhetchásamákpoho, apketámegkek axta m'a cananeos, apheykencha'a axta m'a yókxexma Sefat, apsawhomók axta han aptawáseykencha'a xa tegma apwányam nak. Cháxa keñamak apteméssessama nak ekwesey Hormá xa yókxexma nak.

1 Samuel 30:30

tén han Hormá, Corasán, Atac,