Levítico 7:21 - Biblia Enxet

²¹ “Énxet appaknegweykmoho enxoho xama aqsok ekmanyása, —eñama nak énxet, essenhan aqsok nawhak, essenhan ma'a mók aqsok ekmanyása nak, keñe aptawa enxoho m'a kéltósso ekmatñá ápetek segwetassamo nak nélásekhamaxchekxoho, ektáha nak apagkok ma'a Wesse' egegkok, kóltekkesek sa' nepyeseksa apnámakkok.”

Levítico 7:21 Iomraidhean Croise

Génesis 17:14

Kóltekkesek sa' eyke chá'a kélnepyeseksa kéxegke m'a megkólyenyekhássesso nak chá'a apyempehek, eñama melyaheykekxa m'a ekhémo mók nélpaqhetchásamáxkoho ahagkok.

Éxodo 12:15

Kóltawagkok sa' kelpasmaga meyke kempáseyak ekweykmoho siete ekhem; tásek sa' megkólpekkenek kempáseyak kélxanák se'e émha amonye' ekhem nak. Énxet ektáhakxa enxoho apto kelpasmaga ekyetlómo kempáseyak neyseksa s'e siete ekhem nak, kóltekkesek sa' nepyeseksa m'a énxet'ák Israel.

Éxodo 12:19

Siete ekhem sa' kammohok meyke kempáseyak ma'a kélxanák nak, hakte énxet ektáhakxa enxoho apto kelpasmaga ekyetlómo kempáseyak, kóltekkesek sa' ma'a kañe' Israel, megkeyxek sa' ma'a énxet apkeñama nak mók apkelókxa tén han ma'a apkelókxa apagko' nak.

Ezequiel 33:25

Etne sa' elának se'e: ‘Keso aptáhakxa exchek appeywa Wesse' egegkok se'e: Kélteykegkek kéxegke ápetek yetlo éma, kélpeykessamok ma'a aqsok kéleykmássesso, kélnapmeyk nahan ma'a kélnámakkok, ¿kélagkok ya sa' kóltéhek ma'a apchókxa nak?’

Ezequiel 4:14

Ektáhak axta ko'o seyátegmowágkokxo s'e: “Wesse' ahagkok, mapaknegweykmohok ko'o makham xama enxoho m'a aqsok ekmanyása nak; matók nahan xama enxoho ápetek ma'a aqsok nawhak étsapma naqsa nak, tén han ma'a aqsok nawhak eklo nak élyepto, meypkeynmak makham atwok xama enxoho m'a ápetek ekmanyása nak.”

Levítico 11:20

“Ekyókxoho askok élchampayo nak, tén han ma'a élxegamo nak náxop, kólteméssesek sa' aqsok élmanyása,

Levítico 12:1

Aptáhak axta Wesse' egegkok apcháneya Moisés se'e:

Levítico 17:10

“Altaqnaweygkok sa' ko'o apyókxoho israelitas, essenhan ma'a apkeleñama nak mók apkelókxa, apheykha nak kélnepyeseksa kéxegke, aptéyak nak chá'a ápetek yetlo éma. Atekkesek sa' chá'a ko'o nepyeseksa m'a énxet'ák apagkok.

Levítico 17:14

hakte éma ekteme ekmésso élyennaqte m'a ekyókxoho aqsok ekha nak élennama. Cháxa keñamak séltamho nak megkóltewek ma'a ápetek ekyetlómo nak éma, hakte cha'a ekmésso élyennaqte m'a ekyókxoho aqsok ekha nak élennama, énxet ektáhakxa enxoho apto, kóltekkesek sa'.

Levítico 18:29

Kélxama ektáhakxa enxoho kéllane xa aqsok ekmaso nak, kóltekkesek sa' nepyeseksa énxet'ák apagkok.

Levítico 19:8

énxet ektáhakxa enxoho apto, kaphewakxak sa' mey'assáxma, kóltekkesek sa' nepyeseksa énxet'ák apagkok, eñama aptawáseykha m'a aqsok kélpagkanchesso nak Wesse' egegkok.

Levítico 20:3

Wanmexek sa' ko'o xa énxet nak, atekkesek sa' nepyeseksa énxet'ák apagkok, eñama apkenyetsésso m'a kélpakxanma appagkanamap ahagkok, tén han aptawáseykha m'a sekwesey ekpagkanamaxche' apkelméssama apketchek ma'a dios Moloc.

Levítico 22:3

“Eltennés sa' apyókxoho aptawán'ák neptámen apseykekxa nak chá'a aqsok élpagkanamaxche', yetlo élmanyása apyempe'ék, apkelpagkanchesso nak chá'a Wesse' egegkok ma'a israelitas, kóltekkesek sa' sekhakxa nak. Ko'o sekteme Wesse'.

Levítico 22:4

“Méko sa' xama enxoho Aarón aptawán'ák neptámen etwok ma'a aqsok élpagkanamaxche', ekteme nak negmasse ektepelchamaxche egyempehek, essenhan ma'a eksekkeneykha nak apyegmenek, ekwokmoho kéláxñassásekxoho apyempehek. “Énxet appaknegweykmoho enxoho aqsok ekmanyása, cham'a kélhápak, essenhan ma'a eksekkeneykha nak apyegmenek,

Levítico 23:29

Énxet apto enxoho apto xa ekhem nak, kóltekkesek sa' nepyeseksa énxet'ák apagkok.

Levítico 7:20

“Aptókek sa' agkok kéltósso ekmatñá ápetek segwetassamo nak nélásekhamaxchekxoho m'a énxet ekmanyása nak apyempehek, ektáha nak apagkok ma'a Wesse' egegkok, kóltekkesek sa' nepyeseksa apnámakkok.

Levítico 7:22

Aptáhak axta Wesse' egegkok apcháneya Moisés se'e:

Levítico 7:25

“Énxet apto nak ma'a pexmok agkok nak kélnaqtósso, kélseykentegkesso nak Wesse' egegkok, yaqwayam kóltéhek kélmésso naqsa aqsok ekwatnamáxche', kóltekkesek sa' nepyeseksa apnámakkok.

Levítico 7:27

Énxet ektáha enxoho apto mók ektémakxa nak aqsok éma agkok, kóltekkesek sa' nepyeseksa apnámakkok.”

Números 19:22

Ekyókxoho aqsok ekpaknegweykmoho enxoho chá'a m'a énxet ekmanyása apyempehek, katnehek sa' élmanyása émpe'ék, tén han ma'a appaknegweykmoho enxoho xama énxet ekmanyása apyempehek, katnehek sa' ekmanyása apyempehek ekwokmoho ekyáqtésa.”

Deuteronomio 14:10

eyke nágkóltow ma'a meyke nak amék étkók tén han ma'a émpe'ék; kéméxcheyk kólteméssesek chá'a aqsok élmanyása xa.

Deuteronomio 14:3

“Nágkóltow chá'a xama enxoho m'a aqsok ekmanyása mantamakxa nak.

1 Samuel 20:26

Axta epaqmeteyha Saúl xa ekhem nak, hakte apkeneykek axta katnessásak ekmanyása apyempehek xama aqsok, apkeneykek axta megkáxña'awok apyempehek.