Levítico 4:12 - Biblia Enxet

¹² —kólya'aksek sa' yókxexma eyáxñe teyp nak apheykegkaxa énxet'ák, ekpayhókxa nak kélpalchessamakxa táhap, kólsawhohok sa' kólnegkenwók ma'a néten nak táhap kélekhesso, kólnegkenek sa' yántápak keñe sa' kólwatnek.

Levítico 4:12 Iomraidhean Croise

Éxodo 29:14

keñe sa' ma'a ápetek nak, tén han ma'a émpehek nak tén han ma'a ekteyáseykha nak ma'a weyke kennawók étkok, elwatnegwom sa' ma'a teyp nak apkelpakxeneykegkaxa énxet, cham'a yókxexma nak, hakte cháxa ekteme xama kéltósso ekmatñá ekyaqmageykekxa mólya'assáxma xa.

Ezequiel 43:21

Keñe sa' natámen emok ma'a weyke kennawók étkok kélmésso nak ekyaqmageykekxa megkólya'assáxma, ewatnegwók sa' ma'a yókxexma teyp nak tegma appagkanamap, kéllánessamakxa axta chá'a yaqwayam kalanaxchek xa ektéma nak.

Levítico 13:46

Énxet ekmanyása apyempehek sa' han eltamhakpok ma'a ekha enxoho makham élyephe apyempehek; apxakko' sa' nahan exek teyp nak apkelpakxeneykegkaxa énxet'ák.

Levítico 16:27

“Keñe sa' ma'a weyke kennawo', tén han yát'ay apkennawo', ektekyawa exchek ekyánmaga megkólya'assáxma, kélsákxo exchek éma agkok ma'a ekpagkanamaxchexa agko' nak, yaqwayam kataksek megkólyaqmagkáseykekxa megkólya'assáxma, kólsakxak sa' ma'a teyp nak apkelpakxeneykegkaxa énxet'ák, keñe sa' ma'a émpe'ék, ápetek, tén han ma'a ekteyáseykha nak, kólwatnekxak sa'.

Levítico 4:21

Keñe sa' kóltekkesek weyke étkok kennawo' ma'a teyp apkelpakxeneykegkaxa nak énxet, kólwatnek sa' nahan, ekhawo kélteméssesakxa axta m'a amonye' weyke étkok kennawo' nak, hakte cháxa ektáha ekmatñá ekyánmaga melya'assáxma m'a apyókxoho énxet'ák nak.

Levítico 6:23

Ekyókxoho apkelmésso naqsa nak aqsok apkelmaxnéssesso Dios énxet'ák apagkok, kólwatnek sa' chá'a ekyókxoho; méko sa' katwok.”

Levítico 6:30

Wánxa eyke aqsa megkólwanchek kóltók xama enxoho m'a kéltósso kélmésso nak ekyánmaga megkólya'assáxma, kélseykekxa nak éma agkok ma'a kélpakxanma apchaqneykekxexa nak chá'a énxet'ák, yaqwayam enxoho megkólyaqmagkásekxeyk megkólya'assáxma m'a kélpakxanma appagkanamap nak. Cháxa kéltósso kélaqhe nak, kéméxcheyk chá'a kólwatnek ma'a táxa nak.

Levítico 6:4

kaphewakxak sa' xa mey'assáxma nak. Esakxak sa' makham ma'a aqsok apmenyexma nak, essenhan ma'a apwete nak eñama apyennaqteyáseykha apyempehek, essenhan ma'a apchánémap nak eltaqmelchesek, essenhan ma'a aqsok apweteykekxa nak,

Levítico 8:17

keñe m'a eyeymomáxche nak weyke étkok kennawo', cham'a émpehek, ápetek agkok, ekteyáseykha, apkelwatnegwokmo m'a teyp apheykegkaxa nak énxet, ekhawo m'a apkeltamhókxa axta etnehek Wesse' egegkok.

Levítico 9:11

Keñe m'a ápetek nak, tén han émpehek, apkelwatnegwokmo m'a teyp apkelpakxeneykegkaxa nak énxet'ák.

Números 15:35

Tén axta Wesse' egegkok aptáha apcháneya Moisés se'e: “Payhawók ematñekxak xa énxet nak. Apyókxoho israelitas sa' elyetnak meteymog ma'a teyp nak apkelpakxeneykegkaxa énxet'ák.”

Números 19:3

Kéxegke sa' kólmések ma'a apkelmaxnéssesso Dios énxet'ák apagkok Eleazar, tén sa' etekkesek apkelpakxeneykegkaxa nak énxet'ák ma'a ey'aksek yókxexma, yának sa' kamátog nápaqto'.

Números 19:5

Keñe sa' kawatnaxchek nápaqtók ma'a weyke, yetlo émpehek, ápetek, éma agkok, tén han ma'a ekteyáseykha nak.

Números 5:3

Kóltekkes sa' teyp apheykegkaxa énxet ma'a apkenna' essenhan kelán'a. Keñe sa' megkólenyetseksek ma'a apheykegkaxa nak énxet'ák kéltáha enxoho xa, cham'a sekhamakxa nak chá'a ko'o nepyeseksa.”