Números 10:1 - Biblia Enxet

¹ Appaqhetchessek axta Wesse' egegkok ma'a Moisés. Aptáhak axta apcháneya s'e:

Números 10:1 Iomraidhean Croise

Génesis 42:13

Aptáhak axta apkelátegmowágko s'e: —Doce negyókxoho negko'o egyáxeg xamo', aptáha nak xép apkeláneykha, negheykha han ma'a Canaán. Aphákxeyk eyke aphakxa táta m'a egyáxeg apsexyo nak, keñe m'a pók axta apxegáneykmo negyeseksa negko'o.

Génesis 46:15

Cháxa étchek apkelennay'a axta Lía ekwetasso Jacob, ekheykencha'a axta m'a Padán-aran, tén han ma'a étche kelwána Dina. Treinta y tres axta ekyókxoho m'a aptawán'ák, apkelennay'a tén han kelwán'ák.

2 Samuel 6:15

apwoncháseyha axta han yetlo ekpayheykekxa apwáxok apsákxo m'a Wesse' egegkok yántéseksek apagkok, tén han ma'a apyókxoho nak israelitas, yetlo apkelpáwasso apkelaqkahasso.

2 Reyes 11:14

Wet'ak axta wesse' apwányam apkenmeyncha'a m'a nekha nak meteymog émha, aptamheykegkaxa axta chá'a. Apchaqnáha axta han nápakha apkenmágkaxa m'a apkelámha apmonye'e nak, tén han ma'a apkelpáwasso nak, kelpayhekxók agko' axta apkelwáxok énxet'ák, apkelpáwássek axta apkelaqkahasso. Tén axta élyepta élnaqta m'a Atalía, axta táhak ekpaqmeta ekyennaqte s'e: —¡Énmexáxche'!

2 Crónicas 23:13

Wet'ak axta wesse' apwányam apkenmeyncha'a m'a nekha nak meteymog émha, nentaxnamakxa nak tegma. Apchaqnáha axta han nápakha apkenmágkaxa m'a apkelámha apmonye'e nak, tén han ma'a apkelpáwasso, kelpayhekxók agko' axta apkelwáxok énxet'ák, apkelpáwássek axta apkelaqkahasso; apkelxegkessek axta negmeneykmasso m'a apkelxegkesso nak chá'a negmeneykmasso yetlo apkelpáwasso. Tén axta élyepta élnaqta m'a Atalía, axta táhak ekpaqmeta ekyennaqte s'e: —¡Énmexáxche'!

2 Crónicas 5:12

Apyókxoho levitas ektáha axta chá'a apkelmeneykmasso: cham'a Asaf, Hemán tén han Jedutún, yetlo apketchek, tén han ma'a apnámakkok, apchaqnáha axta m'a ekpayho nak ekteyapmakxa ekhem ekyetnamakxa m'a ekwatnamáxchexa aqsok, yetlo apkelántaxneykekxa m'a apáwa apkelexyawe. Yetneyk axta m'a kélaqtáwasso élpayhe, yát'axpog tén han arpa. Ciento veinte apkelmaxnéssesso Dios énxet'ák apagkok axta han apkelxegexma'a, apkelpáwasso axta m'a apkelaqkahasso.

2 Crónicas 7:6

Apchaqnáha axta chá'a apkelmaxnéssesso Dios énxet'ák apagkok ma'a apkeltamheykegkaxa axta chá'a, tén han levitas, yetlo apkelmeykha m'a apkelpáwasso élpagkanamaxche apkelane axta David, yaqwayam étlókasek negmeneykmasso ektéma nak se'e: “Megkamassegwomek segásekhayo”, apmeneykmassama axta chá'a David apyetlókassama xa apkelpáwasso nak. Keñe axta apkelmaxnéssesso Dios énxet'ák apagkok apkelpáwasa apkelaqkahasso apmonye'e m'a énxet'ák, ekpayhókxa axta apchaqnágkaxa m'a apyókxoho énxet'ák Israel.

Esdras 3:10

Xama axta apnegkenágko meteymog apowhók Wesse' egegkok tegma appagkanamap apagkok ma'a ektáha axta apkeláneykekxa', apkelchampákxeyk axta néten apkelmaxnéssesso Dios énxet'ák apagkok, yetlo apkelántaxneykekxa m'a apkelántaxno apkelwenaqte, tén han yetlo apkelmeykha apkelaqkahasso. Keñe axta levitas, Asaf axta aptawán'ák neptámen, apkelsawa m'a apkeltekpaga yaqwayam elpeykeshok ma'a Wesse' egegkok, apkeltémókxa axta etnahagkok ma'a David, wesse' apwányam apagkok axta Israel.

Salmos 47:5

¡Apmeyákxeyk Dios Wesse' egegkok ma'a néten ekyetnamakxa nak aptaháno eyeymáxkoho, yetlo kélwehéseykha élpayheykekxa kélwáxok, tén han kélpáwasso kélaqkahasso!

Salmos 81:3

Kólpáwes chá'a kélaqkahasso ekwokmo enxoho apteyapmakxa pelten apketkok, tén han apyennaya enxoho chá'a, hakte cháxa ekhem nenláneykxa chá'a nélsawássessamo ekwányam.

Salmos 98:6

Kólmeneykmés yetlo ekpayheykekxa kélwáxok, nápaqto' Wesse' egegkok, apteme nak Wesse' Apwányam, yetlo kélpáwasso kélaqkahasso.

Números 1:52

Keñe sa' ma'a nápakha nak israelitas elyaqyesagkok sa' apheykha apkelpakxenéyak, xama sa' chá'a m'a ektáhakxa nak chá'a appakxanma apagko' yetlo bandera apagkok.

Números 10:2

Elána sa' ánet kélaqkahasso sawo ekmope ekmomnáwa kéltekpagéyak nak sawo ekyentaxno, yaqwayam sa' etnehek apkelmeykha apkenchesso chá'a apcháncháseykekxa énxet'ák, tén han apchaqkahássesso chá'a énxet'ák yaqwayam yának elxog.

Números 29:1

“Kóllának sa' kéxegke kélaqneykekxa kélpeykessamókxa nak Wesse' egegkok eyeynókxa nak ekxega émha amonye' ekhem pelten siete. Megkóllanyek sa' kéltamheykha xama enxoho xa ekhem nak, kólpáwaksek sa' kélaqkahasso.

Números 7:2

Tén axta m'a apkelámha apmonye'e nak chá'a nepyeseksa énxet'ák apagkok, appasmo axta apkelane weykcha'áhak apnaqtáxéseyak apkelwesey énxet, apkelmeyákxo m'a,

Números 9:23

Elpakxenagkok axta nahan chá'a m'a apkeltamho enxoho chá'a elpakxenagkok, elxegekxak axta nahan chá'a m'a apkeltamho enxoho chá'a elxegekxak ma'a Wesse' egegkok. Apkelyeheykekxók axta m'a Wesse' egegkok segánamakxa apagkok, ekhawo m'a ektémakxa axta apmésso appeywa, apchásenneykekxoho axta m'a Moisés.

Josué 6:4

Siete apkelmaxnéssesso Dios énxet'ák apagkok sa' elxog ma'a amonye' nak yántéseksek ekhémo mók nélpaqhetchásamáxkoho, xama sa' chá'a yetlo apchaqkahasso élánamáxche nak nepkések apkennawók apkepetek, keñe sa' ekwokmo enxoho siete ekhem, kólhaxnenchágwakxak sa' makham ma'a tegma apwányam ekweykmoho siete kélhaxnencheyam, keñe sa' ma'a apkelmaxnéssesso Dios énxet'ák apagkok, elpáwáksek sa' aqsa m'a apkelaqkahasso nak neyseksa kélhaxnencheyam.

Jueces 7:20

apheyásawók axta han mók apkelpáwasso nepkések apkennawo' apkepet'ák ma'a ántánxo apkelyaqyeyáseyak nak, apkelpáxqatchek axta han yátegwáxwa. Nepsagqalwa axta han apkelsáwak ma'a yántápak táxa eyáléwe naw'ék, keñe axta nepkések apkennawo' apkepet'ák ma'a apkelya'assamakxa nak, keñe axta aptáha apkelyennaqtésa apkelpeywa s'e: “¡Kólhaxyawasák axanák sókwenaqte! ¡Eñama Wesse' egegkok tén han Gedeón!”