Números 12:13 - Biblia Enxet

¹³ Tén axta Moisés aptáha appaqhetchesa Wesse' egegkok se'e: “O Dios, éltamhók ko'o exchep etaqmelchessók.”

Números 12:13 Iomraidhean Croise

Génesis 20:17

Apkelmaxnakkek axta Dios ma'a Abraham, keñe axta Dios apmeyásekxo makham apyennaqte m'a Abimélec tén han aptáwa'. Apkeltaqmelchessekmek axta han ma'a apkelásenneykha kelwán'ák, yaqwayam enxoho kalwetak étchek,

1 Reyes 13:6

Keñe axta wesse' apwányam aptáha apcháneya m'a Dios appeywa aplegasso: —Hélmaxnésses ko'o Dios Wesse' apagkok, yaqwayam kataqmelekxak se'e ahaktog nak. Apkelmaxnakkek axta Wesse' egegkok ma'a Dios appeywa aplegasso, keñe ektaqmelákxo makham apaktog ma'a wesse' apwányam, ekwamekxo makham ma'a ektémakxa axta chá'a.

Salmos 30:2

Dios Wesse' ahagkok, élmaxnakkek axta exchep séltamho hepasmok, tén setaqmelchessekmo han;

Salmos 41:4

Axta ektáhak ko'o s'e: “Wesse', yepyósho hélano'; hetaqmelchessem, may'assáxma eykhe ko'o nápaqto' xép.”

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Éxodo 4:7

Tén axta aptáha makham apcháneya Dios se'e: —Yetchásekxa makham apmek kañe' aptaxno apnények. Aptemék axta makham Moisés xa ektáha nak. Xama axta apleya makham apketchesso apmek ma'a kañe' aptaxno apnények, taqmelákxeyk axta makham ma'a ekyókxoho apyempehek, hágweykxók axta makham ma'a ekweykenxa axta chá'a apyempehek.

Isaías 30:26

Eltaqmelchessásekxak sa' apkelyense énxet'ák apagkok ma'a Wesse' egegkok, elpextehetchesagkok sa' nahan. Keñe sa' pelten máxa ekhem éltátchesso sa' etnehek apkelsassóxma, keñe sa' ma'a ekhem kayeykhágwomhok agko' sa' élsassóxma, megkaxók sa' ma'a ekweykenxa nak chá'a élsassóxma, máxa sa' katnehek ektáha enxoho siete ekyókxoho éltátchesso ekhéyak ma'a néten.

Jeremías 17:14

Wesse' hetaqmelchessem ko'o, keñe sa' ataqmelwók; hewagkas ko'o teyp, keñe sa' awagkasaxchek teyp, hakte xeyep apwánxa apagkok chá'a sélpeykessamo.

Números 11:2

Apkelwehéseyha axta énxet'ák apkeltamho epasmok ma'a Moisés, tén axta Moisés apkelmaxnéssesa m'a Wesse' egegkok. Sapanak axta nahan ma'a táxa nak.

Números 12:12

Nágyoho aqsa katnehek ektémól'a sakcha'a ápak la'a ektéyam, ekmasól'a émpehek.”

Números 14:2

Apyókxoho axta apxénáha ekmaso m'a Moisés tén han ma'a Aarón. Axta aptáhak apkelpaqméteyncha'a s'e: “¡Agmaskoho anna axtal'a m'a Egipto, essenhan se'e yókxexma meykexa nak énxet!

Números 16:41

Keñe axta mók ekhem, apcheynawo apkelpaqmeteyncha'a apyókxoho énxet'ák Israel aptaqnawaya m'a Moisés tén han Aarón. Axta aptáhak apcháneya s'e: —¡Kélnapchek kéxegke Wesse' egegkok énxet'ák apagkok!

1 Samuel 12:23

Ko'o han, malanyek sa' chá'a may'assáxma nápaqtók Wesse' egegkok, sélwátéssekmo sa' sélmaxnéssesso kéxegke. Awasqápekxohok sa' sélxekmósso yaqwayam enxoho kóllának chá'a kéxegke aqsok ektaqmela, tén han ma'a ekpayhawo nak chá'a kóltéhek.

1 Samuel 15:11

—Chaqhegkek ewáxok sekteméssessama wesse' apwányam ma'a Saúl, hakte eyamasmeyk ko'o, melaneyk han ma'a séltémókxa axta etnehek. Yetnakhassamók agko' axta apwáxok Samuel, yókxoho axta'a axta apkelmaxnagko Wesse' egegkok.