Números 11:1 - Biblia Enxet

¹ Xama ekhem axta apkelpaqméteyha ekmaso israelitas apkenmexeyncha'a m'a Wesse' egegkok, eñama m'a ektémakxa axta chá'a apkelwete ekmaso apheykha. Aplókók apagko' axta nahan Wesse' egegkok apleg'a xa, tén axta apcha'a táxa, cháléwáha axta m'a neyáwa' nak apkelpakxeneykegkaxa.

Números 11:1 Iomraidhean Croise

Génesis 38:10

Axta kaleklók apwáxok Wesse' egegkok apweteya m'a aptémakxa axta Onán, keñe axta apchaqheykekxo han ma'a.

2 Samuel 11:27

xama axta ekwokmo néxa' élapwayam, apkeltamhók axta kólyentawakxések ma'a David, apmeyk axta takha' m'a kañe' apxagkok apyawe nak, aptáwa' axta han aptáhak, wetássek axta han xama apketche apkenna. Axta eyke kalchak apwáxok Wesse' egegkok aptáhakxa m'a David.

2 Reyes 1:12

Apchátegmowágkek axta Elías: —Naqso' sa' agkok ko'o sekteme Dios appeywa seklegasso, katyamok sa' táxa eñama néten keñe sa' kaqhek xeyep, tén han xa cincuenta sẽlpextétamo apkelxegexma'a nak. Yetlókok axta ektéyam táxa eñama néten keñe eksawhawo élnapa m'a.

Job 1:16

Axta epenchásawok appeywa xa énxet nak, apwákxo makham pók, keñe han aptáha apcháneya s'e: —Takha' apkelnápak nepkések tén han ma'a apkeltaqmelchesso nak. Ko'o aqsa exakkók seyewagko sekxeganakmo, yaqwayam enxoho ay'óták xép altennásseta'.

Salmos 106:18

¡Táxa axta kelwatnók ma'a apyókxoho nak! ¡Táxa eyáléwe axta kelwatnók ma'a élmasagcha'a axta apkeltémakxa!

Salmos 78:21

Xama axta aplegaya Wesse' egegkok xa, aplamchek axta; ¡máxa táxa axta temék aplo, aptaqnagkamchek axta m'a Jacob!

Salmos 78:63

Apkeletsepmeyk axta wokma'ák neyseksa kempakhakma; ¡néxa axta temégweykmok yaqwayam kalyamhopagkok kelán'a étkók!

Éxodo 16:7

tén sa' ma'a axto'o kólwetak ma'a ektémakxa apcheymákpoho Wesse' egegkok, hakte aplegayak chá'a ektémakxa kéxegke kélxéneykha ekmaso m'a. Negko'o eyke kaqhok henxénmakha kéxegke ekmaso.

Éxodo 16:9

Tén axta Moisés aptáha apcháneya Aarón se'e: —Eltennasák sa' apyókxoho israelitas yának elyepetchegwatámhok aphakxa m'a Wesse' egegkok, hakte aplegayók chá'a ektémakxa apkelxéneykha ekmaso m'a.

Isaías 10:17

Etnekxak sa' táxa eyáléwe m'a Dios aptaqmalma, apkelsássessóxma nak chá'a m'a Israel, xama ekhem agko' sa' nahan elwatnek tén han emasséssók ekyókxoho m'a yámet ekha nak am'ák tén han ma'a ekmompánaqma ekyetnama nak ma'a apchókxa.

Isaías 30:33

Nanók agko' apkelánesso énxet'ák Asiria tén han wesse' apwányam apagkok ma'a ekyetnamakxa nak sẽllegassáseykegkoho ekmáske, ekyawe nak ekpayhakxa tén han ekmattawóneg, eyáléweykegkaxa nak ekyawe m'a táxa yetlo ekxámokma m'a yántapák. Wesse' egegkok apkennama sa' káléwaksek ma'a, máxa sa' katnehek ma'a ényél'a eyáléwe m'a aqsok ánek ekyátekto eyáléwomól'a.

Isaías 33:14

Apkelpexyennegkek éltamheykha apkelwáxok énxet melya'assáxma m'a Sión, apkelyegwakkók apagkók ma'a énxet'ák élmasagcha'a nak apkeltémakxa, aptáhak apkelpaqmeta s'e: “¿Yaqsa enxama negko'o apwanchek exek neyseksa m'a táxa ekmassesseykmoho nak aqsok, cham'a eyáléwe ekyawe meyke néxa nak?”

Lamentaciones 3:39

Kaqhok ampaqmeyesmakha sẽllegassásegkoho enxoho eñama nentémakxa magya'assáxma.

Levítico 10:2

Keñe axta ektepa táxa m'a aphakxa nak Wesse' egegkok, apsawhékpók axta nahan apkelmeta m'a. Cháxa ektáhakxa axta apkeletsapa nápaqto' Wesse' egegkok.

Nahúm 1:5

Kalpexyennók chá'a apmonye' m'a meteymog élwenaqte nak; kalpayhekxak chá'a apmonye' m'a xapop élekhahéyak nak. Kayawheykha chá'a xapop ekwet'a enxoho; tén han ma'a ekyókxoho yókxexma nak keso náxop, ekweykekxoho m'a ekhéyak nak awáxok.

Habacuc 3:5

Xegkek apmonye' m'a nenlegeykegkoho ekmaso nak, keñe neptámen ma'a ekmexanma egyempehek segaqhamo nak.

Números 10:33

Apkelántekkek axta apkeleñama m'a Wesse' egegkok egkexe apagkok nak, apkelxegkek axta ekweykmoho ántánxo ekhem. Amonye' axta nahan kélxegkásak ma'a Wesse' egegkok yántéseksek apagkok, ekhémo mók nélpaqhetchásamáxkoho nak, yaqwayam kalyahássesha yaqwánxa ellókassók apkelyampe.

Números 11:18

Yána' elmópeyásekxak apyempe'ék ma'a énxet'ák, elpenaksohok aptamhágkaxa m'a saka, keñe sa' etawagkok ápetek. Ekleg'ak ko'o apkellekxagweyncha'a, tén han aptáha chá'a apkelpaqméteyncha'a s'e: ¡Kaxho annal'a ápetek yaqwayam antawagkok! ¡Tásek axta negheykha m'a Egipto! Almésagkok sa' ko'o ápetek yaqwayam sa' etawagkok,

Números 12:2

Axta entáhak nahan élpaqmeta s'e: “Háwe apwánxa apagkok appaqhetchessama chá'a Wesse' egegkok ma'a Moisés; negko'o han ẽlpaqhetchessók chá'a.” Apleg'ak axta nahan ektáhakxa élpeywa m'a Wesse' egegkok.

Números 14:2

Apyókxoho axta apxénáha ekmaso m'a Moisés tén han ma'a Aarón. Axta aptáhak apkelpaqméteyncha'a s'e: “¡Agmaskoho anna axtal'a m'a Egipto, essenhan se'e yókxexma meykexa nak énxet!

Números 14:22

Métyehek sa' xama enxoho xapop séltennassamakxa axta ko'o agkések apyapmeyk nano', cham'a apkelwete axta chá'a élseyéxma ahagkok tén han aqsok sempelakkasso nak agweta' séláneya axta chá'a ko'o m'a Egipto tén han ma'a yókxexma meykexa nak énxet, cham'a ekxámokma axta ko'o sépkeynma m'a yókxexma meykexa nak énxet, melyaheykekxa axta chá'a séltémókxa etnahagkok. Métyehek sa' xama enxoho m'a sewanyeykha nak chá'a ko'o.

Números 14:27

—¿Háxko sa' ekwánxa kammok néxa sexéneykha ko'o xa israelitas, élmasagcha'a nak apkeltémakxa? Ekleg'ak ko'o apkelpaqméteykha ekmaso sexéna.

Números 14:28

Kólyo'ókxa sa' kaxwo' kóltennássekxak sektáha ko'o sekpeywa s'e: Naqsók ko'o sekxéna, sektáha nak Wesse' peya atnéssesek kéxegke m'a ekhawo ektémakxa nak chá'a seklegé kélpaqméteykha.

Números 16:11

Kélxénáha agkok kéxegke ekmaso m'a Aarón, cháxa kélenmexeyncha'a m'a Wesse' egegkok, xép, tén han m'a apkelxegexma'a nak.

Números 16:35

Apcháphássek axta han táxa Wesse' egegkok, kelnapchek axta m'a doscientos cincuenta énxet'ák apkelseykekxésso axta m'a aqsok ánek ekmátsa nak ekpaqneyam éten agkok.

Números 17:5

Wának sa' ko'o kaltekteypok yámet aptasqapeykha m'a ektáha nak ko'o sélyéseykha, keñe sa' kamaskok apkelxéneykha ekmaso kéxegke nahaqtók ko'o m'a israelitas.”

Números 21:5

yetlókok axta nahan apkelpaqméteykha apkenmexeyncha'a m'a Dios, tén han ma'a Moisés. Aptáhak axta apkeláneya s'e: —¿Yaqsa ektéma sẽlántekkessama nak negko'o kéxegke m'a Egipto? ¿Yaqwayam hẽlnáhapwak yókxexma meykexa énxet enxeykel'a? Méko yegmen negyenéyak enxoho, tén han nento. ¡Ẽlleklámegkek negko'o s'e nentéyak élmasagcha'a nak!

Deuteronomio 25:18

kaxénwakxoho sa' kélwáxok, apketámeykmo axta kéxegke m'a ámay nak meyke apkeye xama enxoho m'a Dios, apkelyentamomakpoho axta apweteya kélyampaya kéxegke tén ekmassama kélyennaqte, apkeleñama axta neptámen apketámeykmo m'a énxet'ák apkelyelqamákpoho axta tén han ma'a apkelxegayam axta axayo'.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.

Deuteronomio 9:22

“Kéllókáseykegkek axta nahan kéxegke Wesse' egegkok ma'a kélheykegkaxa axta Taberá, Masá tén han ma'a Quibrot-hataavá.