Números 1:16 - Biblia Enxet

¹⁶ Cháxa apkelámha apmonye'e apkelyésamap axta nepyeseksa apheykegkaxa israelitas, yaqwayam etnahagkok apkelámha apmonye'e nepyeseksa m'a apnámakkok apancha'awo nak chá'a.

Números 1:16 Iomraidhean Croise

Éxodo 18:21

Elyésha sa' xép nepyeseksa énxet'ák ma'a énxet apmopwána nak aptamheykha, ekha nak apcháyo m'a Dios, tén han meyke nak apteme apmopwána amya'a, énxet megkóllekweykmoho nak chá'a exkágwók ma'a selyaqye ekmaso nak ektegyamaxche, tén sa' nahan egkések chá'a xama aptaqmelchesso apnámakkok ma'a mil énxet, tén sa' nahan pók apkeltaqmelchesso m'a cien, tén sa' nahan pók apkeltaqmelchesso m'a cincuenta, tén sa' nahan pók apkeltaqmelchesso m'a diez énxet.

Éxodo 18:25

Apkelyésáha axta chá'a énxet apmopwána enxoho aptamheykha nepyeseksa m'a énxet'ák Israel, tén axta apmésa nahan yaqwayam eltaqmelchesek chá'a m'a mil énxet, tén han pók ma'a cien, tén han cincuenta m'a pók, tén han pók ma'a diez énxet.

Miqueas 5:2

Keñe exchep, Belén Efrata, apteme nak ketchetsek nepyeseksa m'a Judá apnámakkok, xép sa' yenyék etyapok xama wesse' apwányam apagkok Israel, aptáwen neptámen nak ma'a nanók énxet.”

Números 1:15

“Ahirá, apketche nak Enán, apteme nak Neftalí énxet'ák apagkok.”

Números 1:17

Apchánchesákxeyk axta Moisés tén han Aarón xa énxet'ák nak, ektáha axta apkelyéseykha m'a Dios, émha amonye' ekhem apqánet pelten axta m'a apyeyam nak, tén han ma'a apyókxoho énxet'ák. Apkelyetsáteykxeyk axta m'a apyókxoho israelitas, apnaqtáxésagkek axta chá'a apkelwesey ektáhakxa enxoho chá'a apnámakkok apancha'awo', tén han ma'a apwánxa axta chá'a apyókxoho m'a apkelennay'a ekwayam nak chá'a veinte apyeyam apagkok néten,

Números 1:4

tén han xama apkemha apmonye' chá'a m'a ektáhakxa nak apnámakkok apkeñama nak chá'a nepyeseksa énxet'ák apagkok.

Números 10:4

Kélaqkahássek sa' agkok chá'a xama kélaqkahasso, wánxa sa' aqsa chá'a yaqnekxak ma'a apkelámha apmonye'e nak chá'a nepyeseksa énxet'ák apagkok.

Números 11:17

Aweywenták sa' ko'o m'a, keñe sa' alpaqhetchesek yetlo exchep, amekxak sa' nahan nekha espíritu ekyetna nak xép, keñe sa' almésagkok ma'a énxet'ák nak, yaqwayam sa' epasmok apkeltaqmelchesso exchep ma'a énxet'ák nak. Keñe sa' metnehek chá'a exchep apxakko'.

Números 26:9

keñe axta Eliab apketchek ma'a Nemuel, Datán, tén han Abiram. Datán tén han Abiram cháxa apkelámha apmonye'e apyepetcheykekxo axta Coré, apkenmexeykekxo m'a Wesse' egegkok tén han ma'a Moisés ekweykekxoho m'a Aarón,

Números 30:1

Aptáhak axta apkeláneya Moisés apkelámha apmonye'e axta chá'a nepyeseksa aphawóxama israelitas se'e: “Apkeltamhók ko'o Wesse' egegkok

Números 7:2

Tén axta m'a apkelámha apmonye'e nak chá'a nepyeseksa énxet'ák apagkok, appasmo axta apkelane weykcha'áhak apnaqtáxéseyak apkelwesey énxet, apkelmeyákxo m'a,

Deuteronomio 1:15

“Élmomchek axta chá'a ko'o énxet apkeleñama nak kélnepyeseksa kéxegke m'a énxet apmopwancha'a apagko' nak aqsok, tén han apkelya'áseykegkoho nak chá'a ektémakxa aqsok apkelwete, ekteméssessegkek axta ko'o apkelámha apmonye'e kélagkok kéxegke; ekméssegkek axta chá'a ko'o xama yaqwayam etnehek apkemha apmonye' nepyeseksa m'a mil énxet, tén axta pók sekméssama cien, tén axta nahan pók sekméssama cincuenta, tén axta pók sekméssama diez, tén axta nápakha sélméssama nahan yaqwayam eltaqmelchesek ma'a pók nápakha neghawóxama nak.

Jueces 6:15

Apchátegmowágkokxeyk axta makham Gedeón: —Wesse', ¿háxko ko'o atnehek alwagkasek teyp énxet'ák Israel? Apkelyelqákpók apagko' ko'o énxet'ák ahagkok nepyeseksa m'a Manasés énxet'ák apagkok, mékoho ahagko' nahan ko'o nepyeseksa m'a sekhawóxama.

1 Samuel 22:7

keñe axta aptáha apkeláneya m'a apkeláneykha apheykha axta xamo': —Benjamín énxet'ák apagkok, kóleyxho sa' sekpeywa: ¿Kélaneykeya elmésagkok kéxegke xapop kélyókxoho m'a Jesé apketche, tén han anmen yámet kélcheneykekxa nak? ¿Kélaneykeya etnéssesagkok sẽlpextétamo apkelámha apmonye'e tén han kelwesse'e?

1 Samuel 23:23

Kóltaqmelchesho sa' kéllányo m'a apmeyeykekxexa enxoho chá'a éxanmok, keñe sa' hélyo'ótak héltennássetak ekpayhókxa', keñe sa' alyetlakxak ko'o kéxegke. Naqsók sa' agkok apha m'a yókxexma nak, aktamok sa' ko'o nepyeseksa apyókxoho m'a Judá apnámakkok nak.