Levítico 3:3 - Biblia Enxet

³ “Énxet apyentameykenta nak aptósso yaqwayam etnehek apchaqhe apmésso m'a segwetassamo nak sẽlásekheykekxoho, kéméxcheyk éntemekxak ma'a nápaqto' nak Wesse' egegkok, yaqwayam katnehek kélmésso naqsa kélwatno m'a pexmok agkok ekwakheykekxa nak kañe' awáxok kéltósso,

Levítico 3:3 Iomraidhean Croise

Salmos 119:70

Mopwanchek elya'asagkohok aqsok, peykáseykekxeyk eyke ko'o ewáxok ma'a nélxekmowásamáxche apagkok nak.

Éxodo 29:13

Elhaxyawásses sa' nahan pexmok agkok ekwakheykekxa nak ma'a tám'agkok, wanmeyá agkok tén han ma'a élyaqye agkok nak, elwet sa' ma'a néten nak ekwatnamáxchexa aqsok;

Éxodo 29:22

“Emekxa sa' pexmok ekyetno nak awhak apyapakyek ma'a nepkések apkennawo' tén han ma'a eyapma nak támpagkok tén han ma'a aphekhek, elma sa' nahan ma'a ánet élyaqye apagkok nak, tén han m'a pexmok ekwakheykekxa nak, tén sa' nahan ma'a xama apyók apkelya'assamakxa nak, hakte cháxa apteme xama nepkések apkennawók yaqwayam kólteméssesek apkelpagkanamap ma'a apkelmaxnéssesso nak énxet'ák ahagkok.

Proverbios 23:26

Hatte, etaqmelchesho chá'a apháxenmo ekyókxoho sektáhakxa enxoho chá'a sekpeywa ko'o, kalkoho apwáxok se'e sektémakxa nak ko'o;

Isaías 6:10

Elyennaqtésses sa' apkelwáxok xa énxet'ák nak; eláhakkásekxa sa' apeyk'ák, yaqwayam sa' mellegye', eláhakkásekxa sa' apaqta'ák, yaqwayam sa' melwetyehe' tén han melyekpelchágwome', yaqwayam sa' metnekxék ko'o mehey'ásseyam, keñe sa' mamasséssesek ma'a ektamheykegkaxa nak.”

Ezequiel 36:26

agkeyásekxak sa' ko'o kéxegke axnagkok kélwáxok tén han aphaxnagkok espíritu. Ayenyókasek sa' ko'o kéxegke xa élyennaqte kélwáxok ekho nak meteymog, agkeyásekxak sa' ma'a kélwáxok élmomhápa nak.

Ezequiel 44:15

“Sa' eyke apwanchek hélyepetchegwatámhok chá'a ko'o eltemeykha sekhakxa m'a appasmo apkelmaxnéssesso Dios énxet'ák apagkok levitas, cham'a Sadoc aptawán'ák neptámen nak, apkelxegkesso axta aqsa apkeltamheykha tegma appagkanamap ahagkok ma'a apkelyetnakhágwokmo axta apkelyetlo ámay ahagkok ma'a énxet'ák Israel. Sa' apwanchek elwakxak chá'a sekhakxa xa, yaqwayam hegkések chá'a m'a kélnaqtósso ektekyawa nak pexmok agkok tén han ma'a éma agkok nak. Ko'o séltémo, sektáha nak Wesse'.

Levítico 1:12

tén sa' kólyaqtennagkok ma'a kéltósso apmatñà nak, kólteméssesek nápakha'a apketkók, keñe sa' apkelmaxnéssesso Dios énxet'ák apagkok enegkenek néten yántápak ma'a kélteméssesso nak nápakha'a apketkók kélyenyekhé, cham'a eyáléwakxa nak táxa néten ekwatnamáxchexa nak aqsok, yetlo apqátek tén han támpagkok pexmok.

Levítico 1:8

yaqwayam enegkenek néten ma'a kéltósso ápetek kélteméssesso nak nekha'a étkók kélyenyekhé, tén han ma'a akqátek nak, tén han tám'agkok pexmok.

Levítico 16:25

Elwatnek sa' ekwatnamáxchexa aqsok ma'a pexmok agkok nak aqsok ekmatñá, ekyánmaga megkólya'assáxma.

Levítico 3:16

Apkelmaxnéssesso Dios énxet'ák apagkok sa' elwatnek ekyókxoho néten nak élwatnamáxchexa aqsok, yaqwayam katnehek kélmésso naqsa nento kélwatno, ekmátsa nak ekpaqneyam antekhánek. Wesse' egegkok sa' etnehek apagkok ma'a ekyókxoho pexmok nak.

Levítico 3:2

Epekkenek sa' apmek néten akqátek aptósso m'a énxet ektáha nak apmésso. Keñe sa' yaqhek ma'a átog nentaxnamakxa nak kélpakxanma apchaqneykekxexa nak chá'a énxet'ák. Tén sa' apkelmaxnéssesso Dios énxet'ák apagkok yexpaqheykha éma m'a nekhaw'ék nak ekwatnamáxchexa aqsok.

Levítico 3:4

tén han ma'a élyaqye agkok, yetlo pexmok eyapma nak, tén han ma'a ekhéyak nak néten akpok, tén han ma'a ahekhek pexmok nak, kéméxcheyk elhaxyawaksek yetlo m'a élyaqye agkok nak.

Levítico 4:10

ekhawo kélteméssessamakxal'a kólhaxyawássesek ma'a weyke étkok kennawo' yaqwayam nak kóltéhek kélmésso naqsa m'a segwetassamo nak sẽlásekheykekxoho. Apkelmaxnéssesso Dios énxet'ák apagkok sa' elwatnek ma'a néten ekwatnamáxchexa nak kélnaqtósso ektekyawa.

Levítico 7:30

Apmék sa' chá'a elsakxak nápaqtók Wesse' egegkok ma'a aqsok apkelmésso naqsa élwatnamáxche nak, tén han ma'a pexmok agkenyek, tén han ma'a agkenyek agko' nak, yaqwayam enxoho ey'asha néten nápaqto' Wesse' egegkok.

Levítico 7:5

Keñe sa' apkelmaxnéssesso Dios énxet'ák apagkok elwatnek ma'a néten nak ekwatnamáxchexa aqsok, yaqwayam etnéssesek aqsok kélmésso naqsa kélwatnésso m'a Wesse' egegkok. Hakte cháxa xama aqsok ekmatñá ekyaqmageykekxa nensexnánémaxche.

Levítico 9:10

Keñe axta pexmok apkelwatna m'a ekwatnamáxchexa nak aqsok, tén han élyaqye agkok, tén han ma'a ahekhek pexmok nak aqsok kéltósso ekmatñá ekyánmaga magya'assáxma, ekhawo m'a apkeltamhókxa axta Wesse' egegkok etnehek ma'a Moisés.

Deuteronomio 30:6

Enegkenchesagkok sa' kélqahasso ekhémo mók nélpaqhetchásamáxkoho kélwáxok kéxegke, ekweykekxoho m'a kéltawán'ák kélnentámen nak, yaqwayam sa' kólásekhohok chá'a ekweykmoho kañók agko' kélwáxok tén han ekweykmoho m'a élchetámeykegkaxa nak chá'a kélwáxok, yaqwayam sa' kawegqohok kélheykha s'e apchókxa nak.

1 Samuel 2:15

Amonye' kélwatno axta han chá'a pexmok ma'a kélwatnamakxa nak chá'a aqsok, ewakxak axta chá'a apkelmaxnéssesso Dios énxet'ák apagkok apchásenneykha, keñe etnehek yának ma'a yaqwayam nak egkések aqsok apchaqhe: “Hegkés ko'o ápetek yaqwayam ayaqxakkasek ma'a apkelmaxnéssesso Dios énxet'ák apagkok; hakte memhek sa' takha' m'a ápetek kélmakhetchesso nak, wetek sa' aqsa.”