Números 17:10 - Biblia Enxet

¹⁰ Tén axta Wesse' egegkok aptáha apcháneya Moisés se'e: “Epekkenekxa makham Aarón aptasqapeykha m'a amonye' nak yántéseksek ekhémo mók nélpaqhetchásamáxkoho, epekken sa' aqsa m'a, yaqwayam sa' katnehek éltennasso eyeysso s'e énxet'ák sénmexeykekxa nak chá'a ko'o. Keñe sa' kamaskok apkelpaqméteykha ekmaso nahaqtók ko'o, tén sa' meletsepe'.”

Números 17:10 Iomraidhean Croise

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Éxodo 16:32

Keñe axta Moisés aptáha s'e: —Keso apmésso appeywa apkeltamhókxa chá'a kóltéhek Wesse' egegkok se'e: ‘kólxátem sa' maná ekweykmoho chá'a ánet kilos, tén sa' kóltaqmelchessesek ma'a kéltawán'ák nak, yaqwayam sa' elwetak ma'a nento sekmésso axta ko'o kéxegke m'a yókxexma meykexa nak énxet, cham'a sélántekkesa axta kéxegke m'a Egipto.’

Éxodo 16:34

Apkelyahákxók axta m'a aptáhakxa axta Wesse' egegkok apkeltamhókxa etnehek ma'a Moisés, appekkenwokmek axta hówenaq apxagkok Aarón ma'a ekyetnamakxa axta m'a yántéseksek ekyetchesamaxkoho nak ekhémo mók nélpaqhetchásamáxkoho Dios yaqwayam enxoho kóltaqmelchesek.

Isaías 1:2

Néten tén han náxop, kóleyxho aptáhakxa nak appeywa Wesse' egegkok: “Éktegkessegkek ko'o kélketchek ekwokmoho aptamhágko apkelwányam, keñe sénmexeykekxo.

Oseas 10:9

Aptáhak Wesse' egegkok se'e: “Melwáteseykegkok apkeláneyak melya'assáxma m'a énxet'ák Israel, apcheynamo axta apkeláneyak ma'a Guibeá. ¡Melwáteseykegkok melya'assáxma! Cháxa keñamak ekmáheyo nak káhapwak kempakhakma m'a Guibeá, kay'áwak xa élmasagcha'a nak apkeltémakxa.

Números 14:5

Apkelháxahágkek axta nápaqta'awók énxet'ák ekwokmoho apkeltekxeya élpayhakxa nápaqta'a xapop ma'a Moisés tén han Aarón,

Números 16:21

—¡Kólántép sa' nepyeseksa xa énxet'ák nak, amasséssók sa' ko'o ekmanyehe agko'!

Números 16:38

Élpagkanamaxche táhak apxata nak chá'a aqsok ánek ekmátsa ekpaqneyam éten agkok xa énxet'ák nak, apkeletsapa nak eñama melya'assáxma, hakte kélmeykha axta chá'a yaqwayam kólnegkenwók nahaqtók ko'o m'a aqsok ánek ekmátsa nak ekpaqneyam éten agkok. Kólpeykásekxa sa' xa sawo nak yaqwayam sa' kólyepetchesek émpehek ma'a ekwatnamáxchexa nak aqsok, yaqwayam sa' katnehek ekxénweykekxoho chá'a apkelwáxok kéleysso m'a israelitas.”

Números 16:40

Cháxa ekteme axta éltennáseykekxoho chá'a eyeysso m'a israelitas, megkamopwána épetchegwomhok chá'a ekwatnamáxchexa aqsok egkések Wesse' egegkok ma'a aqsok ánek ekmátsa nak ekpaqneyam éten agkok, metnaha enxoho Aarón aptawán'ák neptámen; hakte aptemék agkok xa, kaxhok sa' ektáhakxa m'a ektáhakxa axta Coré, yetlo m'a apkelxegexma'a nak. Apyókxoho axta nahan apkelánegkok, ekhawo apkeltamhókxa axta etnehek Wesse' egegkok ma'a Eleazar, apchásennaya axta eltennaksek ma'a Moisés.

Números 17:11

Apkelanak axta Moisés ekyókxoho apkeltamhókxa axta etnehek ma'a Wesse' egegkok,

Números 17:4

Enegkenwakxak sa' ma'a kélpakxanma apchaqneykekxexa nak chá'a énxet'ák, amonye' nak ma'a yántéseksek ekhémo mók nélpaqhetchásamáxkoho, sélweteykxa nak chá'a ko'o kéxegke.

Números 17:9

Tén axta Moisés apkelántekkesa aphakxa Wesse' egegkok ma'a ekyókxoho nak yámet kéltasqapeykha, apxekmóssek axta m'a apyókxoho israelitas. Xama axta appenchesa apkelwete, apmákxeyk axta chá'a xama m'a ektáhakxa axta chá'a aptasqapeykha.

Números 20:9

Apmákxeyk axta Moisés ma'a yámet aptasqapeykha ekyetnama axta m'a nápaqtók Wesse' egegkok, ekhawo m'a apkeltamhókxa axta etnehek;

Números 4:18

“Nágkólho aqsa emassegwók Quehat aptawán'ák neptámen nepyeseksa m'a levitas.

Deuteronomio 9:24

¡Nanók axta kéltémakxa kéxegke kélenmexeykekxa chá'a Wesse' egegkok, eyeynamo m'a sekxók axta sélweteya ko'o!

Deuteronomio 9:7

“Kéméxcheyk megkalwagqamagkehek agko' chá'a kéxegke kéllókáseykegko axta chá'a Dios Wesse' kélagkok ma'a yókxexma meykexa nak énxet. Megkamassegweykmok kélenmexeykekxa chá'a m'a Dios, eyeynamo m'a sekxók axta kélánteyapma m'a Egipto, ekwokmoho kélwa'a s'e yókxexma nak.

1 Samuel 2:12

Asagkek axta apkeltémakxa m'a Elí apketchek, megkalxének axta apkelwáxok ma'a Wesse' egegkok,

1 Samuel 30:22

Apkelpaqmetchek axta eyke m'a nápakha énxet'ák élmasagcha'a axta apkeltémakxa, apxéna megkapayhawo kólmésagkok aqsok ma'a melyetlo axta apkelxega, cham'a aqsok axta apkelméyak, wánxa axta aqsa apxéna kólmeyásekxak ma'a apnaqteyegka'a tén han apketchek, tén han apwanchek elxog natámen apkelmeykekxa'.