Números 16:7 - Biblia Enxet

⁷ kólxátem sa' átex, tén sa' kólxatmok nahan ma'a aqsok ánek ekmátsa nak ekpaqneyam éten agkok, kólpekken sa' axto'ók ma'a nápaqtók Wesse' egegkok. Énxet apkelyéseykha enxoho m'a Wesse' egegkok, cháxa ektáha appagkanma m'a. ¡Énxet'ák levitas, wánxa kólteme kélteme néten nepyeseksa énxet'ák!

Números 16:7 Iomraidhean Croise

Salmos 106:16

Apnathamakpek axta eyke han Moisés ma'a apkelpakxeneykegkaxa axta, tén han Aarón, cham'a apkelpagkanma axta Wesse' egegkok.

Números 16:3

Apyókxoho axta apchaqnákxak xa, apkenmexa m'a Moisés tén han Aarón. Aptáhak axta apkeláneya s'e: —¡Wánxa kólteme kéltémo kóltéhek ekha kéláyo! Apyókxoho énxet'ák apteme apkelpagkanchásamap ma'a Dios, aphegkek han negyeseksa negko'o negyókxoho m'a Wesse' egegkok. ¿Yaqsa ektéma kéxegke kéltéma nak kélámha kélmonye'e ekyawe kéláyo nepyeseksa m'a Wesse' egegkok énxet'ák apagkok?

Números 16:5

aptáhak axta apcháneya Coré, tén han ma'a ektáha axta appasmeykekxa: —Saka axto'ók agko' sa' hegya'ássesagkohok Wesse' egegkok, yaqsa kexaha ektáha apagkok, tén han yaqsa kexaha apkelpagkanma, tén han ekmowána keypetchegwomho'. Wánxa sa' aqsa apwanchek épetchegwomhok ma'a ektáha nak apkelyéseykha.

Números 16:6

Kólteme sa' se'e: kólsanta sa' apxata nak chá'a aqsok ánek ekmátsa ekpaqneyam éten agkok ma'a Coré, tén han ma'a apkelxegexma'a nak,

Números 16:8

Tén axta Moisés aptáha makham apcháneya Coré s'e: —Levitas, héleyxho sekxo':