Números 14:2 - Biblia Enxet

² Apyókxoho axta apxénáha ekmaso m'a Moisés tén han ma'a Aarón. Axta aptáhak apkelpaqméteyncha'a s'e: “¡Agmaskoho anna axtal'a m'a Egipto, essenhan se'e yókxexma meykexa nak énxet!

Números 14:2 Iomraidhean Croise

1 Reyes 19:4

Tén axta apmahágko m'a meykexa nak énxet, xama ekhem axta han apxega, keñe aphakmo kóneg xama yámet pessesse agkok. Apkeltamhók axta han yetsapok, keñe aptáha: “¡Wesse', heyho ko'o watsapok! ¡Hakte ekhawók ko'o m'a ẽlyapmeyk nano'!”

Job 3:11

¡Yaqsak kexa ektéma magwatsapma axta m'a kañe' méme awáxok, essenhan ma'a sektéyámxoho axta!

Salmos 106:24

Néwomók axta han aptaqnawágweykmo m'a apchókxa ektaqmalma, apkelya'ásseykmek axta m'a apmésso axta appeywa Dios;

Salmos 106:25

kalesagchaha axta chá'a apkelpeywa exének Wesse' egegkok ma'a kañe' apkelpakxenéyak, melyahakxeyk axta chá'a m'a apkeltamhókxa enxoho chá'a etnehek.

Salmos 106:45

xénweykekxók axta apwáxok ma'a ekhémo mók apkelpaqhetchásamákpoho apkelánesso axta, tén axta apyaqmagkasa yaqwánxa etnehek, hakte awanhók agko' ma'a segásekhayo nak:

Éxodo 14:11

Keñe axta kéltáha kéláneya Moisés s'e: —¿Mékoya takhaxpop Egipto, cham'a sẽlántekkesakxa axta apkeltamho nak negko'o agmassegwak se'e yókxexma meykexa nak énxet? ¿Yaqsa ektáha senteméssesa nak xa ektáha nak? ¿Yaqsa ektéma sẽlántekkessama nak Egipto?

Éxodo 15:24

Apcheynawók axta nahan apkelpaqméteyncha'a ekmaso énxet'ák apxéna m'a Moisés. Aptáhak axta apkelmaxneyáncha'a s'e: “¿Yaqsa sa' agyenagkok?”

Éxodo 17:3

Hem axta eyke kelnápak ma'a énxet'ák, apkelpaqméteyha axta makham apxéna ekmaso m'a Moisés. Axta aptáhak apcháneya s'e: —¿Yaqsa axta ektéma sẽlántekkessama m'a Egipto? ¿Apkeltémok enxeykel'a exchep hẽlnápok hem sẽlnapma, yetlo egketchek tén han ma'a aqsok nennaqtósso nak?

Jonás 4:3

Cháxa keñamak séltamho nak ko'o hemasséssók xép Wesse', tásek ko'o watsapok, kaxnók aweynchamha chá'a.

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.

Números 11:1

Xama ekhem axta apkelpaqméteyha ekmaso israelitas apkenmexeyncha'a m'a Wesse' egegkok, eñama m'a ektémakxa axta chá'a apkelwete ekmaso apheykha. Aplókók apagko' axta nahan Wesse' egegkok apleg'a xa, tén axta apcha'a táxa, cháléwáha axta m'a neyáwa' nak apkelpakxeneykegkaxa.

Números 11:15

Apkelenxanakmók sa' agkok xép setnéssesso xa ektáha nak, tásek hemassessók, ektáha enxoho naqsók eyaqheykencha'a chá'a ko'o apwáxok sélányo exchep. Keñe sa' móteyekxók chá'a ekmaso sekha.

Números 11:5

¡Xénwákxók la'a egwáxok ektémakxa axta chá'a nenteykegko kelasma meyke ekyánmaga m'a Egipto! Nenteykegkek axta m'a yaqtépa étkók, yánsamáne, katteye, tén han séway, tén han ajo.

Números 14:1

Apcheynawók axta apkelwehéseyncha'a israelitas, apkelmallánekxeyk axta apkellekxagweykha xa axta'a nak.

Números 14:22

Métyehek sa' xama enxoho xapop séltennassamakxa axta ko'o agkések apyapmeyk nano', cham'a apkelwete axta chá'a élseyéxma ahagkok tén han aqsok sempelakkasso nak agweta' séláneya axta chá'a ko'o m'a Egipto tén han ma'a yókxexma meykexa nak énxet, cham'a ekxámokma axta ko'o sépkeynma m'a yókxexma meykexa nak énxet, melyaheykekxa axta chá'a séltémókxa etnahagkok. Métyehek sa' xama enxoho m'a sewanyeykha nak chá'a ko'o.

Números 16:13

¿Apkenagkamcheya kaxyókak xép sẽlántekkessama m'a apchókxa ényahamakxa nak weyke nagkeygmenek, tén han yányawhéna' apyegmenek, ektémól'a kanyehek ma'a yegmen, yaqwayam helnáhapwak se'e yókxexma meykexa nak énxet, tén han apmáheyo etnehek xép apkemha apmonye' egagkok, ekha kéláyo?

Números 16:41

Keñe axta mók ekhem, apcheynawo apkelpaqmeteyncha'a apyókxoho énxet'ák Israel aptaqnawaya m'a Moisés tén han Aarón. Axta aptáhak apcháneya s'e: —¡Kélnapchek kéxegke Wesse' egegkok énxet'ák apagkok!

Números 17:6

Apkeltennássek axta nahan Moisés israelitas xa amya'a nak, apméssek axta chá'a xama yámet aptasqapeykha m'a ektáhakxa axta chá'a apkemha apmonye'e nepyeseksa énxet'ák apagkok, doce yámet kéltasqapeykha axta wokmok apcháncheseykekxa. Aarón aptasqapeykha axta nahan yetnak neyseksa m'a.

Números 20:2

Apchaqnákxeyk axta apyókxoho énxet'ák peya etaqnók ma'a Moisés tén han Aarón, hakte méko axta yegmen.

Números 20:3

Aptáhak axta apcháneya Moisés se'e: —¡Agmaskoho anna axtal'a xamók negko'o m'a nápakha egnámakkok israelitas, apkelnapma axta Wesse' egegkok!

Números 20:4

¿Yaqsa ektéma sennaqleykekmo nak negko'o kéxegke s'e, nentáha nak Wesse' egegkok énxet'ák apagkok? ¿Kéltémok enxeykel'a kéxegke óletsapok, yetlo nennaqtósso?

Números 21:5

yetlókok axta nahan apkelpaqméteykha apkenmexeyncha'a m'a Dios, tén han ma'a Moisés. Aptáhak axta apkeláneya s'e: —¿Yaqsa ektéma sẽlántekkessama nak negko'o kéxegke m'a Egipto? ¿Yaqwayam hẽlnáhapwak yókxexma meykexa énxet enxeykel'a? Méko yegmen negyenéyak enxoho, tén han nento. ¡Ẽlleklámegkek negko'o s'e nentéyak élmasagcha'a nak!

Deuteronomio 1:27

kélpaqméteykha axta aqsa m'a kélxanák nak, axta kéltemék se'e: ‘Mopmenyeyk negko'o henlanok ma'a Wesse' egegkok; ẽlántekkesegkek aqsa Egipto yaqwayam hẽlmések ma'a amorreos tén han hegmasséssók.

Deuteronomio 9:23

Xama axta apkeltémo kólántépok Wesse' egegkok ma'a yókxexma Cadés-barnea yaqwayam kólmok ma'a apchókxa apméssamakxa axta, kélenmexeykekxeyk axta eyke nahan ma'a apkeltémókxa axta chá'a kóltéhek, kélya'ásseykmek axta nahan, axta nahan kólyeheykekxohok chá'a,