Números 10:35 - Biblia Enxet

³⁵ Xama axta emáwhok chá'a elxegekxak ma'a apkelseykha axta chá'a yántéseksek. Axta etnehek chá'a Moisés se'e: “¡Wesse' egegkok, exatakha'! ¡Yexpánches sa' ma'a apkelenmexma! ¡Yenyahagkok sa' apwet'a enxoho m'a aptaqnagko nak chá'a exchep!”

Números 10:35 Iomraidhean Croise

Salmos 132:8

Wesse', éxyem yetlo yántéseksek apagkok ekyetchesamaxkoho nak apyennaqte, emyenta m'a egkexe yaqwánxa sa' exek chá'a meyke néxa'.

Salmos 3:8

Wesse', xép apteme segwagkasso teyp, ¡Elmés sa' ektaqmalma apheykha m'a énxet'ák apagkok nak xép!

Salmos 9:19

Wesse', yempekxa néten, nágyoho keyxkohok apwáxok énxet; ¡yána elyekpelchekpohok énxet melya'áseyak nak xép nápaqto'!

Salmos 94:16

¿Yaqsa sa' ko'o hey'áwak hepásegwak sétamakmo enxoho m'a élmasagcha'a nak apkeltémakxa, tén han ma'a apkeláneykegkoho nak aqsok ekmaso?

Isaías 51:9

Exatakha' Wesse' egegkok exatakha' yetlo apmopwána, emekxa apyennaqte; exatakha' aptéma axta m'a nentámen axta cham'a nanók agko' axta. Apkelyaqtenneykegkek axta exchep ma'a Rahab, cham'a yegmen askok ekyawe nak;

Deuteronomio 32:41

ekmaxneyákxeyk sa' agkok sókwenaqte élyenma ahagkok tén han seyeynawo sa' yaqwayam alyekpelkoho', axnéshok sa' ko'o mók setnéssessamakxa m'a sélenmexma nak. ¡Agkések sa' apkellegeykegkoho ekpayhawo nak chá'a yaqwayam agkések ma'a ektáha nak chá'a setaqnagko!

Deuteronomio 7:10

emasséssamho eyke chá'a m'a ektáha nak chá'a aptaqnagko, egkések chá'a apkellegeykegkoho ekpayhawo nak chá'a yaqwayam egkések. ¡Kaxwók chá'a egkések apkellegeykegkoho m'a ektáha nak chá'a aptaqnagko!

1 Samuel 4:3

Xama axta apkelwákxo makham sẽlpextétamo israelitas ma'a apkelpakxeneykegkaxa axta, aptáhak axta apkeláneya apkelámha apmonye'e Israel se'e: “¿Yaqsa ektáha apcha'awo nak Wesse' egegkok segmenxena negko'o sakhem ma'a filisteos? ¡Agwakxak sa' Wesse' egegkok yántéseksek apagkok ma'a ekyetnama nak Siló, yaqwayam sa' exog negyeseksa negko'o m'a Wesse' egegkok, tén han hegmenxenchesek neyseksa apmáheyo hẽlmok nélenmexma!”