Números 11:23 - Biblia Enxet

²³ Aptáhak axta Wesse' egegkok apchátegmowágkokxo s'e: —¿Ketséya apkenagkók xép sekmowána? Étak sa' kaxwo', katnehek sa' kexa m'a sekxeyenma nak chá'a katnehek, essenhan megkatnehe'.

Números 11:23 Iomraidhean Croise

Génesis 18:14

¿Yetnéya aqsok megkamopwána elának ma'a Wesse' egegkok? Pók apyeyam sa' makham atnehek meyk'a, kótak sa' étche apkenna Sara ekwokmo enxoho xa.

2 Reyes 4:43

Apchátegmowágkek axta m'a apkeláneykha: —¿Háxko ko'o atnehek almésagkok cien énxet'ák se'e? Keñe axta apchátegmowágko Eliseo: —Elmésák sa' énxet'ák yaqwayam etawagkok, hakte apxénchek xeyk Wesse' egegkok etawagkok, tén han apxéna eleymakpok.

2 Reyes 7:2

Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

Salmos 78:41

Épkeynekxak axta aqsa chá'a; ¡apyentaxnéssessegkek axta apwáxok ma'a Appagkanamap nak Israel!

Éxodo 6:1

Apchátegmowágkokxeyk axta m'a Wesse' egegkok. Aptáhak axta apcháneya s'e: —Étak sa' kaxwók xép yaqwánxa atnéssesek ko'o m'a faraón, hakte wánxa yohok kólántépok apchókxa m'a sekyennaqtésa enxoho émpehek; sa' apagko' nahan yának kólxog kéxegke m'a.

Isaías 50:2

¿Yaqsa axta ektéma móteya ko'o xama énxet sekxók axta sekwaya? ¿Yaqsa axta ektéma méko seyátegmoweykegko m'a sélwóneykencha'a axta? ¿Kélanagkamcheya axta ko'o mowanchek alwagkasek teyp? ¿Kélanagkamcheya axta ko'o mowanchek alántekkesek neyseksa aqsok ekmaso? Megkatnohók ko'o apaqhetchesek altamhok keymék ma'a wátsam ekwányam nak tén han wának katnekxak ekyamayéxma m'a wátsam nak; yaqwayam enxoho kaletsapok hem át'ák ma'a kelasma tén han kaltahápok eñama meyke yegmen.

Isaías 59:1

Megkaweywenték apmopwána m'a Wesse' egegkok, apwanchek hegwagkasek teyp. Megkatnehek nahan meyke apeyk'ák eñohok ektemegweykmohóxma.

Jeremías 14:9

¿Yaqsa ektéma aptéma m'a aptémól'a énxet mey'áseyak la'a aqsok, aptémól'a m'a kempakhakma yáp megkamopwána nak hempasmok? Wesse', apheyk eyke exchep negyeseksa, apyókxoho énxet apya'ásegkók nentáha negko'o xép énxet'ák apagkok; ¡ná hegkexa aqsa negko'o!

Jeremías 32:17

Wesse', yetlo ekyawe apmopwána axta exchep apkelanék néten tén han keso náxop. Méko xama aqsok megkapwagkexa elának xép.

Jeremías 32:27

“Ko'o sekteme Wesse', Dios agkok ma'a ekyókxoho aqsok ekha nak élennama. Méko ko'o xama aqsok mamowagkexa alána'.

Ezequiel 12:25

hakte apaqmétek sa' ko'o, sektáha nak Wesse', ekmanyehe agko' sa' nahan katnehek ma'a aqsok sekxeyenma. Kéxegke kélagko' sa' nahan kólweta', kélteme nak énxet'ák élyennaqte kélwáxok; apaqmétek sa' ko'o, tén sa' wának katnehek ma'a aqsok sekxeyenma. Éltennássek ko'o xa, sektáha nak Wesse'.”

Ezequiel 24:14

Ekxénchek ko'o xa sektáha nak Wesse', katnehek sa' nahan. Ko'o ahagko' sa' nahan alána', kaxwók sa' nahan alána'; megkayóshek sa' alano', mayaqmagkassemek sa' nahan mók ma'a sektáhakxa sekxeyenma. Añássesagkohok sa' eñama ektémakxa tén han aqsok élane. Ko'o sekxeyenma xa, sektáha nak Wesse'.’”

Daniel 6:20

Xama axta apkenegwákxo nekha máxek wesse' apwányam, aptáhak axta apwónéncha'a Daniel yetlo ekmayósa apwáxok se'e: —Daniel, apteme nak apkeláneykha m'a Dios memassegwayam, ¿apwagkasseya teyp Dios apagkok, apteme nak meyenseyam apyetleykha, neyseksa m'a yámakméwa?

Miqueas 2:7

¿Apkeltaqnómakpek enxeykel'a m'a Jacob énxet'ák apagkok? ¿Aplamchek enxeykel'a kaxwók ma'a Dios? ¿Keya aptémakxa Dios elának aqsok xa? ¿Megkataqmalmakhaya chá'a appeywa elának ma'a ekpéwo nak aptémakxa?

Números 11:22

¿Háxko apkelyagqakxa apxámokma nepkések tén han weyke negmowána enxoho ólnápok, yaqwayam enxoho kawakxohok apyókxoho énxet'ák? Nélmeyásegkek agkok nahan ekyókxoho kelasma éleñama nak wátsam ekwányam, megkawakxo'.

Números 23:19

Maghawok negko'o m'a Dios nentáha nak énxet néletsapmo nak chá'a, metnehek apmopwána amya'a, meyaqmagkassemek nahan mók ma'a aqsok apxeyenma. Apxénchek agkok xama aqsok, elának nahan. Apxénchek agkok nahan élanak xama aqsok, elának nahan.