Números 2:18 - Biblia Enxet

¹⁸ “Taxnegwánxa ekhem sa' elpakxenagkok ma'a Efraín nak sẽlpextétamo apagkok, apkemhakxa nak bandera apagkok. Elisamá akke apkemha apmonye' apagkok ma'a Efraín énxet'ák nak sẽlpextétamo apagkok, cham'a apketche nak Amihud,

Números 2:18 Iomraidhean Croise

Génesis 48:5

Ahagkok ko'o kaxwók ektáhak ma'a apketchek nak, cham'a Efraín, tén han Manasés, appalleyam axta s'e Egipto, amonye' axta ko'o sekwe sekyepetchegweykta s'e apchókxa nak, ahagkok ko'o kaxwók ektáhak ma'a, ektéma nak ma'a Rubén, tén han Simeón.

Jeremías 31:9

Elmaxneyagkok sa' elchexyók yetlo apkellekxagweykenta'. Anaqlakxak sa' ko'o m'a ényahamakxa nak yegmen, cham'a ámay meykexa nak élyapwáteyak, yaqwayam sa' melpelapmehe'. Hakte ko'o apyáp ma'a Israel, keñe hatte átnaha apketkok ma'a Efraín.

Números 1:10

“Keñe m'a José apketchek nak énxet'ák apagkok: Elisamá, apketche nak Amihud, apteme nak Efraín énxet'ák apagkok; tén han Gamaliel, apketche nak Pedasur, apteme nak Manasés énxet'ák apagkok.

Números 1:32

Keñe axta José aptawán'ák neptámen, cuarenta mil quinientos axta apwokmok kélyetsete apyókxoho, cham'a Efraín nak énxet'ák apagkok. Keñe axta treinta y dos mil doscientos ma'a Manasés nak énxet'ák apagkok.

Números 10:22

Tén axta apkelxega nahan ma'a sẽlpextétamo apheykha axta ekpayhókxa apkemhakxa m'a Efraín bandera apagkok, Elisamá axta eyke apkemha apmonye' apagkok ma'a, Amihud apketche nak.

Números 2:19

cuarenta mil quinientos apkelennay'a axta nahan apyókxoho m'a, cham'a apwánxa axta kélnaqtáxéseyak apkelwesey weykcha'áhak.

Números 7:48

Tén axta m'a ektáhakxa nak siete ekhem, apkelsákxo apkelmésso naqsa aqsok apagkok ma'a Elisamá, Amihud apketche nak, apkemha apmonye' apagkok nak ma'a Efraín énxet'ák apagkok,

Deuteronomio 33:17

Aptásek ma'a, máxa m'a émha amonye' étkok la'a m'a weyke kennawo' apmeyhek nahan, máxa m'a yágweykel'a. Elyetxeygkok sa' nahan ma'a apyókxoho énxet'ák ekweykmoho m'a néxa xapop nak. Aphawók ma'a Efraín énxet'ák apagkok apxámokma nak; tén han ma'a Manasés énxet'ák apagkok nak.”