Números 16:5 - Biblia Enxet

⁵ aptáhak axta apcháneya Coré, tén han ma'a ektáha axta appasmeykekxa: —Saka axto'ók agko' sa' hegya'ássesagkohok Wesse' egegkok, yaqsa kexaha ektáha apagkok, tén han yaqsa kexaha apkelpagkanma, tén han ekmowána keypetchegwomho'. Wánxa sa' aqsa apwanchek épetchegwomhok ma'a ektáha nak apkelyéseykha.

Números 16:5 Iomraidhean Croise

Salmos 105:26

Keñe axta Dios apcháphassama apkeláneykha Moisés, tén han Aarón, cham'a ektáha axta apkelyéseykha,

Salmos 115:10

Kéxegke, kélmaxnéssesso nak chá'a Dios énxet'ák apagkok, ¡nágkólya'ássem Wesse' egegkok! Hakte cha'a sempasmo chá'a m'a, tén han segmasma.

Salmos 65:4

Apkeleñémo énxet apkelyéseykha nak xép, apyentameykekxa nak xép ma'a aphakxa nak, apwáxok nak ma'a tegma appagkanamap apagkok. ¡Kalpeykásekxohok agko' sa' negko'o egwáxok ma'a aqsok éltaqmalma ekhéyak nak apxagkok, aqsok élpagkanamaxche ekhéyak nak ma'a tegma appagkanamap apagkok!

Éxodo 28:1

“Etneykha sa' chá'a exchep apxegexma nepyeseksa israelitas ma'a apepma Aarón tén han ma'a apketchek nak, Nadab, Abihú, Eleazar tén han ma'a Itamar, yaqwayam sa' etnahagkok apkelmaxnéssesso énxet'ák ahagkok.

Éxodo 28:41

“Elántaxneyásekxa sa' apkelnaqta m'a apepma Aarón tén han ma'a apketchek nak, tén sa' eyegkenchesek apqátek ma'a pexmok égmenek, yaqwayam sa' egkések kaxwók apkeltamheykha tén han elpagkanchesek yaqwayam etnehek apkelmaxnéssesso énxet'ák ahagkok.

Éxodo 28:43

tén han yaqwayam sa' elatchásekxak chá'a Aarón tén han apketchek apkelántaxnegwákxo enxoho chá'a m'a kélpakxanma apchaqneykekxexa nak chá'a énxet'ák, essenhan ma'a apchaqnágweykxo enxoho chá'a nekha m'a ekwatnamáxchexa nak aqsok, cham'a apkeltamheyncha'a enxoho chá'a elmaxnéssesek énxet'ák ahagkok ma'a kañe' kélpakxanma appagkanamap, yaqwayam enxoho melanagkek chá'a xama aqsok megkapayhawo nak chá'a elanagkok, keñe eletsapok. Cháxa xama segánamakxa apagkok meyke néxa Aarón xa tén han ma'a aptawán'ák neptámen nak.

Jeremías 30:21

Nepyeseksa sa' nahan yeñék etyapok apkemha apmonye' apagkok: etyapok sa' xama nepyeseksa yaqwayam etnehek apkeltaqmelchesso. Wának sa' ko'o hépetchegwoho', hakte, ¿yaqsa megkeygwakxeyk hépetchegwohok ko'o? Énxet'ák ahagkok sa' ko'o atnehek ma'a, keñe sa' ko'o etnehek Dios apagkok. Ko'o sekxeyenma xa, sektáha nak Wesse'.”

Jeremías 49:19

Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Edom ma'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Jeremías 50:44

“Katlakkasek sa' ko'o axegma', ektémól'a yámakméwa katyapok ma'a naxma ekyentaxno neyáwa Jordán, ekmahéyak la'a chá'a m'a yókxexma ekhakxa nak pa'at axnagcha'ák, sa' ko'o amenxenek énxet'ák Babilonia m'a, wának sa' ko'o etnehek apkeláneykha apchókxa m'a énxet sélyéseykha nak ko'o. Hakte ¿yaqsa awanchek ko'o hexnésaxkoho'? ¿Yaqsa awanchek ko'o hélyekkónaxche'? ¿Yaqsa keláneykha nepkések apwanchek hénmexekxak ko'o?

Ezequiel 40:46

keñe m'a kañe' ekpayhémo nak ma'a nexcheyha, apheykegkaxa m'a appasmo apkelmaxnéssesso Dios énxet'ák apagkok apkeltamheykha nak chá'a m'a meteymog ekwatnamáxchexa nak chá'a aqsok. Sadoc aptawán'ák neptámen ma'a, wánxa nahan apwanchek chá'a elyepetchegwakxohok Wesse' egegkok yaqwayam elteméssesha xa Leví énxet'ák apagkok nak.”

Ezequiel 43:19

Keñe sa' ma'a appasmo nak apkelmaxnéssesso Dios énxet'ák apagkok Leví énxet'ák apagkok, Sadoc aptawán'ák neptámen nak, apmopwancha'a nak chá'a ko'o hépetchegwakxohok elanagkok apkeltamheykha m'a sekhakxa, kólmések sa' xama weyke kennawók étkok yaqwayam etnéssesek aqsok ektekyawa ekyaqmageykekxa nak megkólya'assáxma. Ko'o séltémo, sektáha nak Wesse'.

Ezequiel 45:4

Appasmo apkelmaxnéssesso Dios énxet'ák apagkok sa' kólteméssesek apmeykha xa xapop nak, cham'a apkeltamheykha nak chá'a m'a kañe' Wesse' egegkok tegma appagkanamap apagkok, apkelyepetchegweykekxoho nak chá'a elanagkok apkeltamheykha m'a aphakxa. Sa' keytek chá'a yaqwayam elanagkok apxanák ma'a. Katnehek sa' ekpagkanamaxchexa xa, kéltaqmelchessesso m'a tegma appagkanamap.

Levítico 10:3

Keñe axta Moisés aptáha apcháneya Aarón se'e: —Cháxa apmáheyo axta exének Wesse' egegkok aptéma axta appeywa s'e: ‘Énxet sépetchegwayo enxoho ko'o, axekmósek sa' sekteme sekpagkanamaxche ahagko', hélteméssesek sa' ko'o seyeymáxkoho nápaqta'awók apyókxoho israelitas.’ Apwanmakkek axta eyke aqsa Aarón.

Levítico 8:2

“Éntem sa' Aarón yetlo apketchek, elsow sa' nahan ma'a apáwa apkelántaxno nak apkelmaxnéssesso Dios énxet'ák apagkok, tén han pexmok égmenek sẽlteméssesso nak nempagkanamaxche', tén han weyke étkok kennawo' ekmatñamól'a ekyánmaga megkólya'assáxma, tén han apqánet nepkések apkelennay'a, tén han hówenaq apxagkok étkok kélxata nak pán meyke kempáseyak.

Malaquías 3:18

Keñe sa' kéxegke kólyekpelchágwok makham mexnémo pók ma'a éltaqmalma nak apkeltémakxa, tén han ma'a ekmaso nak apkeltémakxa, tén han ma'a apkelpeykessamo nak Dios, tén han ma'a melpeykessamo nak.”

Números 16:3

Apyókxoho axta apchaqnákxak xa, apkenmexa m'a Moisés tén han Aarón. Aptáhak axta apkeláneya s'e: —¡Wánxa kólteme kéltémo kóltéhek ekha kéláyo! Apyókxoho énxet'ák apteme apkelpagkanchásamap ma'a Dios, aphegkek han negyeseksa negko'o negyókxoho m'a Wesse' egegkok. ¿Yaqsa ektéma kéxegke kéltéma nak kélámha kélmonye'e ekyawe kéláyo nepyeseksa m'a Wesse' egegkok énxet'ák apagkok?

Números 16:6

Kólteme sa' se'e: kólsanta sa' apxata nak chá'a aqsok ánek ekmátsa ekpaqneyam éten agkok ma'a Coré, tén han ma'a apkelxegexma'a nak,

Números 17:5

Wának sa' ko'o kaltekteypok yámet aptasqapeykha m'a ektáha nak ko'o sélyéseykha, keñe sa' kamaskok apkelxéneykha ekmaso kéxegke nahaqtók ko'o m'a israelitas.”

Números 17:8

keñe axta mók ekhem, apmeyákxo m'a kélpakxanma nak, apwet'ak axta éltektepa m'a Aarón aptasqapeykha, ektáha axta apagkok ma'a Leví énxet'ák apagkok: kelwegqak axta éltekteyapma, kelyapwa'ak axta nahan, yexneyk axta nahan, máxa axta ekmakhetma ekyexna m'a aqsok ekwesey nak almendras.

1 Samuel 2:28

Keñe m'a nepyeseksa nak apyókxoho énxet'ák Israel, sélyéseykencha'a ko'o kéxegke yaqwayam kóltéhek apkelmaxnéssesso énxet'ák ahagkok, yaqwayam enxoho hélwatnések chá'a aqsok ma'a sélwatnéssamakxa nak chá'a aqsok, keñe han elwatnek chá'a m'a aqsok ekmátsa nak ekpaqneyam éten agkok, tén han elántaxnekxak chá'a apáwa efod elmeyekxak sekhakxa'. Ekméssegkek axta han chá'a ko'o nekha apyapmeyk nanók ma'a aqsok kélmésso naqsa apkelseykekxa axta chá'a israelitas, sélwatnésso ko'o.