Números 21:16 - Biblia Enxet

¹⁶ Apkelxegákxeyk axta makham apkeleñama m'a wátsam Arnón ekweykmoho m'a Beer. Cha'a ekyetnamakxa axta yámelchet ma'a, aptémakxa axta apkenagkama Wesse' egegkok Moisés se'e: “Yánchásekxa sa' énxet'ák, alagkok sa' ko'o yegmen.”

Números 21:16 Iomraidhean Croise

Génesis 21:19

Keñe axta Dios apxekmósa xama yámelchet ma'a Agar. Mahágkek axta han ma'a, yetmeyk axta yegmen ma'a yempehek nak, chágkek axta m'a Ismael.

Éxodo 17:6

Axek sa' eyke ko'o aleyxek ma'a néten egkexe Horeb. Aptekpogkek sa' agkok ma'a meteymog, katyapok sa' yegmen eñama m'a kañe' nak, yaqwayam enxoho énagkok ma'a énxet'ák. Aptemék axta nahan Moisés xa ektáha nak, nápaqta'awók ma'a apkelámha apmonye'e Israel.

Isaías 12:3

Kélwanchek sa' kéxegkáxa kólmahagkok kólyenagkok yegmen yetlo ekpayheykekxa kélwáxok xa ekteyapmakxa nak nélwagkásamáxche teyp,

Isaías 15:8

Weynchámeykha axta aqsa apkelpáxameykha énxet aptegyeykha ekpasmo m'a néxa xapop nak Moab; weykmók axta kéllekxagweykha m'a Eglaim tén han ma'a Beer-elim.

Isaías 43:20

Heyáwhok sa' ma'a aqsok nawha'ák élleykha nak naxma, cham'a semheg nawha'ák nak tén han ma'a xápen, hakte atekkesek sa' yegmen ma'a yókxexma meykexa nak énxet, tén han wátsam ma'a xapop megkatyapmakxa nak xama aqsok, yaqwayam sa' agkések apyenéyak ma'a énxet'ák ahagkok sélyéseykha axta,

Isaías 49:10

“Megkalnáphek sa' chá'a meyk megkalnáphek sa' nahan chá'a ekhem, kamaskok sa' nahan élpekhésa m'a ekmexanmaxma mayáhat, hakte élásekhayók ko'o m'a, eknaqleykha nahan chá'a, anaqlakxak sa' nahan ma'a élánteyapmakxa nak yegmen.

Números 20:8

—Emekxa yámet aptasqapeykha, yánchásekxa sa' énxet'ák, apepma Aarón sa' eyke ewhánho', keñe sa' yának katyapok yegmen ma'a meteymog, nápaqta'awók ma'a apyókxoho énxet'ák, étak sa' xép katyapok yegmen m'a meteymog nak, yaqwayam énagkok, tén han ma'a apnaqtósso nak.

Números 33:46

Apkelántépeykekxeyk axta makham apkeleñama m'a Dibón-gad, apkelpakxenweykmek axta m'a Almón-diblataim.

Jueces 9:21

Apxeganakmek axta Jotam natámen apteme appeywa, apmahágkek axta aphakmo m'a Beer, hakte apchekak axta m'a apepma Abimélec.