Levítico 5:16 - Biblia Enxet

¹⁶ Cháxa énxet nak, eyánmagkasek sa' ekwánxa aqsok megkésso élpagkanamaxche, eyánmagkásekxohok sa' nahan ketsék néten un quinto, egkések sa' apkelmaxnéssesso Dios énxet'ák apagkok xa ekwánxa nak. Keñe sa' nepkések apkennawo' apchaqhe nak ekyánmaga apsexnánémap, apkelmaxnéssesso Dios énxet'ák apagkok sa' etaksek megkólyaqmagkáseykekxa mey'assáxma xa énxet nak, megkólyaqmagkásekxeyk sa' mey'assáxma.

Levítico 5:16 Iomraidhean Croise

Salmos 69:4

Apxámok apagko' ma'a setaqnagko nak chá'a meykexho sektáhakxa', apyeykhágweykmok ma'a ekwánxa nak ekxámokma éwa'; apxámágkek apagko' ma'a sélenmexma, apmáheyo nak chá'a hemasséssók meykexho sektáhakxa, apkeltémók han chá'a almeyásekxak ma'a aqsok megkatnaha nak sélmenyexma.

Éxodo 22:1

“Apmeñexchek agkok xama énxet wey essenhan xama nepkések, keñe m'a apchaqha enxoho essenhan apyenyawa enxoho ekha ekyánmaga, eyánmagkasek sa' cinco weyke ekyaqmageykekxa m'a xama wey nak, keñe sa' cuatro nepkések ma'a xama nepkések nak.

Levítico 22:14

“Aptókek sa' agkok xama énxet ma'a aqsok élpagkanamaxche nak neyseksa mey'áseyak, kéméxcheyk eyaqmagkásekxak mók egkeyásekxak apkelmaxnéssesso Dios énxet'ák apagkok ma'a aqsok apto ketse néten;

Levítico 27:13

Kélmakók sa' agkok kólmekxak makham ma'a kéltósso nak, kólyánmagkásekxohok sa' ketsék néten, ekyepetcheykekxa m'a ekwánxa nak ekyánmaga ekxénamaxchexa'.

Levítico 27:15

Keñe sa' ma'a énxet apmáheyo nak emekxak makham ma'a apxagkok, appagkanchesso nak ma'a Wesse' egegkok, eyánmagkásekxohok sa' ketsék néten, ekyepetcheykekxa m'a ekwánxa axta ekyánmaga kélpekkenma, keñe sa' etnekxak makham apagkok ma'a tegma nak.

Levítico 27:27

Aqsok kéltósso ekmanyása sa' agkok, kélwanchek kólmekxak makham ma'a ekwánxa enxoho ekyánmaga kélpekkenma, yetlo kélyánmagkáseykekxoho ketsék néten ma'a ekwánxa nak ekyánmaga. Sa' agkok kólmákxa', kólyenyekxak sa' ekha ekyánmaga, cham'a ekwánxa nak ekyánmaga kélpekkenma.

Levítico 27:31

Peyk agkok emekxak xama énxet xa xama ekwayam nak diez, eyánmagkasek sa' chá'a m'a ekwánxa enxoho chá'a ekyánmaga, yetlo ketsék néten.

Levítico 4:20

Kólteméssesek sa' ekhawo kélteméssessamakxal'a weyke étkok kennawo' kólwatnek ekyánmaga nak magya'assáxma; cháxa peya sa' katnehek apwetasso apkelmaxnéssesso Dios énxet'ák apagkok megkólyaqmagkáseykekxa apkeltémakxa melya'assáxma m'a apyókxoho énxet'ák nak. Keñe sa' megkólyaqmagkásekxeyk melya'assáxma.

Levítico 4:26

elwatnek sa' ekyókxoho pexmok ma'a néten nak ekwatnamáxchexa aqsok, ekhawo kélteméssessamakxal'a m'a kéltósso ekmatñá pexmok agkok kélmésso nak segwetassamo nak sẽlásekheykekxoho. Cháxa peya sa' apkelmaxnéssesso Dios énxet'ák apagkok katnehek apwetasso megkólyaqmagkáseykekxa mey'assáxma m'a apkemha apmonye' nak, megkólyaqmagkásekxeyk sa' ektémakxa mey'assáxma.

Levítico 5:10

Keñe sa' ma'a pók nak, ewatnek sa', ekhawo m'a kéltémókxal'a chá'a katnehek élánamáxche', cháxa peya sa' etaksek apkelmaxnéssesso Dios énxet'ák apagkok megkólyaqmagkáseykekxa mey'assáxma apkelane xa énxet nak, keñe sa' megkólyaqmagkásekxeyk aptémakxa mey'assáxma.

Levítico 5:13

yaqwayam enxoho etaksek apkelmaxnéssesso Dios énxet'ák apagkok megkólyaqmagkáseykekxa ekyókxoho apkelane mey'assáxma xa énxet nak, megkólyaqmagkásekxeyk sa' aptémakxa mey'assáxma. Keñe sa' ma'a éleymomáxche nak, elmekxak ma'a apkelmaxnéssesso Dios énxet'ák apagkok, kélteméssessamól'a m'a aqsok aktek kélcheneykekxa'.”

Levítico 5:6

keñe sa' éntemekxések Wesse' egegkok xama aptósso apkelwána, yaqwayam etnehek apchaqhe ekyánmaga m'a mey'assáxma apkelane nak, xama nepkések, essenhan xama yát'ay; keñe sa' xa aptósso apchaqhe nak, apkelmaxnéssesso Dios énxet'ák apagkok sa' etaksek megkólyaqmagkáseykekxa mey'assáxma xa énxet nak.

Levítico 7:2

Kéltósso kélmésso nak chá'a ekyaqmageykekxa nensexnánémaxche', kólyaqténchesek sa' chá'a ayespok ma'a ektekyómakxa nak chá'a kélnaqtósso, kélmésso nak chá'a yaqwayam kalwatnaxche', keñe sa' éma agkok kólexpaqheykha chá'a m'a nekhaw'ék nak ekwatnamáxchexa aqsok.

Números 5:7

kéméxcheyk ey'ásegwakxoho'. Kéméxcheyk egkeyásekxak mók ekyaqmageykekxa aqsok aptawassáseykha m'a pók, exnéshok ma'a ekwánxa aqsok aptawassáseykha, keñe egkeyásekxohok makham mók néten.

Números 5:8

Apketsekkek sa' agkok ma'a énxet kéltawassáseykha nak aqsok apagkok, méko enxoho nahan xama enxoho m'a apnámakkok apagko' nak, yaqwayam enxoho kólmeyásekxak ma'a aqsok ekyaqmageykekxa kéltawassáseykha, Wesse' egegkok sa' kólmések, yaqwayam kapasmok ma'a apkelmaxnéssesso nak Dios énxet'ák apagkok, kólmések sa' nahan nepkések apkennawo', yaqwayam sa' egkések Wesse' egegkok ma'a apkelmaxnéssesso nak Dios énxet'ák apagkok, keñe sa' etaksek megkólyaqmagkáseykekxa mey'assáxma xa énxet nak.

1 Samuel 6:3

Aptáhak axta apkelátegmowágko: —Peyk sa' agkok kólyensakxak makham ma'a Dios Israel nak yántéseksek apagkok, nágkólaphés aqsa meyke kélyetlókassamo xama aqsok, kólmés sa' ekyaqmageykekxa kélsexnánémaxche' m'a Wesse' apagkok. Keñe sa' kóltaqmelekxak makham kéxegke, kólyekpelchágwok sa' ektémakxa melwátesseykmo apkellegassáseykegkoho.