Levítico 4:4 - Biblia Enxet

⁴ Éntamok sa' ma'a nápaqto' nak Wesse' egegkok, cham'a átog nak nentaxnamakxa kélpakxanma apchaqneykekxexa nak chá'a énxet'ák; epekkenek sa' apmek néten akqátek, keytlawhok sa' apchaqhe m'a nápaqto' nak Wesse' egegkok.

Levítico 4:4 Iomraidhean Croise

2 Crónicas 29:23

Tén axta apnaqlákxo yát'ay apketkók apkenmágkaxa m'a wesse' apwányam, keñe han ma'a apyókxoho énxet'ák nak, yaqwayam etnehek apmésso naqsa ekyánmaga melya'assáxma, apnegkenchek axta apmék néten apqátek aqsok kélnaqtósso.

Isaías 53:6

Nélxegáneykmek negko'o negyókxoho, máxa nepkések nentamheykegkok, nentamheykegkek chá'a enxama m'a negmáheyókxa egagko' nak chá'a antéhek. Apmeyáseykekxeyk eyke Wesse' egegkok ekyókxoho m'a nentémakxa élmasagcha'a nak negko'o.

Daniel 9:26

Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Levítico 16:21

apnegkenchek sa' agkok apmék néten apqátek kéltósso m'a, exénekxohok sa' ekyókxoho apkeltémakxa ekmaso nak israelitas, tén han apkelenmexeykekxa chá'a Dios, tén han melya'assáxma. Cháxa peya sa' egkeyásekxak melya'assáxma énxet'ák ma'a yát'ay apkennawo' nak, xama énxet sa' han yáneykpok éntamok, keñe sa' eyenyekxak ma'a yókxexma meykexa nak énxet.

Levítico 4:15

apkelámha apmonye'e sa' enegkenagkok apmék néten akqátek ma'a weyke étkok kennawo' nak, cham'a nápaqto' nak Wesse' egegkok. Sa' yaqhek nahan ma'a.

Levítico 4:29

Epekkenek sa' apmek ma'a néten apqátek nak yát'ay, apmésso nak ekyánmaga mey'assáxma, tén sa' natámen yaqhek ma'a ektekyómakxa nak chá'a kélnaqtósso kélwatno.

Levítico 8:14

Keñe axta Moisés apkeltamho kólyentementák weyke kennawo étkok, ekmatñamo nak chá'a ekyánmaga magya'assáxma, keñe axta Aarón tén han apketchek apnegkenágko apmék ma'a néten akqátek nak weyke kennawo' étkok.

Números 8:12

Keñe sa' natámen levitas enegkenagkok apmék néten apqatkok ma'a weyke étkók kelennay'a, xama weyke étkok kennawók sa' nahan egkések yaqwayam kamátog ekyaqmageykekxa magya'assáxma, keñe sa' ma'a mók nak, egkések yaqwayam kawatnaxche', yaqwayam kalmópessásekxak apyempe'ék ma'a levitas.