Números 21:26 - Biblia Enxet

²⁶ Tegma apwányam Hesbón axta aphamakxa m'a Sihón, wesse' apwányam apagkok axta m'a amorreos. Apkempakhayak axta Sihón ma'a apmonye' axta wesse' apwányam ma'a Moab, apyementamomchek axta ekyókxoho xa xapop nak ekweykekxoho m'a wátsam Arnón.

Números 21:26 Iomraidhean Croise

Cantares 7:4

Hawók ayespok ma'a tegma apwenaqte apmope apkelánamap la'a yánnapóxeg apma'ák; keñe aqta'ák ekhawo m'a ánet yámelchet ekheykegko nak ma'a tegma apwányam Hesbón, nekha nak ma'a átog nak Bat-rabim; hawók awéhek ma'a tegma apwenaqte nak Líbano ekpayhémo nak ma'a tegma apwányam Damasco.

Cantares 7:5

Máxa nahan egkexe Carmelo ekyetnama néten ekyókxa m'a akqátek nak; Máxa nahan yátépépe' hómáyok la'a m'a áwa' nak, ¡momchek apwáxok wesse' apwányam xa áwa' éltaqhe nak!

Jeremías 48:2

Massegwokmek apcheymákpoho m'a Moab. Tegma apwányam Hesbón payhok apkeláneykxexa aptamhágkaxa apkelenmexma, apkelxéna emasséssók Moab. Madmén, kólmasséssók sa' xép xa, megkamassegwomek sa' chá'a apwete kempakhakma.

Jeremías 48:20

Mékoho kéltemessásekxak ma'a Moab, asagkók agko' axta ektáhakxa. ¡Kóllekxagwaha kóllanok ma'a! ¡Kóllegés kélmasséssekmo Moab ma'a neyáwa nak wátsam Arnón!”

Jeremías 48:45

“Nápakha chá'a apkelxeganakmok meyke apkelyennaqte aptegyágko apkelyexánegweykekxexa m'a Hesbón, apmetchek eyke m'a Hesbón, wesse' apwányam Sihón nak tegma apwányam apagkok, payhekxeyk ma'a táxa, kelwatneyk ma'a egkexe nak Moab, cham'a apheykegkaxa nak énxet'ák ekmátsa nak chá'a elnapakpok.

Números 21:25

Apmomchek axta israelitas ma'a apyókxoho tegma apkelyawe apagkok nak amorreos, cham'a Hesbón, yetlo m'a tegma aphéyak axta m'a nepyáwa', apkelheykmek axta nahan ma'a.

Números 21:27

Cháxa keñamak aptéma nak chá'a apkelpeywa m'a apnaqtáxéseykegkoho nak chá'a amya'a ekmátsa: “¡Kólmeyenta Hesbón, tegma apwányam apagkok nak ma'a wesse' apwányam Sihón! ¡Kólxátekhásekxa makham, kólyennaqteyásekxa makham kélhaxtegkesso m'a nepyáwa'!

Josué 13:16

Axta cheynamók xapop apagkok ma'a Aroer, neyáwa nak ma'a wátsam Arnón, keñe han ma'a tegma apwányam apyetnama nak ma'a neyseksa ekyapwate, tén han ma'a ekyókxoho egkexe ekpayhéyak nak néten ma'a yókxexma Medebá,

Josué 13:17

ekweykekxoho m'a Hesbón keñe han ma'a apyókxoho tegma apkelyawe apheykegko nak ma'a néten xapop ekpayhéyak: cham'a Dibón, Bamot-baal, Bet-baal-meón,

Josué 13:25

Axta payhémók apkelxawáya m'a tegma apwányam nak Jazer, keñe han ma'a apyókxoho tegma apkelyawe nak Galaad, náxet xapop apagkok axta m'a amonitas, ekweykekxoho m'a tegma apwányam nak Aroer, apyetnama axta m'a ekpayho nak Rabá,

Josué 21:39

Hesbón tén han Jazer, cuatro tegma apkelyawe yetlo m'a apagkok apagko' nak chá'a yókxexma ektaqmelakxa nak pa'at.

Jueces 11:26

Trescientos apyeyam negko'o táhak negheykha s'e Hesbón, Aroer keñe han ma'a tegma apketkók aphéyak nak negyáwa', tén han ma'a apyókxoho tegma apkelyawe aphéyak nak neyáwa Arnón; ¿yaqsa eyke ektéma megkólmeykekxo makham kéxegke xa xapop nak, cham'a nanók axta?