Levítico 4:6 - Biblia Enxet

⁶ sa' yetcheshok apophék éma m'a, elexpaqheykha sa' ekweykmoho siete aptamheykekxoho m'a nápaqto' nak Wesse' egegkok, ekpayhókxa nak apyexnamakxa apáwa apkexyawe kañe' nak tegma appagkanamap.

Levítico 4:6 Iomraidhean Croise

Éxodo 40:26

Appekkenchek axta ekwatnamáxchexa aqsok élánamáxche nak sawo ekyátekto ekmomnáwa m'a kañe' kélpakxanma apchaqneykekxexa nak chá'a énxet'ák, halep nak ma'a apáwa kélapma,

Levítico 14:16

yetchesek sa' apophék apkelya'assamakxa nak ma'a pexmok égmenek ekyetno nak awáxok apmek, keñe sa' yexpaqheykha ekweykmoho siete nápaqtók Wesse' egegkok.

Levítico 14:18

keñe sa' ma'a eyeymomáxche nak pexmok égmenek, eyegkenchesek apqátek ma'a ektáha nak kéláxñassáseykekxa apyempehek. Keñe sa' etaksek apkelmaxnéssesso Dios énxet'ák apagkok meyaqmagkáseykekxa Wesse' egegkok mey'assáxma xa énxet nak.

Levítico 14:27

keñe sa' apophék apkelya'assamakxa yexpaqheykha ekweykmoho siete nápaqtók Wesse' egegkok, nekha nak ma'a pexmok égmenek ekyetno nak awáxok apmek.

Levítico 14:7

Keñe sa' etnehek siete apkexpaqheykha éma m'a yaqwayam nak kóláxñassásekxak apyempehek negmasse ektepelchamaxche apyempehek ekteme, tén sa' exének eyáxñakxoho apyempehek. Eyenyekxak sa' han ma'a nátétkok yetlo aqta'ák nak.

Levítico 16:14

Emok sa' nahan ketsék ma'a weyke étkok éma agkok nak, apophék sa' etnehek yexpaqheykha m'a átog nak, ekpayhókxa nak ekteyapmakxa ekhem, tén sa' etnehek nahan apophék éma yexpaqheykha ekweykmoho siete m'a ekpayho nak amonye' m'a átog nak.

Levítico 16:19

apophék sa' nahan etnehek yexpaqheykha éma m'a néten nak ekwatnamáxchexa aqsok ekweykmoho siete. Cháxa peya sa' yáxñassásekxohok apkeltémakxa ekmanyása m'a israelitas, tén sa' etnéssesek ekpagkanamaxche'.

Levítico 25:8

“Kólyetsátekxa sa' siete apyeyam por siete, cuarenta y nueve apyeyam sa' katyapok

Levítico 26:18

“Sa' agkok hélyahákxak makham natámen ekteme xa ektáha nak, ayánchessamhok sa' ko'o séllegassáseykegkoho ekyentaxno agko', eñama megkólya'assáxma.

Levítico 26:24

alenmexekxak sa' ko'óxa kéxegke, ayánchessamhok sa' han séllegassáseykegkoho ekyentaxno agko', eñama megkólya'assáxma.

Levítico 26:28

alenmexekxak sa' ko'óxa kéxegke, yetlo seklo sa' allegássesagkohok ko'o makham ekyentaxno agko', eñama megkólya'assáxma.

Levítico 4:17

eyássesek sa' nahan apophék éma, tén sa' elexpaqheykha ekweykmoho siete aptamheykekxoho m'a nápaqto' nak Wesse' egegkok, cham'a apmonye' apyexnamakxa nak apáwa apkexyawe.

Levítico 4:25

Tén sa' apkelmaxnéssesso Dios énxet'ák apagkok yetchesek apophék éma apagkok nak yát'ay, apmatñà nak ekyánmaga magya'assáxma, eltexnagkok sa' ma'a élámha nak néten nekhaw'ék élwatnamáxchexa nak kélnaqtósso ektekyawa, keñe sa' ma'a éma eyeymomáxche nak, eyegkenek ma'a kóneg nak ekwatnamáxchexa aqsok,

Levítico 4:30

Keñe sa' apkelmaxnéssesso Dios énxet'ák apagkok yetchesek apophék éma, eltexnagkok sa' ma'a élámha nak nekhaw'ék élwatnamáxchexa nak kélnaqtósso ektekyawa, keñe m'a ekyókxoho éma eyeymomáxche nak, eyegkenek sa' ma'a kóneg nak ekwatnamáxchexa aqsok.

Levítico 4:34

Keñe sa' ma'a apkelmaxnéssesso Dios énxet'ák apagkok, yetchesek apophék ma'a aqsok kéltósso éma agkok ekmatñá kélmésso nak ekyánmaga magya'assáxma, eltexnagkok sa' ma'a élámha nak nekhaw'ék néten élwatnamáxchexa nak kélnaqtósso ektekyawa, keñe sa' ekyókxoho éma eyeymomáxche nak, eyegkenek ma'a kóneg nak ekwatnamáxchexa aqsok.

Levítico 8:11

Apkexpaqha'ak axta nahan ekweykmoho siete aptamheykekxoho ekwatnamáxchexa nak aqsok xa pexmok égmenek nak, apyegkenchek axta m'a néten ekwatnamáxchexa aqsok, tén han ma'a ekyókxoho aqsok kélmeykegkaxa nak chá'a, tén axta han ma'a sokpayhe ekwányam, yetlo m'a kélchexanmakxa nak, yaqwayam enxoho etnéssesek élpagkanamaxche'.

Levítico 8:15

Keñe axta Moisés apyaqténchesa ayespok, apophék axta han aptáhak ma'a éma agkok nak, apkeltexnágkek axta m'a élámha nak nekhaw'ék ekwatnamáxchexa aqsok, yaqwayam enxoho káxñásekxoho', keñe axta m'a éma eyeymomáxche nak, apyegkena m'a kóneg nak ekwatnamáxchexa aqsok. Cháxa ektáha axta ekpagkanamaxche xa ekwatnamáxchexa nak aqsok, yaqwayam kañenták chá'a segwetasso megkólyaqmagkáseykekxa magya'assáxma.

Levítico 9:9

Yetlókok axta han apsókasso apketchek ma'a éma, tén axta Aarón aptáha apophék, apkeltexnágkek axta m'a élámha nak nekhaw'ék ekwatnamáxchexa nak aqsok, keñe m'a eyeymomáxche nak éma, apyegkena m'a kóneg nak ekwatnamáxchexa aqsok.

Números 19:4

Eltexnagkok sa' nahan apophék ketsék éma m'a apkelmaxnéssesso Dios énxet'ák apagkok Eleazar, yexpaqheykha sa' ekweykmoho siete m'a kélpakxanma apchaqneykekxexa nak chá'a énxet'ák.

Josué 6:4

Siete apkelmaxnéssesso Dios énxet'ák apagkok sa' elxog ma'a amonye' nak yántéseksek ekhémo mók nélpaqhetchásamáxkoho, xama sa' chá'a yetlo apchaqkahasso élánamáxche nak nepkések apkennawók apkepetek, keñe sa' ekwokmo enxoho siete ekhem, kólhaxnenchágwakxak sa' makham ma'a tegma apwányam ekweykmoho siete kélhaxnencheyam, keñe sa' ma'a apkelmaxnéssesso Dios énxet'ák apagkok, elpáwáksek sa' aqsa m'a apkelaqkahasso nak neyseksa kélhaxnencheyam.

Josué 6:8

Apyókxoho axta aptamhágkok ma'a apkeltamhókxa axta etnahágkok Josué. Apkelxegkek axta xa siete apkelmaxnéssesso nak Dios énxet'ák apagkok, amonye' m'a yántéseksek ekhémo mók nélpaqhetchásamáxkoho apagkok nak Wesse' egegkok. Apkelpáwásegkek axta siete apkelaqkahasso, keñe m'a yántéseksek ekxegakmo m'a neptámen.