Números 20:8 - Biblia Enxet

⁸ —Emekxa yámet aptasqapeykha, yánchásekxa sa' énxet'ák, apepma Aarón sa' eyke ewhánho', keñe sa' yának katyapok yegmen ma'a meteymog, nápaqta'awók ma'a apyókxoho énxet'ák, étak sa' xép katyapok yegmen m'a meteymog nak, yaqwayam énagkok, tén han ma'a apnaqtósso nak.

Números 20:8 Iomraidhean Croise

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

Nehemías 9:15

Apkelméssegkek axta han aptéyak éleñama néten, yaqwayam enxoho emasséssesek élnapma meyk, tén han aptekkessessama yegmen ma'a meteymog, yaqwayam kamasseksek hem élnapma. Tén axta apkeltémo elántexek elhók ma'a apchókxa apkeltennassamakxa axta.

Salmos 105:41

Appáxqatmeyk axta meteymog, keñe axta ekteyapma yegmen, máxa wátsam axta temék ényahama m'a yókxexma meykexa nak énxet.

Salmos 114:8

¡Aptemessáseykekxeyk axta ságe m'a meteymog élyawe élámha! ¡Aptemessáseykekxeyk axta ekteyapmakxa yegmen ma'a meteymog nak!

Salmos 33:9

Hakte appaqmeyesmeyk axta m'a, keñe élánamáxko ekyókxoho aqsok; apkeltémok axta katnehek, yetlómok axta han élánteyapma.

Éxodo 14:16

Ey'és sa' xép néten aptasqapeykha, tén sa' elya'aksek nahan néten apmék elyetnakhaksek ánet nekhaw'ék emeykásekxak neyseksa m'a wátsam ekwányam, yaqwayam sa' elyeykhekxak yetlo ekyamáyóxma m'a israelitas.

Éxodo 17:9

Tén axta Moisés aptáha apcháneya Josué s'e: —Elyésha sa' pók xam'a énxet, tén sa' exog elnapakpok ma'a amalecitas. Sa' eyke ko'o axek saka m'a egkexe néten nak, yetlo sekmeykha yámet kéltasqapeykha ektáha nak Dios apagkok.

Éxodo 4:17

Esow sa' se'e yámet kéltasqapeykha nak, hakte sa' emha chá'a elának aqsok segyegwakkassamo nak agwetak xa.

Éxodo 4:2

Tén axta aptáha apkelmaxneyáncha'a Wesse' egegkok se'e: ¿Yaqsa eyke aqsok xa apmeyncha'a nak? —Yámet sektasqapeykha —axta aptáhak apchátegmowágkokxo m'a Moisés.

Éxodo 4:20

Tén axta Moisés apyentama aptáwa' tén han ma'a apketche, apkelchenátchessek axta xama yámelyeheykok tén axta aptaqháwo makham ma'a Egipto, apsókek axta apmek ma'a yámet apkeltémo axta eswok Dios.

Éxodo 7:20

Apkelánegkek axta nahan Moisés tén han Aarón ma'a apkeltémo axta elanagkok ma'a Wesse' egegkok. Apya'ássek axta néten aptasqapeykha m'a Aarón tén axta aptekpaga yegmen ma'a wátsam nápaqtók faraón, tén han ma'a apkeláneykha nak, tamhákxeyk axta nahan éma m'a ekyókxoho yegmen.

Isaías 43:20

Heyáwhok sa' ma'a aqsok nawha'ák élleykha nak naxma, cham'a semheg nawha'ák nak tén han ma'a xápen, hakte atekkesek sa' yegmen ma'a yókxexma meykexa nak énxet, tén han wátsam ma'a xapop megkatyapmakxa nak xama aqsok, yaqwayam sa' agkések apyenéyak ma'a énxet'ák ahagkok sélyéseykha axta,

Isaías 48:21

Apkelya'assegkek axta eykhe m'a yókxexma meykexa nak énxet, axta eyke kalnapmak ekhem; appáxqatmeyk axta meteymog aptekkessama ekyawe agko' ma'a yegmen.

Números 20:11

Apya'ássek axta néten apmek Moisés, ánet aptekpaga axta aptáhak aptasqapeykha m'a meteymog, tekkek axta nahan ekyawe agkók yegmen. Apyenágkek axta m'a énxet'ák, tén han ma'a aqsok apnaqtósso.

Números 20:7

Aptáhak axta Wesse' egegkok apcháneya Moisés se'e:

Números 21:15

tén han ma'a neyáwa nak yegmen ényé ekweykmoho nak ma'a yókxexma Ar tén han ekweykmoho nak ma'a néxa xapop nak Moab.”

Números 21:18

¡Apkelmetméyak axta aptemék yámet apkelmeykha nak chá'a m'a apkelámha apmonye'e. Apkelmeta axta chá'a aptemék yámet apkeltasqapeykha m'a kelwesse'e!” Apkelxegákxeyk axta makham israelitas apkeleñama yókxexma meykexa énxet, ekweykmoho m'a Mataná;

Josué 6:20

Apkelwehéseyha axta énxet'ák tén han apkelpáwasa apkelmaxnéssesso Dios énxet'ák apagkok ma'a apkelaqkahasso. Xama axta apkelleg'a énxet'ák Israel élpáwa m'a apkelaqkahasso nak, keñe apkeleynawo apkelyennaqtéssawo apkelwehéseykha, yetlókok axta élyaqnenéyak ma'a kélhaxtegkesso nak nápakhaw'ék tegma apwányam. Apketámegkek axta ekpayhókxa nak apkelenmexma m'a tegma apwányam, tén axta apma.

Josué 6:5

Kélleg'ak sa' agkok kéxegke ekpáwà ekwenaqte m'a apchaqkahasso meyke ekhémo m'a mók nak, nágkóléságkoho aqsa kólwehesha, keykpentágwomhok sa' élyaqnenéyak ma'a kélhaxtegkesso nak tegma apwányam nápakhaw'ék, tén sa' kólchetamagkok kélyókxoho m'a tegma apwányam nak.”